Matay 14

O Patay ni Yohani o Paino'ay

(Maroko 6.14-29; Luka 9.7-9)

1Itiya i, matngil ni Hiroti o hongti no Kalili ko pakayniay ci Yisan a lihaf. 2Pasowal sa cingra i matayalay ningra a tapatapang, <<Ci Yohani o Paino'ay korira, o nalomowaday a ma'orip nai patay saka, ira ko 'icel a midmak to matiniay a kafahka'an,>> saan.

3O sakasaan ni Hiroti a somowal tonini i, o pakayniay i fafahi ni Filip ci Hirotiyasan o fafahi no salikaka ni Hiroti. Nano nirpetan ni Hiroti ci Yohani a mipalit i pirofoan. 4O sakahatira no dmak ni Hiroti i, o nano kinapinapinaayto a toro'en ni Yohani cingra to, <<Caay ka nga'ay kiso a mi'afas ci Hirotiyasan a cifafahi,>> sanay. 5Saka, sapipatayan ci Hiroti cingraan. Nikawrira, matalaw cingra to Yutaya a finawlan. Nawhani <<O pali'ayaway to sowal no Kawas ci Yohani,>> saan cangra.

6Nikawrira, yo kahofocan ni Hiroti a romi'ad i, masakro ko kaying a wawa ni Hirotiyas i ka'ayaw no 'alomanay a palipahak ci Hirotian. 7Saka, pasowal sa ci Hiroti toya kaying, <<Ano o maan ko nilongocan iso i, caay ka ^ca paflien ako kiso,>> han ningra a mikton to sowal.

8Nikawrira, mapaoror#14.8 mapaoror -- o roma i, mapacoracor (sa^tip). no ina ningra koya wawa saka, sowal sa koya kaying a milongoc, <<Kalamkamen a pakitipid ko fongoh ni Yohani o Paino'ay a pafli i takowanan!>> han ningra.

9Ksem sato ko faloco' noya hongti. Nikawrira, tona o niktonanto ningra ko sowal i ka'ayaw no 'alomanay a lafang saka, do^do hanto ningra ko longoc noya kaying. 10Ocor hanto ningra ko tamdaw a patayra i pirofoan a papikton to li'el ni Yohani, 11ta pakitipid hanto ko fongoh ni Yohani a pafli koya fafahiyan a wawa ni Hirotiyas. Ta paflien noya kaying ko ina ningra. 12Nanoya, tayra sato ko nisawawaan ni Yohani a miala to horac a tireng ni Yohani a mitadem. Ta tayra sato cangra i ci Yisan a paratoh tonini a dmak.

O Pipakaen ni Yis to Lima a Patek a Tamdaw

(Maroko 6.30-44; Luka 9.10-17; Yohani 6.1-14)

13Matngil ni Yis konini a dmak i, dakaw sato Cingra to tamina a miliyas itira a ccay a tayra i kato'olan. Yo matngil no finawlan ko nika ira ni Yis itira i, sadak sato cangra nai niyaroaro' nangra a romakat a tayra i ci Yisan. 14Yo ma^pod ci Yis nai tamina, nengneng sa Cingra to 'alomanay a finawlan i, sasini'ada sa Cingra cangraan. Saka, adahen Ningra ko adadaay nangra.

15Yo pisakalafianto i, tayra i ci Yisan ko nisawawaan Ningra a somowal, <<O kohkohan konini. Sakato'mananto ko romi'ad. Saka, paliwasaken ko finawlan a papicakay i ngataay a niyaro' to kakaenen no paytmek nangra,>> han nangra.

16Nikawrira, paca'of sa ci Yis, <<Caanto. Aka paliwasaken cangra. Kamo ko papafli to kakaenen nangra,>> han Ningra a somowal.

17Sowal sa ko nisawawaan i ci Yisan, <<Deng lima aca a 'aplad ko ^pang ato tosa aca a foting ko nitatoyan niyam,>> han nangra.

18Sowal sa ci Yis, <<Pataynien i Takowanan koranan,>> han Ningra. 19Saka, sowalen Ningra ko finawlan a pakamaro' i rngorngosan. Ta tatoy sato Cingra toya limaay a 'aplad no ^pang atoya tosaay a foting. Ca'ngaw sa Cingra a pasikakarayan a mikansiya to Kawas. Pcih sa to ^pang a pafli i nisawawaan. Ta pakilacen no nisawawaan konini i finawlan. 20Mafcol cangra a ma^min a komaen. Sa'opo han no nisawawaan ko pinapcih a 'osaw a ^pang i, matomes ko tosa ko safaw a fakar. 21O komaenay a tamdaw i, ma^deng lima a patek (5,000) ko fa'inayan. Caay ka sa'osi ko fafahiyan ato wawa.

Romakat ci Yis i Fanaw

(Maroko 6.45-52; Yohani 6.15-21)

22Nanoya, papidakaw han ni Yis ko nisawawaan Ningra to tamina a paki'ayaw a tayra itira:way a lawac no fanaw. Ta papinokayen Ningra itiya ko finawlan. 23Mahrek a papinokay to finawlan ci Yis i, ccay Cingra a talalotok a mitolon. Yo dadaya sato i, masaccay Cingra itira. 24Itiya i, maraayto no tamina ko lawac no fanaw, maco'a'ang no fali koya tamina saka, macoyacoy no taplik cangra.

25Yo ma^deng kanikaran i, romakat ci Yis i fanaw a tayra i cangraan. 26Paka'araw ko nisawawaan to nika romakat ni Yis i riyar i, <<Ira ko pakawasay,>> saan cangra a matalaw. Saka, lkal sato cangra.

27Nikawrira, tangsol sa a pasowal ci Yis i cangraan, <<Aka ka talaw! O Kako konini. Sanga'ayen ko faloco' namo!>> han Ningra.

28Saka, paca'of sa ci Pitiro ci Yisan a somowal, <<Tapangaw, ano Kiso aca i, atien kako a pakaromakat i riyar a papiraod i Tisowanan,>> han ningra.

29Sowal sa ci Yis, <<Katayni,>> han Ningra. Saka, ^pod sato nai tamina ci Pitiro a romakat i kafkang no nanom a miraod ci Yisan. 30Nikawrira, ma'araw ningra ko nika tata'ang no fali i, matalaw cingra. Sakalnengan sa cingra saka, cli' sa cingra a somowal, <<Tapangaw, pa'oripen kako!>> saan.

31Saka, tangsol sa ci Yis a milaya' a mirpet cingraan. <<Aya: ko nika tadanca no piti'er iso. Nawiro hinapec kiso Takowanan saw?>> han Ningra a somowal.

32Ta dakaw sato cangra to tamina i, trep sato ko fali. 33Saka, ta'ong sato ci Yisan ko i taminaay a nisawawaan. Sowal sa cangra, <<So'linay o Wawa no Kawas Kiso,>> han nangra.

O Piadah ni Yis to Adadaay i Kinisarit

(Maroko 6.53-56)

34Malacalto nangra ko fanaw, macakat cangra i Kinisarit. 35<<Ci Yis korira,>> saan ko nika fana' no i tiraay a tamdaw i, ocor han nangra ko tamdaw a papiparatoh to ingataay a niyaroaro'. Saka, kriden nangra a patayra i ci Yisan ko adadaay a ma^min. 36Mingitangit cangra i ci Yisan a papitfing to adadaay to parongapingan no kafafang Ningra, o mitfingay a tamdaw i, maadahto a ma^min.

Currently Selected:

Matay 14: AMIS2019

Highlight

Copy