'Olic 65
65
O Pipahmek ato Pikansiya
O ccay a radiw, o 'olic ni Tafiti. Mapatorod i kakridan no paradiway.
1Kawasaw, o papahmeken niyam Kiso i Cion,
o lalahcien niyam ko niktonan niyam a sowal i Tisowanan a pacakat.
2-3Nawhani o mitngilay Kiso to pitolon niyam.
O ciraraway ko tamdaw a ma^min saka,
o tatayni i ka'ayaw Iso a milongoc.
Mapa^kel no raraw niyam kami, nikawrira, hpolen Iso a ma^min.
4O nipili'an Iso a tamdaw a pakamaro' i Fangcalay Kaitiraan i, tadamalmeday.
O rarahker kami a lipahak to nika kapah no loma' Iso ato Fangcalay Pita'ongan i Tisowanan.
5Kawasaw, o mitngilay Kiso to pitolon niyam, papilowiden Iso kami,
pakaynien Iso i kafahka'an a dmak ko pipa'orip i tamiyanan.
Miti'er ko tamdaw no kasafinacadan i kasaco'eco'ed no hkal ato riyar i Tisowanan.
6Mapatalahkal Iso ko tadamaanay a 'icel Iso,
pakaynien Iso i 'icel Iso ko pipatanektek to tokotokos.
7Patrepen Iso ko harengheng no riyar ato taplik,
patrepen Iso ko nika rarawraw no kasafinawlan.
8Ma'araw no polong no i hkalay ko nika lahci no tadamaanay a nidmakan Iso i, mangodoto cangra,
o maro'ay a tamdaw i kasaco'eco'ed no hkal nai kawali tangasa i ka^tip i, lkal sa a mahmek tonini.
9Dipoten Iso ko sra, pa'o'olen, pa'oraden Iso a misnger,
Kiso ko sakamatang no sra a kadofah to kinaira.
Kawasaw, tata'ang ko nanom no nisanga'an Iso a 'alo,
Kiso ko sakararid no sra a cikinaira to kahirahira no pinaloma.
10Kiso ko pa'oraday a pananom to nikangkangan a sra a misnger,
tfaden Iso ko marasmasay a 'orad a mitoni'#65.10 mitoni' -- o roma i, sakamihi' (ka'amis), sakonai' (katimol). to sra,
palahaden Iso ko lngaw no pinaloma a ma^min.
11Palmeden Iso ko mihcaan a pakadofah to kinaira,
makadofah a ma^min ko nirakatan Iso a pala.
12Maldef no masaflaway a kolong ato siri ko parsapan a pala,
salipahak sa ko kasataporoporo.
13Maldef no kolong ato siri ko kasataporoporo,
Maldef no pinaloma ko kasahfohfong ato dafdaf.
Salipahak sa ko kalomaamaan a milkal a romadiw.
Currently Selected:
'Olic 65: AMIS2019
Highlight
Share
Copy
Want to have your highlights saved across all your devices? Sign up or sign in
© The Bible Society in Taiwan, 2019
