Popular Bible Verses from 1 Korinto 13

Share

O olah i, o kodaitay, o karasini'adaay, caay ka 'inap, caay pasneng a misatakaraw ko faloco', caay pakangodo to tamdaw, caay pisatked, caay ka karakter, caay pitafo i faloco' to tatiih no tao

Pakahawop ko olah to kalomaamaan, pakaso'lin to kalomaamaan, pakapitala to kalomaamaan, pakahadidi to kalomaamaan.

caay ka olah to caay ka mo^cel, dengan o so'lin ko kaolahan.

Nikawrira, o mararid a ira ko piti'er, ato pafaloco'an ato olah. Onini a tolo i, o olah ko satadamaanay.

O tahada'ocay ko olah. O citolasay ko fana' a pakimad, ano hacowaay a romi'ad i, o mamalasawad ko rocek no tamdaw a somowal to no 'Adingoan a sowal. O mamalasawad ko fana' no tamdaw to maamaan.

Ano mafanafana' kako a somowal to sowal no kalotamdaw ato sowal no coyoh, ano caay ka ciolah kako to tamdaw i, malcad to kahadangan a soni no takingkingan ato soni no fodawan a simpar ko sowal ako.

Ano mafanafana' kako a pakimad, ato mafana' to maamaan a pakakmoday a dmak, o romasato ano pakalinalinah to lotok a patayra i riyar ko 'icel no paso'lin ako, ano caay ka ciolah kako to tamdaw i, awaay ko ^poc ako.

Ano ma^mi^min ko dafong ako a malasapalada', ano kinafalafalah kako to tireng ako a matodoh ano caay ka ciolah kako to tamdaw i, awaay ko ^poc no dmak ako.

Yo ka^mangho kako i, masaka^mangay ko nika somowal ako, masaka^mangay ko harateng ako, masaka^mangay ko nisafaloco'an ako. Mato'as sato kako i, masawadto ako ko no ka^manganho a dmak.