Matthaiga 9
9
1Egi waj hisha hokewena egi harujhena, egi E jhinag harnieja gina.
2Egi horuxujre, wang howashaisha ro‐t’egisha hagarni hahirena, homigeja mingank. Egi Jesus harnaxgu warninera wagijarna, howasha ro‐t’egra wagena: Hinighaxji wogishaware, washa woishana washinira wanigit’unairena.
3Egi horuxujre wowagax hiperesra hota wakigairena: Wang de‐e Maura raxjashguni.
4Egi Jesus wowewi warninera wawigiperessana wena: Jagu‐u najge washiniwira washa wowonk wishewewiwishe?
5Hajinjajega era wowategenigshe, washa woishana washinira wanigitunairena, nigeshge nashianaga egi manine era?
6Eshi hiraperes‐hikjawige wankshig‐hinigra homashja harnijera manegi washa woishana wagitunajena, (esge howasha ro‐t’eganka wagena) nashianaga, homig hashinira kurusge egi jhi‐hashinieja howakarare.
7Egi nashianaga egi jhi‐harnieja howakerena.
8Egi jaja worohanka hajairegi, khorairena, egi Maura rajankhirena, E homashja shesge wankshigregi wogage.
9Egi Jesus eja ranaga rahau wang hisha hajarna, Matthai higairera, woirowe rus minagnank’u, egi wagena: Hiroinagre. Egi nashianaga egi hironagshana.
10Egi wauna, Jesus jhieja waruj‐eja minagkaja, horuxujre Publikanra egi washa woishana ura roha jina egi wakishu minaghirena egi wironag warnira.
11Egi jaja Pharisera hajairegi wironag warnira wawagairena: Jagu‐u Hirukana hashiniwira Publikanra egi washa woishana ura wakishu warujnakshe?
12Egi jaja Jesus washa de‐e naxgungi, wawagena: Jarnaga wanaishguniankhi inke makhani hiuninankshana, eshi jarnaga howashakhi.
13Eshi rawire egi hipereswire jagu wagairera: Najwagijankjanena egi inke nabruxaj hiraningi. Inke phira wagigo hajinina, eshi washa woishana ura najgera‐karateg‐hirekjege.
14Egi Johnga wironag warnira hirajirena, wairena: Jagu‐ungaja ne‐winewianaga egi Pharisera dejankhi hantaginaj‐hireshe, eshi wironag washinira inke hantaginajhirani.
15Egi Jesus wawagena: Jasge khikanag houeja warujshirawigi najgeteg‐nangnashe jajaixji hipa hinugkhanaikjanega wakishu unjegi? Eshi hambra hajirekjanena, jaja hinugkhanaikjanega wagirus‐hiregi egi hantaginajhirekjanena.
16Inkisha waipere jegra nige wonashi sh’ageja hirarujagninana, hirarujag‐hirega wonashinaka rugasnana, egi hopoxra hiraijera wakhininana.
17Egi shige inke nishuj jegra waxu‐pex shageja hoshurninana, shesgehigi pexra gasranana egi nishujra xunarnana, egi pexra maisinsh‐hiranana. Eshi jarnaga nishujjegra waxu‐pex jegeja woshuiregi egi hinuinka phiranana.
18Washa de‐e wawirokit’ajau, horuxujre washirukanaisha jina egi jowehieja jimpshana wena: Hinughara hojishana hingit’ena, eshi huarnaga egi hikiore egi niambikjena.
19Egi Jesus nashina egi hironagshana egi wironagwarnira hishge shesge hirena.
20Egi horuxujre, hinug‐howasha‐hisha ma kerepanaishanaga‐nuphashana wai xuna, hageja howahina egi wonashi‐ug harnieja hikiorna.
21Wanai rogeja wakigena: Wonashina hiagikiogi hinushjashgunina.
22Egi Jesus hijopahi‐nashina, egi jaja hinugjega hajagi, wena: Hinughaxji ninukhegshana, harnaxgu hashinira rushjanina. Egi hinugjega rushjahirena howagixeja hipa.
23Egi jaja Jesus washinukanajega hojhieja higi egi hishushugura wajarna egi worohanka woxehinankhi,
24Wawagena: Rukhowire, hinugra inke d’arniankshana eshi na‐nankshana. Egi waixjairena igixja.
25Eshi jaja worohanka hihinab‐hiregi hijokewena egi nab‐eja harukos‐shana egi hinuganka kikawa‐ana.
26Egi washa de‐e ma‐naka harnaj hornaxguinena.
27Egi jaja Jesus eja regi, wang‐hishjarnigra nupiwi hironagshana, uwainena, egi wairena: Dawid hinigra neninegaja najungijawine.
28Egi jaja jhieja hokewegi, wang‐hishjaningra hirahirena, egi Jesus wawagena: Harnanaxguwishe de‐e untuxurugkhi? Wagairena, hoja Hirukanara.
29Egi hishjasu warninera wawigi‐khiorna, wena: Harnaxgu hashiniwira jarnisgawigi ningiuinekjanihawina.
30Egi hishjasu warninera gihas‐hirena. Egi Jesus winakewewahina, wena: Hirakara‐uwine inke hisha hiperes‐nikjena.
31Eshi jaja nige‐howarairegi, ma‐naka harnaj hoere hirena jasgera.
32Harairegaja, horuxujre, wang‐ining‐hisha hagarni hahirena, waxopinishishig harnine‐isha.
33Egi jaja waxopinishishigra jangra wowahasgi, iningra hit’et’ena. Egi worohanka khorairena, wairena: Washa de‐shesge Israel‐eja inkaga hajairanina.
34Eshi Pharisera wairena: Waxopinishishig jangra howahasjane waxopinishishig hung hiu waunjena.
35Egi Jesus jhinag‐xetera egi jhinag‐xununigra harnaj wouna, wohokhuhojhi warnineja washa wagigus‐shana, egi worag‐phi hung‐mara wihokhuna, egi howashara harnaj rushjawahina egi wankshig‐horogeja howashashanankhi harnaj rushjawahina.
36Egi jaja worohanka wajagi, naj‐wawogijana, hokikurushak wahirege esge, egi harnaj hoerake jhasga jhasgahirakara jushguni nisge hirege.
37Egi hironag warnira wawagena: Max‐hoikisherera hisgexji rokanana eshi warera jarnagkhirana.
38Esge gikarajwire maxhikishere Hirukanara max‐hoikishere harninegi warera howa‐huwagigikjena.
Currently Selected:
Matthaiga 9: WIN
Highlight
Copy
Compare
Share
Want to have your highlights saved across all your devices? Sign up or sign in
Published by the American Bible Society in 1907.
Matthaiga 9
9
1Egi waj hisha hokewena egi harujhena, egi E jhinag harnieja gina.
2Egi horuxujre, wang howashaisha ro‐t’egisha hagarni hahirena, homigeja mingank. Egi Jesus harnaxgu warninera wagijarna, howasha ro‐t’egra wagena: Hinighaxji wogishaware, washa woishana washinira wanigit’unairena.
3Egi horuxujre wowagax hiperesra hota wakigairena: Wang de‐e Maura raxjashguni.
4Egi Jesus wowewi warninera wawigiperessana wena: Jagu‐u najge washiniwira washa wowonk wishewewiwishe?
5Hajinjajega era wowategenigshe, washa woishana washinira wanigitunairena, nigeshge nashianaga egi manine era?
6Eshi hiraperes‐hikjawige wankshig‐hinigra homashja harnijera manegi washa woishana wagitunajena, (esge howasha ro‐t’eganka wagena) nashianaga, homig hashinira kurusge egi jhi‐hashinieja howakarare.
7Egi nashianaga egi jhi‐harnieja howakerena.
8Egi jaja worohanka hajairegi, khorairena, egi Maura rajankhirena, E homashja shesge wankshigregi wogage.
9Egi Jesus eja ranaga rahau wang hisha hajarna, Matthai higairera, woirowe rus minagnank’u, egi wagena: Hiroinagre. Egi nashianaga egi hironagshana.
10Egi wauna, Jesus jhieja waruj‐eja minagkaja, horuxujre Publikanra egi washa woishana ura roha jina egi wakishu minaghirena egi wironag warnira.
11Egi jaja Pharisera hajairegi wironag warnira wawagairena: Jagu‐u Hirukana hashiniwira Publikanra egi washa woishana ura wakishu warujnakshe?
12Egi jaja Jesus washa de‐e naxgungi, wawagena: Jarnaga wanaishguniankhi inke makhani hiuninankshana, eshi jarnaga howashakhi.
13Eshi rawire egi hipereswire jagu wagairera: Najwagijankjanena egi inke nabruxaj hiraningi. Inke phira wagigo hajinina, eshi washa woishana ura najgera‐karateg‐hirekjege.
14Egi Johnga wironag warnira hirajirena, wairena: Jagu‐ungaja ne‐winewianaga egi Pharisera dejankhi hantaginaj‐hireshe, eshi wironag washinira inke hantaginajhirani.
15Egi Jesus wawagena: Jasge khikanag houeja warujshirawigi najgeteg‐nangnashe jajaixji hipa hinugkhanaikjanega wakishu unjegi? Eshi hambra hajirekjanena, jaja hinugkhanaikjanega wagirus‐hiregi egi hantaginajhirekjanena.
16Inkisha waipere jegra nige wonashi sh’ageja hirarujagninana, hirarujag‐hirega wonashinaka rugasnana, egi hopoxra hiraijera wakhininana.
17Egi shige inke nishuj jegra waxu‐pex shageja hoshurninana, shesgehigi pexra gasranana egi nishujra xunarnana, egi pexra maisinsh‐hiranana. Eshi jarnaga nishujjegra waxu‐pex jegeja woshuiregi egi hinuinka phiranana.
18Washa de‐e wawirokit’ajau, horuxujre washirukanaisha jina egi jowehieja jimpshana wena: Hinughara hojishana hingit’ena, eshi huarnaga egi hikiore egi niambikjena.
19Egi Jesus nashina egi hironagshana egi wironagwarnira hishge shesge hirena.
20Egi horuxujre, hinug‐howasha‐hisha ma kerepanaishanaga‐nuphashana wai xuna, hageja howahina egi wonashi‐ug harnieja hikiorna.
21Wanai rogeja wakigena: Wonashina hiagikiogi hinushjashgunina.
22Egi Jesus hijopahi‐nashina, egi jaja hinugjega hajagi, wena: Hinughaxji ninukhegshana, harnaxgu hashinira rushjanina. Egi hinugjega rushjahirena howagixeja hipa.
23Egi jaja Jesus washinukanajega hojhieja higi egi hishushugura wajarna egi worohanka woxehinankhi,
24Wawagena: Rukhowire, hinugra inke d’arniankshana eshi na‐nankshana. Egi waixjairena igixja.
25Eshi jaja worohanka hihinab‐hiregi hijokewena egi nab‐eja harukos‐shana egi hinuganka kikawa‐ana.
26Egi washa de‐e ma‐naka harnaj hornaxguinena.
27Egi jaja Jesus eja regi, wang‐hishjarnigra nupiwi hironagshana, uwainena, egi wairena: Dawid hinigra neninegaja najungijawine.
28Egi jaja jhieja hokewegi, wang‐hishjaningra hirahirena, egi Jesus wawagena: Harnanaxguwishe de‐e untuxurugkhi? Wagairena, hoja Hirukanara.
29Egi hishjasu warninera wawigi‐khiorna, wena: Harnaxgu hashiniwira jarnisgawigi ningiuinekjanihawina.
30Egi hishjasu warninera gihas‐hirena. Egi Jesus winakewewahina, wena: Hirakara‐uwine inke hisha hiperes‐nikjena.
31Eshi jaja nige‐howarairegi, ma‐naka harnaj hoere hirena jasgera.
32Harairegaja, horuxujre, wang‐ining‐hisha hagarni hahirena, waxopinishishig harnine‐isha.
33Egi jaja waxopinishishigra jangra wowahasgi, iningra hit’et’ena. Egi worohanka khorairena, wairena: Washa de‐shesge Israel‐eja inkaga hajairanina.
34Eshi Pharisera wairena: Waxopinishishig jangra howahasjane waxopinishishig hung hiu waunjena.
35Egi Jesus jhinag‐xetera egi jhinag‐xununigra harnaj wouna, wohokhuhojhi warnineja washa wagigus‐shana, egi worag‐phi hung‐mara wihokhuna, egi howashara harnaj rushjawahina egi wankshig‐horogeja howashashanankhi harnaj rushjawahina.
36Egi jaja worohanka wajagi, naj‐wawogijana, hokikurushak wahirege esge, egi harnaj hoerake jhasga jhasgahirakara jushguni nisge hirege.
37Egi hironag warnira wawagena: Max‐hoikisherera hisgexji rokanana eshi warera jarnagkhirana.
38Esge gikarajwire maxhikishere Hirukanara max‐hoikishere harninegi warera howa‐huwagigikjena.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Published by the American Bible Society in 1907.