'Olic 118
118
O Pikansiya a Mitolon to nika Pakalowid
1Pikansiya kamo to Tapang,
nawhani, o nga'ayay Cingra,
o mida'ocay ko sini'ada Ningra.
2Nanay pasowal ko Israil a tamdaw,
<<O mida'ocay ko sini'ada Ningra,>> saan.
3Nanay pasowal ko paro no loma' ni Aron o citodongay to ta'ong,
<<O mida'ocay ko sini'ada Ningra,>> han nangra.
4Nanay pasowal ko polong no mangodoay to Tapang a tamdaw,
<<O mida'ocay ko sini'ada Ningra,>> saan.
5Yo mapades kako i, milongoc kako to Tapang,
paca'ofen Ningra kako, tdalen Ningra kako.
6Mikapot ko Tapang i takowanan saka, caayto ka talaw kako.
Pakapimaan ko tamdaw i takowanan saw?
7O Tapang ko mipadamaay i takowanan,
o mama'araw ako ko nika lowid no 'ada ako.
8O piti'er to Tapang ko nga'ay to nipiti'er to tamdaw.
9O piti'er to Tapang ko nga'ay to nipiti'er to hongti i hkal.
10Malikot no 'alomanay a 'ada kako,
nikawrira, o pitadi'ec ako to 'icel no Tapang ko sapitkop ako i cangraan.
11Malikot nangra kako,
nikawrira, o pitadi'ec ako to 'icel no Tapang ko sapitkop ako i cangraan.
12Matiya o nika safreng no 'odal ko nipilikot nangra i takowanan,
nikawrira, matiya o pitodoh no namal to fadal a ccay a mlet ko nika todoh nangra,
pakaynien ako i 'icel no Tapang ko sapitkop i cangraan.
13Kari'angen nangra kako a mipolin,
nikawrira, padamaen no Tapang kako.
14O 'icel ako ko Tapang, o 'olic a radiw ako Cingra,
o pa'oripay Cingra i takowanan.
15Cilodihang ko kopang a talo'an no finawlan no Kawas to nipilkal nangra tona pakalowid,
<<Mipatalahkal ko Tapang to tadamaanay a 'icel Ningra!
16O 'icel no Tapang ko sakapakalowid ita!
Mipatalahkal ko Tapang to tadamaanay a 'icel Ningra!>> saan.
17Caay ko mamapatay kako, o mama'oripho kako,
o papalosiyang kako to nidmakan no Tapang.
18O nao mitfocanto no Tapang kako to kartengay,
nikawrira, caay patayen Ningra kako.
19Fawahen Ningra ko 'adawang no Fangcalay Pita'ongan,
micomod kako a pahmek to Tapang.
20Onini a 'adawang i, o 'adawang no Tapang,
deng o mo^celay a tamdaw ko mamicomod.
21 Tapangaw, mipahmek kako i Tisowanan,
nawhani mipaca'of Kiso i takowanan saka, pakalowid kako.
22O kinafalah no sayho a fokloh i,
malakakalimlaanto a ta'enengan a fokloh.
23O nidmakan no Tapang konini,
wata: o tadakafahka'an i mata niyam a nengnengen!
24O pakalowidan#118.24 pakalowidan -- o roma i, nipatonekan. no Tapang konini a romi'ad,
saka, kalipahak kita a mahmek.
25 Tapangaw, nanay pa'oripenho Iso kami.
Tapangaw, nanay palahcienho Iso ko dmak niyam.
26Nanay mapalmed no Kawas koya maocoray pakayni i ngangan no Tapang.
Nai Fangcalay Pita'ongan to Tapang kami a mipalmed i tamowanan.
27O Kawas ko Tapang, o mipa'dilay Cingra i titaanan.
Kapitatoy to ca'ang no kilang misatapangto kita a misalisin,
pitaliyok to pipato'ayaan a romakat.
28O Kawas ako Kiso, mikansiya kako i Tisowanan,
Kawasaw ako, o papalosiyang kako to nika tadamaan Iso.
29Pikansiya to Tapang, nawhani o nga'ayay Cingra,
o mida'ocay ko sini'ada Ningra.
Currently Selected:
'Olic 118: AMIS2019
Highlight
Copy
Compare
Share
Want to have your highlights saved across all your devices? Sign up or sign in
© The Bible Society in Taiwan, 2019
