Korint I 16
16
Heb Nongen Le Ad Paulus.
Heb nongen le moni asu le ndro su ber Jerusalem.
1Be mu da hanguruen memrad ademu, mu da beg hengen le ndro su ber Jerusalem, hian ghinen i dege su lao ad Jesu Kristo ber Galatia su gin hinen i. Dege io gin bai le ndro su. 2Le sande homo ma homo ademu i daui heb moni aden le bogis, boen be io gme, mu daui me goure, boen io de belengeni eluen le heb memrad ademu bui. 3Be io gmeher ndro mu, io beg rendegien su holel ademu, su da dogi monen ge, le ndro su Jerusalem, su ghengen moni ademu le ndro su. 4Io de dono i masou moni ademu i da vonei, iou googi la born ndro su le gor Jerusalem.
5Be io da gin dogi le gor asu Masedonia boen io beg meher ndro mu, io do da ge le sal ber Masedonia. 6Be io gmeher ndro mu io gsou hebe, le vara holel, boen danmu sobani io le sal. 7Io bo mburer, io do da murai ge le dogromu, io ha leng gsou hebe, be Ndorlaben i ha lengi i. 8Io giroh le gor ogo Evesus, mabenan le Pentekost. 9Io dono bo mburer mabosanged le gor ogo, mburer hian ge, su ndremda rah su do da lie. 10Be Timoteus i gmeher ndro mu, hian osbani i, i do da hian ge le gor ademu, i da bo mburer ad Ndorlaben dege io lie. 11Mbue homo i hanguruen molhe le bergoln le ndro i, be i da le gor ademu, rendegien i mul me ndro io, io, ma su ndern ber gor ogo su belengeni i. 12Io gin ndemani ndern Apolos i la born ndro su ndern le sal asu, i gdogi le ndro mu lie. I mbueren dogi malabo, bersi muren i beg meher ndro mu lie, le rang aden hian. 13Hian mu mamed, e boro ndoui ber lang hian ge, mu dege su hian, su da ndoa. 14Ghinen longu masigane gle golnisden ademu ge. 15Mu ndere hian, heb longu hendre lie, hanguruen i, danmu su ber um ad Stevanas su lao ad Jesu hanu ber gor Grek, sidesi su gin bo mburer ad Ndorlaben, le ndro su lao aden helian. 16Hian delengamu le nongen asu, ma ad homo ma homo, i da bo mburer ad Ndorlaben, i da bieni ndoui aden le ndro Kristo. 17Io mugmug ge le asu ndern Stevanas, Vortunatus e Agaikus, aga heb surian ademu me ndro io. 18Su da gin bo hian le ndro io ma le ndro mu lie. Hian, ha hirong nongen asu. 19Su lao ad Jesu ber Asia mandehe su beani nongen hian ge le ndro mu, dagara Aguila sor Prisila, ma su ber um aden. 20Su ndern masigane su beani nongen hian le ndro mu. Gabmugueni homo ma homo gle mugmug ademu, be homo i ilndri bormarn ad homo. 21Aga hondre ordo, ad Paulus, nemo gin hondre nongen ogo. 22Ar homo de golnisden Ndorlaben bui, i gina momen ge. Maranata. 23Golnisden ad Ndorlaben Jesu i da ge ndro mu. 24Golnisden ordo i da ndro mu masigane le ndoui ad Jesu Kristo. Amen.
Currently Selected:
Korint I 16: LLENT
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society 1956
