Loma 12

O 'Orip no Matayalay i Kawas

1Orasaka, salikakaaw, nano sini'ada no Kawas titaanan ko sakapipa'icel ako i tamowanan a palimo'ot. Pacakaten i Kawas ko tireng namo to malokarahkeran no Kawas a fangcalay a ma'oripay a sapacakat i Cingraan. Onini ko so'linay a pita'ong namo. 2Aka pitodong kamo to dmak ato pinangan nonini a hkal. Pakoniraen ko Kawas a papisongila' a mifalic to faloco' ato harateng iso. Ta ma^deng kamo a mafana' to nafaloco'an no Kawas to nika o maan ko nga'ayay a karahkeran Ningra a masongila'ay a dmak.

3Pakaynien ako i nipaflian no Kawas a sini'ada i takowanan ko sapasowal ako i kahaccaccay namo. Aka pilakowit ko harateng namo a misatakaraw. Ka o 'icel no piti'er namo i Kawas, oya nipaflian Ningra i kahaccaccay ko sakasinanot namo a mihapinang to tatodong no tireng. 4Adihay ko ca'ang i ccay a tatirengan no tamdaw. Nikawrira, caay ka lcad ko tayal noya ca'ang a ma^min. 5Malcad tonini kita. Talacowa 'aloman kita, nikawrira, madadama ko kahaccaccay ita o ca'ang. Pakayni i nika laccay ita aci Kristo a malaccayto ko tatirengan ita. 6Orasaka, Pakaynien ita i nipaflian no Kawas a mikomi ato kasasiroma no rocek ita a misongila' a matayal to tatayalen. Ano o pipasowal to sowal no Kawas ko rocek ita i, pakaynien ita i tatodong no piti'er ci Kristoan ko pipasowal to sowal no Kawas. 7Ano o pipadama to tao ko rocek ita i, ka pidama kita. Ano o pasifana'ay ko rocek ita i, ka pipasifana' kita. 8Ano o pihinom ko rocek ita i, ka pihinom kita. Ano o pipalada' ko rocek ita i, ka pipalada' kita. Ano o midipotay ko rocek ita i, kalalok kita a midipot. Ano karasini'adaay ko rocek ita i, ka lipahak kita a sini'ada.

9Ka o so'linay ko piolah to tamdaw. Ka'osien ko tatiihay. Ka'imeren ko nga'ayay. 10Kasasiolah kamo. Nawhani o malaccayay kamo i ci Kristoananay a salikaka. Kasasingodo kamo a misapo^ner to faloco'. 11Aka ka toka. Sa'icelen a matayal. Ka o masarocoday ko faloco' a matayal to saki Tapang. 12Ka o pafaloco'an namo ko lalipahaken. Hadidien ko pades. Kararid a mitolon. 13Padamaen ko cango'otay a salikaka. Palada'en cangra. Sanga'ayen ko pihamham to lafang.

14Pilongoc i Kawas to pipalmed Ningra to mari'angay i tamowanan. Pilongoc to pipalmed no Kawas cangraan. Aka pi'kak to tamdaw. 15Kihatiyaen a malipahak ko lipahakay a tamdaw. Kihatiyaen a tomangic ko tomangicay a tamdaw. 16Aka pisakakinih to tamdaw a pa'ayaw. Aka pisatakaraw to faloco'. Pikapot i sasafaay ko 'orip a tamdaw. Aka pisano mafana'ay kamo.

17Aka ka o tatiihay ko sapico'ay i cimacimaan. Ka o nga'ayay a tapalen no tamdamdaw ko dmak namo. 18Pisa'icel kamo to sakararihaday namo ato tamdamdaw. 19Kaolahan ako a salikaka, aka pico'ay kamo. Paconohen i kter no Kawas konini. Mato sowal a matilid i Fangcalay Cudad, <<Kako ko cacitodong a mico'ay, o mamitfoc Kako,>> saan ko Tapang. 20O romasato a sowal i Fangcalay Cudad i, <<Ano macahiw ko 'ada iso i, pakaenen cingra. Ano maso'aw cingra i, pananomen. Ano haenen iso i, o mamangodo cingra i tisowanan,>> saan. 21Aka ka lowid no tatiihay. Ka o nga'ayay ko sapilowid to tatiihay.

Currently Selected:

Loma 12: AMIS2019

Highlight

Copy