'Olic 126
126
O Pilongoc to Pipadama no Tapang
O saka cokacok a 'olic.
1Yo kriden no Tapang kita a panokay i Cion i,#126.1 Yo kriden no Tapang kita a panokay i Cion i -- ano ^ca i, yo mapalowad to Iso ko Cion i.
matiya o talalmeday kita.
2Milkal kita a matawa, malipahak kita a romadiw.
Saka, sasowasowal sa ko romaroma a kitakit,
<<Malahciay no Tapang ko tadamaanay a dmak to saki cangraan,>> saan.
3Hai, malahciayto no Tapang ko tadamaanay a dmak to saki titaanan,
tadalipahak kita.
4 Tapangaw, nanay liyawen haca Iso kami a mipalowad#126.4 nanay liyawen haca Iso kami a mipalowad -- ano ^ca i, nanay kriden Iso kami a panokay i niyaro' niyam.,
samatiyaen o so'ol no 'orad a parakat i ma'icangay a 'alo.
5Nanay lipahak a mipanay ko talalosa'ay a mifolsak to sapaloma a tamdaw.
6Oya talalosa'ay a mitatoy to sapaloma a talaomah i,
o lalipahak a mi'orong to rorong no panay a minokay.
Currently Selected:
'Olic 126: AMIS2019
Highlight
Copy
Compare
Share
Want to have your highlights saved across all your devices? Sign up or sign in
© The Bible Society in Taiwan, 2019
