1 Korinto 10

Aka Pita'ong to Samiyay

1Salikakaaw, nanay mafana' kamo to nano dmak no tato'asan ita. Madipot no to'em cangra a ma^min a romakat to Kahngangay hananay a riyar. 2Pakayni i dmak no to'em ato riyar a mapaino' cangra a malamitooray i ci Mosian. 3Malcad cangra a ma^min a komaen to nai Kawasay a kakaenen. 4Malcad cangra a ma^min a minanom to nai Kawasay a nanom. O masadakay nai 'ongcoy no Kawas a mihaklongay cangraan koya nanom. O todong no tireng ni Kristo koya 'ongcoy. 5Nikawrira, caay ka tatodong i nafaloco'an no Kawas ko 'alomanay nangra. Saka, matkop cangra i kohkohan.

6O sakaira nonini a dmak i, o sapalimo'otaw i titaanan to saka^caaw ka 'anof ita to tatiihay a matiya o nika 'anof nangra. 7Aka ka matiya o romaroma nangra kamo a mita'ong to samiyay. Mato sowal a matilid i Fangcalay Cudad <<Maro' ko finawlan i, komaen, mita'owak. Tomireng cangra i, masakro,>> saan. 8Aka ka matiya o romaroma nangra a ma'odang kita. Tona ma'odang cangra saka, mapatay ko tosa a 'ofad ira ko tolo a patek (23,000) a tamdaw to ccay a romi'ad. 9Aka ka matiya o romaroma nangra kita a mipadteng a milifet ci Kristoan#10.9 Kristoan -- ira i katlangay a cudad Tapang saan ko sowal.. Tona milifet ci Kristoan cangra saka, mapatay no 'oner cangra. 10Aka ka matiya o romaroma nangra a ngaliwngiw kamo. Tona ngaliwngiw cangra saka, matkop no mipatayay a coyoh cangra.

11O sakaira nonini a dmak i cangraan i, o sapakafana'aw to tamdamdaw. O sakapitilid tonini i, o sapalimo'otaw i titaanan. Nawhani o i tiniay i pahrehrekan nonini a hkal ko 'orip ita.

12Orasaka, o tanektekayto ko nika tomireng ako, yasanay ko harateng a tamdaw i, na'onen ko dmak to saka^caaw ka tfad. 13O matinakoay namo a pilifet i, o nano matinakoayto no 'alomanay a tamdaw. O so'linay a tati'eren ko Kawas. Caay palitmoh Cingra tamowanan to caay ko mamahadidi namo a salifet. Ano malitmoh namo ko salifet i, pa'icelen Ningra kamo a papihadidi. Patalaen Ningra ko kasadakan namo a lalan.

14Orasaka, kaolahan ako a salikaka, piliyas kamo to mita'ongay to samiyay a dmak. 15Pasowalen ako kamo o mafana'ay a miharateng a tamdaw. Hapinangen konini a sowal ako a miharateng. 16O miahowidanto ita a minanom a takid i, caayay ko milada'ay to rmes ni Kristo saw? O mipcihanto ita a komaen a ^pang i, caayay ko milada'ay to tireng ni Kristo saw? 17Tona mapolong kita a ma^min a komaen to ccay a 'aplad no ^pang saka, ano 'alomaloman kita a komaen i, o ccayay a 'aplad a ^pang ko nikaenan ita saka, o ccayay a tatirengan kita.

18Haratengen ko dmak no Israil a tamdaw. O komaenay a tamdaw to nipacakatan nangra i pipato'ayaan i, o ccay no pikapot nangra to tayal no matayalay i pipato'ayaan to Kawas. 19O maan ko tatodong nonini a sowal ako saw? O samiyay ato nipacakatan i samiyay a kakaenen i, ira ko tatodong nonini o sanay ako saw? 20Caay! O nipacakatan no roma a finacadan i pipacakatan i, o pacakatay i palafoay a kawas, o sanay ako. Caay ka i Kawas ko pipacakat nangra. Caay ka ngalay kako a malakapot kamo ato palafoay. 21Tona minanom kamo to takid no Tapang saka, caayto ka nga'ay kamo a minanom to takid no palafoay a kawas. Tona mikapot kamo i tahka no Tapang saka, caayto ka nga'ay kamo a mikapot i tahka no palafoay a kawas. 22Manga'ay kita a pakakter to Tapang saw? Ikaka no 'icel Ningra a mimaan ko 'icel ita?

23O sowal no roma a tamdaw i, <<Manga'ayto a midmak to maamaan a dmak,>> saan. So'linay kora sowal. Nikawrira, caay ka ^min a malasakaci^poc ko dmak. Nga'ayto a midmak to maamaan. Nikawrira, caay ka ^min a malasakalatamdamdaw ita ko dmak. 24Aka ka o sakanga'ay no tireng a ccay ko haratengen. Ka o sakanga'ay no tao ko haratengen.

25O nipacakayan i kalali'acaan a titi i, nga'ayto a kaenen namo, aka to pakaynien i nga'ayay a faloco' a misalicalicay to maamaan. 26Mato sowal a matilid i Fangcalay Cudad, <<O hkal ato ma'oripay i hkal i, o no Tapang a ma^min,>> saan.

27Ano matahidang no caayho paso'lin to Tapang a tamdaw kamo a papitahka i, ano o tatayra kamo a mitahka i, aka pisaskaska ko nga'ay a faloco' namo a komaen. O nipatahkaan i ka'ayaw namo a kakaenen i, kaen han. 28Nikawrira, ano ira ko somowalay i tamowanan, <<O nipacakatan i samiyay konini a kakaenen,>> ano saan i, aka ka komaen kamo. Onini i, o pipa'ayaw namo to nga'ay a faloco' noya pasowalay i tamowanan a tamdaw. 29Caay ko no namo a nga'ay a faloco' ko nitoro'an ako, o noya a tamdaw a nga'ay a faloco' ko nitoro'an.

Latek, ira ko milicayay a tamdaw, <<Nawiro mafo'ot no nga'ay a faloco' no tao ko mapakoniraayto a 'orip ako saw? 30Ano miahowid kako i Kawas a komaen i, nawiro likafen no tao konini a dmak ako saw?>> o sasaan cingra.

31Orasaka, o nika komaen, o nipinanom, ato nipidmak namo to maamaan i, ka o sapahmek to Kawas a ma^min. 32Aka ka o patahafikoday ko dmak namo to Yutaya a tamdaw ato roma a finacadan ato kiwkay no Kawas. 33Haenen to nidmakan ako ko pidmak namo, o sakapalipahak ako i tamowanan koni. Saka, caay piharateng kako to sakanga'ay no tireng. O sakaci^poc no 'alomanay a tamdaw ko niharatengan ako.

Currently Selected:

1 Korinto 10: AMIS2019

Highlight

Copy