'Olic 98
98
O Mikowanay to Hkal a Kawas
O ccay no 'olic.
1Pipasayra i Tapang a romadiw to fa^lohay a radiw,
nawhani o midmakay Cingra to kafahka'an a dmak.
Pakaynien Ningra i tadamaanay a 'icel ato fangcalay a 'icel ko sakapakalowid Ningra.
2Pasowal ko Tapang to nika pakalowidto Cingra,
pahapinangen Ningra ko kasakitakit to 'icel Ningra a pa'orip.
3Mado^do Ningra ko niktonan Ningra a sowal i Israil a tamdaw,
pakaynien Ningra i so'linay caay ka falic a olah Ningra ko sapidipot i cangraan.
Ma'arawto no polong no hkal ko nika pakalowid no Kawas ita.
4Kamo o tahaf no kakarayan, pilkal a romadiw to Tapang!
Satata'angen ko ngiha' a pa'olic a romadiw a pahmek i Cingraan!
5Karomadiw a pahmek to Tapang!
Pasonien ko datok a pahmek i Cingraan!
6Pasonien ko la^pa ato wa'a a la^pa a milkal a lipahak i ka'ayaw no Tapang a hongti ita!
7Kamo o riyar ato ma'oripay i laloma' no riyar, pilkal!
Kamo o sra ato ma'oripay i fafaed no sra a maamaan, karomadiw!
8Kamo o 'alo, pipa^pa to kamay,
kamo o lotolotok, pikapot a lipahak a romadiw i ka'ayaw no Tapang.
9Nawhani o tatayni Cingra a mikowan to tahaf no kakarayan.
O mo^cel ko sapikowan Ningra to hkal,
o marayasay ko sapidipot Ningra to kasafinawlan.
Currently Selected:
'Olic 98: AMIS2019
Highlight
Share
Copy
Want to have your highlights saved across all your devices? Sign up or sign in
© The Bible Society in Taiwan, 2019
