'Olic 120
120
O Pitolon a Milongoc to Pipadama
O saka cokacok a 'olic#120.0 O saka cokacok a 'olic -- nai 'Olic 120-134 cfang, O saka cokacok a tayra i Yirusalim a mita'ong a sapa'olic..
1Yo mapades kako i, milongoc kako to Tapang,
paca'of Cingra i takowanan.
2 Tapangaw, nanay pa'oripenho Iso kako,
pa'oripen kako a paliyas nai misamangahay misa'fitay a tamdaw.
3Kiso o misamangahay a tamdaw, o sasamaanen no Kawas kiso hakiya?
o sasamaanen Ningra ko nipitfoc i tisowanan hakiya?
4O macidemay a pana' no sofitay ato marengrengay a 'afel no namal ko sapitfoc Ningra i tisowanan.
5Tada o cilafoay kako a maro' i Misik a tamdaw,
tada o caay ka lmed kako a milafin i Kitar a tamdaw.
6Nawhani halafin kako a mikapot i cangraan o ma'osiay to rihaday.
7O maolahay kako to rihaday saka,
pasowal kako to sakarihaday, nikawrira, mangalay cangra a malalood.
Currently Selected:
'Olic 120: AMIS2019
Highlight
Copy
Compare
Share
Want to have your highlights saved across all your devices? Sign up or sign in
© The Bible Society in Taiwan, 2019
