1 Korinto 13

O Olah

1Ano mafanafana' kako a somowal to sowal no kalotamdaw ato sowal no coyoh, ano caay ka ciolah kako to tamdaw i, malcad to kahadangan#13.1 kahadangan -- o roma i, kasangilan, kacanalan (ka'amis). a soni no takingkingan ato soni no fodawan a simpar ko sowal ako. 2Ano mafanafana' kako a pakimad, ato mafana' to maamaan a pakakmoday a dmak, o romasato ano pakalinalinah to lotok a patayra i riyar ko 'icel no paso'lin ako, ano caay ka ciolah kako to tamdaw i, awaay ko ^poc ako. 3Ano ma^mi^min ko dafong ako a malasapalada', ano kinafalafalah kako to tireng ako a matodoh ano caay ka ciolah kako to tamdaw i, awaay ko ^poc no dmak ako.

4O olah i, o kodaitay, o karasini'adaay, caay ka 'inap, caay pasneng a misatakaraw ko faloco', 5caay pakangodo to tamdaw, caay pisatked, caay ka karakter, caay pitafo i faloco' to tatiih no tao, 6caay ka olah to caay ka mo^cel, dengan o so'lin ko kaolahan. 7Pakahawop ko olah to kalomaamaan, pakaso'lin to kalomaamaan, pakapitala to kalomaamaan, pakahadidi to kalomaamaan.

8O tahada'ocay ko olah. O citolasay ko fana' a pakimad, ano hacowaay a romi'ad i, o mamalasawad ko rocek no tamdaw a somowal to no 'Adingoan a sowal. O mamalasawad ko fana' no tamdaw to maamaan. 9Nawhani o pasamo aca ko fana' ita to maamaan ato nika cirocek ita a pakimad to sowal no Kawas. 10Nikawrira, ano irato a talahkal ko masongila'ay a dmak i, o mamalasawad itiya ko pasamoay a dmak.

11Yo ka^mangho kako i, masaka^mangay ko nika somowal ako, masaka^mangay ko harateng ako, masaka^mangay ko nisafaloco'an ako. Mato'as sato kako i, masawadto ako ko no ka^manganho a dmak. 12Matiya o nipidadingo ita i madodemay a dadingoan ko nipinengneng no faloco' ita i matini. Nikawrira, itiyato i, o mamakaka'arawto kita ato Kawas. Caayho ka songila' ko nika fana' ako i matini. Itiyato i, o mamatiya o nika fana' no Kawas i takowanan ko nika songila' no nika fana' ako.

13Nikawrira, o mararid a ira ko piti'er, ato pafaloco'an ato olah. Onini a tolo i, o olah ko satadamaanay.

Currently Selected:

1 Korinto 13: AMIS2019

Highlight

Copy