Matthaiga 8
8
1Egi jaja xe‐eja harnukanag kirigi wankshigra hornihe xete hironagshana,
2Egi horuxujre Lepra hisha jina egi gikarajshana, wena: Hirukanara hiraregishi, rushjahina shuruxurugshgunina.
3Egi Jesus ara wajigre hianaga egi hikiorna wena: Haunkjena, ninushjankjena, egi higuana lepra harnira rushjana.
4Egi Jesus wagena: Horuxujre inkisha hogiragnianje, eshi rarnaga egi nabhoruxaj hirukanainja kikawahaje egi nabhiruxajra wogaje Moses uwashira wijantira e higirerena.
5Egi jaja Jesus Kapernaum‐eja hokewegi manape hung‐hisha hirajina gitajina egi wena:
6Hirukanara wang ware harnira jhieja howasha mingankshana rora t’egshana, hawera rokanankshana,
7Jesus wagena: Hahikjanena egi rushjahakjena.
8Egi manape hungra horniharna egi wena: Hirukanara, inke washa hiakisgarnigaja jhi harnira inke horakawarnigishi, eshi hoit’erashana are egi ware harnira rushjankjena.
9Wang hirukanaine harnina manape hitukanana: Egi wang de‐e wagarnana, rare hiagegi egi rarnana, egi hijaneisha hure hiagegi egi hunana egi ware harnira de‐e une hiagegi egi unana.
10Jaja Jesus de‐e naxgungi khorena, egi hironagnanka wawagena: Hisgexjina hinigawina harnaxgu rokana shesgera inke hisha hiaenina, inke Israel wankshig regi reshge.
11Egi hinigawina, roha wiaxebhuregi egi wioireregi howajirekjanena egi Abraham egi Isaak egi Jakob hungma wangregi wakishu minaghirekjanena.
12Eshi ninkjang hing‐mainja herera hokawas rogeja wot’unairekjanena, eja xag‐hiranihekjanena egi hi‐rusgesgexji.
13Egi Jesus manape hung‐jega wagena: Karare, egi jasge harnanaxgura shesge ningigirena. Egi ware harnira rushjana howagixeja.
14Egi jaja Jesus Peter hojhieja hokewegi hijawina hiunira mingank hajarna egi howasha ro takaj‐nankshana.
15Egi nab harnieja hikiorna egi ro‐takajra rushjana. Egi khikawaana egi wawagire‐jirena.
16Egi jaja hoxjarna hakirigi, waxopinishishig harninera roha hagarni hajirena egi hoit’e harnira hikuanaga naxiragra jangra wowahasshana, egi howashara harnaj rushjawahina.
17Prophet Esaias arnihera exji herekjege wena: “Exji howashasha harniwira russana egi howasha hiwarniwina wangagiuwina.”
18Egi jaja Jesus worohaxji houine hajagi, ageja howare wa’shina.
19Egi wowagax hiperes hisha hirajina, egi wagena: Hirukanara hironinaikjanena higu hajinja horawasheregi.
20Egi Jesus wagena: Washerekesira mopox harninankshana egi wanig wangregi herera homa harninankshana, eshi wankshig‐hinigra inke washanisha harninina hajinja nassura khanaikje‐nisgena.
21Egi wironag hijane warnira hisha wagena: Hirukanara jorni jajiga karaxe re‐ingigire.
22Eshi Jesus wagena: Hiroinagre, egi d’arnanka d’era wakaraxairekjena.
23Egi jaja waj hisha hokewegi wironag warnira hironaghirena.
24Egi horuxujre tejainja jashjara rokana hakirina, wajra jashja hirawuhinsh‐shana, eshi na‐nakshana.
25Egi hironag warnira hirahirarnaga egi ruxinkhi‐rena wairena: Hirukanara niambwiwine, hint’awina.
26Egi wawagena: Jagu‐u nanaxisharawishe? Harnaxgu xununig raniwira. Egi nashina egi maintajehira najisgina egi tejara, egi hatagra rokana kirijena.
27Egi wankshigra khorairena, wairena: Wang jasgeisha de‐e heregaja, maintajehira egi tejara reshge harnaxguine.
28Egi jaja ageja higi Gergese mainja, eja waxopinishishig harninera nupiwi hakijarna, wanaxi homingeja hihinabhirena, wajexira rokana hirena, inke wankshigra hisha eja howe ruxurugnina.
29Egi horuxujre, uwainena, wairena: Jagu ningiu hajeshe, Jesus ne Maura hinigra ninegaja? Kheni hereni hawe hina rajiwishe?
30Egi eja hiroharixji xguxgushe hornihe xeteisha wakananankshana.
31Egi waxopinishishigra gitairena, wairena: Hihinab hinagigikjawigi xguxgushe horniheja howaire hingigiwire.
32Egi wawagena: Rawire, egi jaja hihinab hiregi, xguxgushe horniheja howahiarairena. Egi horuxujre, xguxgushe horniheaka harnaj hiranukanageja nuwangra rokana wauinena tejainja howahiarairena, egi nieja d’airena.
33Egi wirakaranankhi gias‐hirena egi jhinag‐eja howakarairena egi washara harnaj horag‐hirena, egi waxopinishishig warninagra jagu howairegi.
34Egi horuxujre, jhinagra harnaj hihinabhirena Jesus hirajirena egi jaja hajairegi gitairena, hijej harnineja hihinab anaga nigeowakere giphinangi.
Currently Selected:
Matthaiga 8: WIN
Highlight
Copy
Compare
Share
Want to have your highlights saved across all your devices? Sign up or sign in
Published by the American Bible Society in 1907.
Matthaiga 8
8
1Egi jaja xe‐eja harnukanag kirigi wankshigra hornihe xete hironagshana,
2Egi horuxujre Lepra hisha jina egi gikarajshana, wena: Hirukanara hiraregishi, rushjahina shuruxurugshgunina.
3Egi Jesus ara wajigre hianaga egi hikiorna wena: Haunkjena, ninushjankjena, egi higuana lepra harnira rushjana.
4Egi Jesus wagena: Horuxujre inkisha hogiragnianje, eshi rarnaga egi nabhoruxaj hirukanainja kikawahaje egi nabhiruxajra wogaje Moses uwashira wijantira e higirerena.
5Egi jaja Jesus Kapernaum‐eja hokewegi manape hung‐hisha hirajina gitajina egi wena:
6Hirukanara wang ware harnira jhieja howasha mingankshana rora t’egshana, hawera rokanankshana,
7Jesus wagena: Hahikjanena egi rushjahakjena.
8Egi manape hungra horniharna egi wena: Hirukanara, inke washa hiakisgarnigaja jhi harnira inke horakawarnigishi, eshi hoit’erashana are egi ware harnira rushjankjena.
9Wang hirukanaine harnina manape hitukanana: Egi wang de‐e wagarnana, rare hiagegi egi rarnana, egi hijaneisha hure hiagegi egi hunana egi ware harnira de‐e une hiagegi egi unana.
10Jaja Jesus de‐e naxgungi khorena, egi hironagnanka wawagena: Hisgexjina hinigawina harnaxgu rokana shesgera inke hisha hiaenina, inke Israel wankshig regi reshge.
11Egi hinigawina, roha wiaxebhuregi egi wioireregi howajirekjanena egi Abraham egi Isaak egi Jakob hungma wangregi wakishu minaghirekjanena.
12Eshi ninkjang hing‐mainja herera hokawas rogeja wot’unairekjanena, eja xag‐hiranihekjanena egi hi‐rusgesgexji.
13Egi Jesus manape hung‐jega wagena: Karare, egi jasge harnanaxgura shesge ningigirena. Egi ware harnira rushjana howagixeja.
14Egi jaja Jesus Peter hojhieja hokewegi hijawina hiunira mingank hajarna egi howasha ro takaj‐nankshana.
15Egi nab harnieja hikiorna egi ro‐takajra rushjana. Egi khikawaana egi wawagire‐jirena.
16Egi jaja hoxjarna hakirigi, waxopinishishig harninera roha hagarni hajirena egi hoit’e harnira hikuanaga naxiragra jangra wowahasshana, egi howashara harnaj rushjawahina.
17Prophet Esaias arnihera exji herekjege wena: “Exji howashasha harniwira russana egi howasha hiwarniwina wangagiuwina.”
18Egi jaja Jesus worohaxji houine hajagi, ageja howare wa’shina.
19Egi wowagax hiperes hisha hirajina, egi wagena: Hirukanara hironinaikjanena higu hajinja horawasheregi.
20Egi Jesus wagena: Washerekesira mopox harninankshana egi wanig wangregi herera homa harninankshana, eshi wankshig‐hinigra inke washanisha harninina hajinja nassura khanaikje‐nisgena.
21Egi wironag hijane warnira hisha wagena: Hirukanara jorni jajiga karaxe re‐ingigire.
22Eshi Jesus wagena: Hiroinagre, egi d’arnanka d’era wakaraxairekjena.
23Egi jaja waj hisha hokewegi wironag warnira hironaghirena.
24Egi horuxujre tejainja jashjara rokana hakirina, wajra jashja hirawuhinsh‐shana, eshi na‐nakshana.
25Egi hironag warnira hirahirarnaga egi ruxinkhi‐rena wairena: Hirukanara niambwiwine, hint’awina.
26Egi wawagena: Jagu‐u nanaxisharawishe? Harnaxgu xununig raniwira. Egi nashina egi maintajehira najisgina egi tejara, egi hatagra rokana kirijena.
27Egi wankshigra khorairena, wairena: Wang jasgeisha de‐e heregaja, maintajehira egi tejara reshge harnaxguine.
28Egi jaja ageja higi Gergese mainja, eja waxopinishishig harninera nupiwi hakijarna, wanaxi homingeja hihinabhirena, wajexira rokana hirena, inke wankshigra hisha eja howe ruxurugnina.
29Egi horuxujre, uwainena, wairena: Jagu ningiu hajeshe, Jesus ne Maura hinigra ninegaja? Kheni hereni hawe hina rajiwishe?
30Egi eja hiroharixji xguxgushe hornihe xeteisha wakananankshana.
31Egi waxopinishishigra gitairena, wairena: Hihinab hinagigikjawigi xguxgushe horniheja howaire hingigiwire.
32Egi wawagena: Rawire, egi jaja hihinab hiregi, xguxgushe horniheja howahiarairena. Egi horuxujre, xguxgushe horniheaka harnaj hiranukanageja nuwangra rokana wauinena tejainja howahiarairena, egi nieja d’airena.
33Egi wirakaranankhi gias‐hirena egi jhinag‐eja howakarairena egi washara harnaj horag‐hirena, egi waxopinishishig warninagra jagu howairegi.
34Egi horuxujre, jhinagra harnaj hihinabhirena Jesus hirajirena egi jaja hajairegi gitairena, hijej harnineja hihinab anaga nigeowakere giphinangi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Published by the American Bible Society in 1907.