'Olic 127
127
O Pipahmek to Nika Nga'ay no Kawas
O saka cokacok a 'olic ni Solomon.
1Ano caay ko no Tapang a mipatirengan ko loma' i,
awaay ko ^poc to tayal no mipatirengay,
ano caay ko no Tapang a misimawan ko niyaro' i,
awaay ko ^poc to pisimaw no misimaway a tamdaw.
2Maratar a lomowad, tahacrem a minokay, maosoy a mafoti' kamo, saromi'ad sa kamo a maroray a matayal to saka'orip i, awaay ko ^poc,
nawhani mapaflito no Tapang ko kaolahan Ningra a tamdaw to polong no sakalmed ato sakarda' no foti' ningra.
3O wawa i, o sapafli no Tapang,
o wawawawa ita i, o sapafli Ningra i titaanan a sakalmed.
4O nihofocan no masakapahayho ko 'orip a tamdaw a fa'inayan a wawa i,
matiya o pana' no milooday a sofitay.
5O matomesay ko pana' i pafocolan i, tada o malmeday,
nawhani ano macacoli cingra ato 'ada i 'adawang no niyaro' i, caay ka tapi' cingra.
Currently Selected:
'Olic 127: AMIS2019
Highlight
Copy
Compare
Share
Want to have your highlights saved across all your devices? Sign up or sign in
© The Bible Society in Taiwan, 2019
