Korint I 8
8
HEB NONGEN LE GAN ANSU HAIDEN BER GOUS ASU.
1Mu da hondre dandu longu masi le gan ber gous asu Haiden. Uo danem longu ogo masi, aga i de vonei bui, be golnisden ad Ndorlaben i da ndro uo bui. 2Ar homo i danen le bergoln i homo i da danen longu masigane, i de danen masou sehe longu i hian, sehe longu i momen. 3Ar homo golnisden Jehova ge, i ge, i danen i, ma Jehova i danen i lie. 4Mu da hondre dandu i hian, su beld su da le boan bui, su molhege, dandu ien gan ansu Haiden ber gous asu, Jehova ge, i Ndorlaben. 5Dansu hanguruen meluasu ber lang de ber boan, ehe, su beld mabosanged su da le boan, dagara su ndrolaben mabosanged. 6Le ndro du Kristen homo ge i Ndorlaben, aga Jehova, aga Damu, i da gin mengseni longu masigane aden ge, i da gin mengseni du lie, iou aden ge. Ma Jesu Kristo i Ndorlaben adu, i da gin hinen longu masigane le ndoui aden. I gin hinen du le lao aden. Aga mburer aden ge, iou mugueni i. 7Ehe, aga monen ge, su masigane dansu hanguruen dagara bui. Su holel, su heb ndoa bui, sidesi su gin ien gan ansu beld sengen ber gous asu Haiden, ma dansu i le hanguruen asu aga gan ansu beld.
8Gan anu de danen hinen du momen bui, de danen robuldi Jehova bugane, be io da ien gan, aga molhege, be iou de ien i bui, aga molhe lie. 9Ehe mbue hinen i le gan anmu, su da heb ndoa bui ndrnesu i irgu le gan anmu. 10Ar homo i ilndri uo, le logna beld, uo da ien gan la born ndro su, i heb ndoa masou malabo uo seslaini i le ien gan le gous asu lie. 11Ndangen uo gin bo momen le ndro nderm i da heb ndoa bui, i gin los le hanguruen adem, ma i hom lao ad Jesu Kristo, Kristo ginmad le ndro i lie. 12Be mu da bo momen le ndro su ndern, su heb ndoa masou dagara, mu bo momen le ndro Kristo. 13Be gan ono i seslaini ndere le longu momen, io mbuere ien heb sengen, debosan io seslaini ndere le longu momen.
Currently Selected:
Korint I 8: LLENT
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society 1956
