'Olic 116
116
O Pipahmek to nano Pipa'orip no Kawas
1Maolah kako to Tapang, nawhani mitngil Cingra,
mitngil Cingra to pitolon ako.
2Tona mitngil Cingra to tolon ako, saka mida'oc kako a milongoc i Cingraan.
3Mifedfed ko towaso no patay i takowanan,
Milikot i takowanan ko katalawan a patay,
saka, rawraw sato kako a matalaw.
4Saka, milongoc kako i Tapang a somowal,
<<Tapangaw, mingitangit kako i Tisowanan, nanay pa'oripenho Iso kako,>> han ako.
5O sida'itay, o nga'ayay ko Tapang,
o matomesay no adayay ko Kawas ita.
6Midipot ko Tapang to samo^cel sanay ko faloco' a tamdaw,
yo rarima kako i, pa'oripen Ningra kako.
7Faloco'aw ako, katanektekto a rihaday,
nawhani manga'ay ko dmak no Tapang i takowanan.
8Pa'oripen no Tapang kako a paliyas to patay,
caayto ka talalosa' kako,
caayto ka tahfikod kako.
9Orasaka, ma'oripho kako i ka'ayaw no Tapang,
ma'oripho kako a romakat i tini i hkal.
10Na somowalto kako, <<Tadamatoleday kako,>>
nikawrira, oyananto ko paso'lin ako i Cingraan.
11Tona marawraw kako, saka sowal sa kako, <<Awa ko tati'eren a tamdaw,>>
nikawrira, oyananto ko piti'er ako i Cingraan.
12Maanen ako ko pipaco'ay to Tapang to nika sini'ada Ningra i takowanan hakini?
13Patakidaw ako ko Tapang a mikansiya to pipa'orip Ningra i takowanan.
14Itira kako i kasa'opoan no finawlan Ningra a milahci to niktonan ako a sowal i Cingraan.
15O tadakararoman no Tapang ko nika patay no ccaccay aca a fangcalay a finawlan Ningra.
16 Tapangaw, o matayalay Iso kako,
malcad kako ato ina ako a mita'ong i Tisowanan.
O nitdalan Iso kako.
17 Tapangaw, mikansiya kako i Tisowanan a pato'aya, pakayni han ako i ngangan Iso a mitolon.
18Itira kako i kasa'opoan no finawlan Iso a milahci to niktonan ako a sowal i Tisowanan.
19Itira kako i potal no loma' no Tapang i Yirusalim a mido^do to niktonan ako a sowal.
Haliluya!
Currently Selected:
'Olic 116: AMIS2019
Highlight
Copy
Compare
Share
Want to have your highlights saved across all your devices? Sign up or sign in
© The Bible Society in Taiwan, 2019
