'Olic 102
102
O Pitolon i Kapadesan
O pipo'rac to ksem a tolon, yo masinawar ko mapadesay ato masomaday ko faloco' a tamdaw i ka'ayaw no Tapang.
1 Tapangaw, nanay tngilenho Iso ko pitolon ako,
nanay tngilenho Iso ko pitahidang ako a milongoc to pipadama Iso.
2Ano mapades kako i,
nanay caay piliyas Kiso a misatalifokil i takowanan.
Nanay tngilenho Iso ko pilongoc ako,
ano mitahidang kako a milongoc i,
tangsolen a paca'of kako.
3Matiya o 'acfel a malahdaw ko romi'ad ako,
matiya o malikatay i parod a kasoy ko tireng ako a malanto.
4Matiya o ma'icangay a talod ko faloco' ako a malotlot,
o sakakomaenawto ako i, awaayto.
5Tano laling sato kako a micodaah,
tano 'oka'okak sato ato fanges ko tireng ako.
6Matiyato o 'ayam no kohkohan kako,
matiyato o ^kong no nalacolan kako.
7Caay ka ala ko fafoti'en ako,
matiyato o ccayay a mato'olay a 'alic i fadahong no loma' kako.
8Saromi'ad sa ko 'ada ako a misamsam i takowanan,
mitoro' to ngangan ako a mi'kak ko milokesay i takowanan.
9-10O nano kter ato firang Iso i takowanan saka,
kalakakaenen hanto ako ko 'afo a matiya o hmay,
kalanananomen hanto ako ko losa' ako.
Pacakaten Iso kako, fahkolen Iso a mitfad kako.
11Matiya o piclem no cidal a lidong ko romi'ad ako,
matiya o ma'icangay a talod kako.
12Nikawrira, Tapangaw, tahada'oc ko pikowan Iso,
o mamaharateng no kasarayray no hkal Kiso.
13Kalomowad Kiso, kaadayayen ko Cion,
nawhani maraodayto ko kaadayayan Iso ciniraan,
matatodongayto ko romi'ad i matini.
14Talacowa o maplengayto ko Cion,
nikawrira, maolahayho ko matayalay Iso to Cion,
talacowa o nalacolanto konini nikawrira, limlaho cangra.
15O mamita'ong to Tapang ko polong no kasakitakit,
o mamatalaw to 'icel Ningra ko polong no hongtingti no hkal.
16Ano miliyaw ko Tapang a patireng to Cion i,
o papahapinang Cingra to nika tadamaan Ningra.
17O mamitngil Cingra to pilongoc no pakosiya ko 'orip a tamdaw,
caay ko mami^pec Cingra to pitolon nangra.
18O tatiliden ko pakayniay i nidmakan no Tapang to malosakafana' no tlotloc,
ta mafana' a pahmek to Tapang koya caayho ka hofoc a tamdaw.
19Nai satakaraway i Fangcalay Kaitiraan a mikcor ko Tapang,
nai kakarayan Cingra a minengneng to tamdamdaw.
20Mitngil Cingra to pilaling no marofoay,
tdalen Ningra ko mapastekay i patay a ciraraway a tamdaw.
21Ta mipalosiyang ko tamdaw i Cion to ngangan no Tapang,
mipahmek cangra to Tapang i Yirusalim.
22Itiya i, o mamasa'opo ko kasakitakit a malaccay,
o mamalaccay ko kasafinacadan a mita'ong to Tapang.
23Yo tala'ayawho ko romi'ad ako i, satadancaen no Tapang ko tireng ako,
sakamoko'en Ningra ko 'orip ako.
24Kawasaw ako, aka lipto'en ko 'orip ako.
Tapangaw, awaay ko tolas no 'orip Iso.
25O nisanga'an Iso nai i ti:yaho ko hkal,
o nisanga'an no kamay Iso ko kakarayan.
26O mamalahdaw konini a ma^min, nikawrira, o mida'ocay Kiso,
o mamatiya o riko' a ma'omac#102.26 ma'omac -- o roma i, ma'osac (ka'amis). konini.
Falicen Iso ko kakarayan ato hkal a matiya o pifalic to riko',
o mamalahdaw ko kakarayan ato hkal a ma^min.
27Nikawrira, awaay ko kafalican Iso,
caay ka citolas ko mihcaan Iso.
28O rarihaked a rihaday ko wawawawa niyam,
tona madipot Iso saka, o mamalnak ko tlotloc nangra.
Currently Selected:
'Olic 102: AMIS2019
Highlight
Share
Copy
Want to have your highlights saved across all your devices? Sign up or sign in
© The Bible Society in Taiwan, 2019
