'Olic 99
99
O Satadamaanay a Hongti a Kawas
1O mikowanay ko Tapang, mamirmir ko kasafinawlan,
maro' Cingra i kirupim i tadamaanay a kamaro'an,
mangernger ko sra.
2Tada o kasnengan ko Tapang i Cion,
o sakakaay Cingra i tahaf no kakarayan a kasakitakit.
3Mipahmek ko kasafinawlan to nika tadamaan no ngangan Iso,
nawhani o fangcalay o kasnengan Cingra.
4O tadaci'icelay a hongti, maolah Kiso to mo^celay,
mipatireng Kiso to malalenay a dmak i Israil,
mipa'ayaw Kiso to mo^celay ato micoker to marayasay a dmak.
5Pahmeken ko Tapang a Kawas ita!
Pipitosor a mita'ong i ka'ayaw no tadamaanay a kamaro'an Ningra!
Nawhani o fangcalay o kasnengan Cingra!
6O citodongay to ta'ong Ningra ci Mosi aci Aron,
o milongocay Cingraan ci Samuil,
milongoc cangra to Tapang i, paca'ofen Ningra cangra.
7Nai miciro'ay#99.7 miciro'ay -- masalotokay a to'em, nengnengen i Kasadakan 13.17-22. a to'em Cingra a pasowal i cangraan,
mihaklong cangra to nipaflian Ningra a rikec ato limo'ot.
8 Tapang a Kawas niyam, o paca'ofay Kiso to finawlan Iso,
talacowa o mihpolay a Kawas Kiso,
nikawrira, do^doen Iso ko nidmakan nangra a mitfoc.
9Pipahmek to Tapang a Kawas ita!
kaitira i fangcalay a lotok Ningra a mita'ong i Cingraan,
nawhani o fangcalay o kasnengan ko Tapang a Kawas ita.
Currently Selected:
'Olic 99: AMIS2019
Highlight
Share
Copy
Want to have your highlights saved across all your devices? Sign up or sign in
© The Bible Society in Taiwan, 2019
