Korint I 1
1
Heb nongen hanu.
1Io Paulus, hom Apostel Jesu Kristo, Jehova gin loh io le mburer ogo, dege i gin hanguren, ma ndere Sostenes, 2iouoro beani nongen hian le ndro su lao ad Jesu ber Korint, le ndro su ge, Jesu Kristo gin hinen su helian. I da gin loh su, su lao aden ge, le ndro su, su da lodu le ngarn ad Ndorlaben adu Jesu Kristo le gor hoger e hoger, ma le gor adu lie. 3Golnisden ad Ndorlaben ma benu ad Jehova, i Damdu, i da ge ndro mu.
4Sidesi io bamugueni Jehova, Ndorlaben ordo, be io da hanguruen mu, ma golnisden ad Ndorlaben Jehova, i da le dogromu le ad Jesu Kristo. 5I gin daui le ndro mu memrad bulhe ber lang, i gin daui bohernou le longu ber lang le ndro mu, danmu le longu ber gor lundielang hian ge. 6Be mu gin somui nongen le Jesu Kristo su gin daui i le bergolmu hian ge. 7Golnisden ad Jehova i da gin daui memrad ber lang hian ge le ndro mu, dege le ndro su ber gor hoger e hoger. Mu da belengeni rang ad Ndorlaben Jesu Kristo i da beg mehere. 8I ge i da gobgulue mu sidegesi danmu irgai monen ge, mabenan Ndorlaben adu Jesu Kristo na gmeher lie. 9Ndangen Jehova i da hanguruen hian me ndro mu sidesi. Ndur Jesu Kristo i da le molengamu, i Ndorlaben adu, i da gin loh mu gle lao aden.
Longu momen asu Korint. Iil asu Korint.
10Mu ndere hian, io ha soling ndro mu le ngarn ad Ndorlaben adu Jesu Kristo. Mbue bo iil homo le ndro homo gle nongen ademu, hian hanguruen monen ge homo ma homo bersi. 11Su ber um ad Gloe su gin boharni me ndro io, mu ndere hian, mu da bo iil le gor ademu le nongen hendr e hendr. 12Su holel su vong su bai: Io ad Paulus, su holel su bai: Io ad Apolos, su holel su bai: Io ad Kevas, aga Petrus, su holel su bai: Io ad Kristo. 13Kristo i hi derbe, su gin sindrdi i le maberha de le maberdolo? Su gin dadhe Paulus le beldigei le surien longu ademu momen? Su gin surhi mu le ngarn ad Paulus? 14Io bamugueni Jehova io de gin surhi mu bui. Krisbus sor Gaius, io gin surhi sor. 15Malabo homo i de danen bai bui, su gin surhi mu le ngoro. 16Ehe malabo io hanguruen, io gin surhi su ber um ad Stevanas lie, io de dono i bui, io da gin surhi homo lie. 17Kristo i de gin rendegien io bui le surhi su le ndran, i gin rendegien io le bohernou le ndro su longu le Jesu, le nongen mabosanged bui, debosan ndoui ber bedligei ad Kristo na glos.
18Nongen le beldigei ad Kristo i nongen molhege le ndro su, su da dogi le sal momen, le ndro du, aga ndoui ad Jehova, i da rumburdi du. 19Dege su gin hondre dugian: Io beg hinen hanguruen asu labenen ber gor dege hanguruen asu gou ge, nongen asu molhege. 20Su da oho, dansu longu mabosanged, su da oho, su ndremda henunuen su ndramed, su da oho, su ndremda iil le nongen asu ber gor ademu? Jehova i da gin hinen henunuen asu, gina le nongen ad hom gou de bui? 21Jehova gin boharni nongen hian ge le ndro su gor, su da gin hanguruen Jehova mahanu bugane, boen nongen aden ber lang gin meher ndro su, i gin bolumiasu, su da gin boro ndoui ad Jehova. 22Su Juda beg ilndri gelman ge, su Grek su beg hirong nongen hian asu gor masi. 23Iou ge, iou bohernou Kristo su da gin dadhe i le beldigei. Su Juda ndrnesu i mah le aden, ma nongen ogo i nongen gou le ndro su Grek. 24Le ndro su ge, Jehova gin loh su, su ber Juda ma su ber Grek dagara lie, iou da bohernou le ndro su, Kristo, aga ndoui ad Jehova, aga nongen hian ge ber lang. 25Nongen ad Ndorlaben Jehova, su ndramed su da bieni i, su da hanguruen, aga longu molhege, i hian hanu le asu nongen asu ndramed masigane. Su da heb ndoa bui, heb ndoui ad Jehova i da ndro su ge, dansu ndounen su ndramed ber gor.
26Mu ndere hian, e lele su, Ndorlaben gin loh su le lao aden, su da mabosanged bui, su ndremda marbahar, su da mabosanged bui, su labenen ber gor, su ndorlaben mabosanged su da le dogromu bugane. 27Su ndramed molhege su ge, Jehova gin loh su, i beg hinen i, bombulsu ndremda marbahar i mesi le longu asu. Su ge, su da heb ndoa bui, su da le moleamu, Jehova gin loh su le lao aden, su da ndoa le gor ogo, bombulsu i mesi le asu. 28-29Ehe, su ndramed molhege Jehova gin loh su, i beg ndumbue longu hian ber gor asu. Hom ndramed ber boan i de danen mugueni ndoui aden le bormarn ad Jehova bui. 30Aga mburer ad Ndorlaben ge, gabmugueni i ge mu lao ad Jesu Kristo. Ar danmu i, danmu longu masigane ber boan, ar danmu boro i, i da surien longu ademu momen le ndrai aden, i hinen mu hian rosan ge, i bolumia mu. 31Dege su gin hondre goru: Ar homo i beg mugueni, i gabmugueni ndoui ad Ndorlaben.
Currently Selected:
Korint I 1: LLENT
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society 1956
