Matthaiga 10
10
1Egi jaja hironag warnira kerepanaishanaga‐nup‐hashanara wakaragigogi, homashja wogarna naxirag shishigra wirukana wagigina jangra wowahas hirekjege, egi howasha hokirajra harnaj rushja wahirekjege, egi howashashara harnaj.
2Egi Apostel nup‐hashanara rashra de‐e hererena: Jegjina Simon e Peter higairena, egi khinubra Andreas higairena, egi Sebedai hinigra Jakob egi khinubra John.
3Philip egi Bartholome, Thomas egi Matthai publikan hisha herena. Egi Alphe hinigra Jakob, egi Labbe e rash hinup harnira Thadde higairena.
4Simon Kanaan wankshig‐hisha, egi Judas Iskariot e himanagshana.
5Nup‐hashana de‐e Jesus re‐wagigina egi uwashina wena: Inke hirarujeja herera wowa‐rawinianje, egi Samaria wankshig jhinag warnirera inke wokawa winianje.
6Eshi jhasga xawarni Israel wankshigra jhi‐harnineja nagra wowarawire.
7Egi sharawigi, wahokhuwiaje, wawiaje: Hung‐ma wangregi herera hiwusunsh jina.
8Howashara rushjawahiwiaje, lepra rushjawahiwiaje, d’era kikawa‐a‐wahiwiaje, waxopinishishigra jangra wowahaswiaje. Sang shuruswina, sang wogawiaje.
9Inke shurasira egi shige shurasga egi shige mas‐sii shuroshu washiniwieja hoshu hanirawiniaje.
10Egi shige inke waxupara hikiware wakara‐niwinianje, inke shige wonashi‐xetera nupiwi, inke shige wagujera, inke shige hissagu harniwinianje, wang warera worujra wagiunankshana.
11Egi jhinagxete jagura egi jhinag‐xununig jagura hisha horakawawigi, hiwaxwiaje peshe eja washinkisgajegi, egi eja hiwushawiaje sh’uwarajau eja rawiaje.
12Egi jaja jhira hisha horakawawigi hikaragiwiaje.
13Egi jhinaka washinkisgegi rashguni hashiniwira harnikjanena eshi inke washinkisgarnigi rashguni hashiniwira hakja hiranikirikjanihawina.
14Egi higu peshe inke niruswinigi inke shige hoit’e washiniwira, naxgunegi, jaja jhieja shige jhinageja hirahishanab‐wigi si washiniwieja majushishignanka wanajowiaje.
15Hisgexjina hinigawina ma Sodom egi Gomorah‐eja herera hiraijera hiroheg howairekjanena hamb woehieja, jhinag she‐e hiraijera hawekjanena.
16Horuxujwire jhasga hikisge shunkjang horogeja howare‐ningigiwina, esge wakha wowanaiksab hikisgawiaje, egi rujgesga hikisge inke waishjankeni.
17Eshi wankshig hinakewe khinianje woehieja harnini hahirekjanihawina, egi wohokhuhojhi warnineja washa pahi hinigipsinj hirekjanihawina.
18Egi washirukanainja egi hungeja harnini hahirekjanihawina ne‐hawau, wihohi wirakirakjanena egi hirarujeja herera.
19Eshi jaja nirus‐hirawigi inke wewiwinianje jagu hishekjanihawigi, hornikuinekjanihawina howagixeja jagui‐shekjawira.
20Inke ne‐hirat’atarnikjanihawina, eshi Hianjrawiga Naxirag harnira E hinigit’etekjanihawina.
21Egi khinubra khinubra d’ehire karaginana, egi hianjhirera ninkjangra d’ehire karaginana egi ninkjangra shagwahirera wakirairekjanena, egi d’ehire wahirekjanena.
22Egi wankshigra harnaj hornishig‐hirekjanihawina rash harnira hawau. Eshi hisha hoshejainja hipa hiwarnuxshagi hiungi niaimbkjanena.
23Eshi jaja jhinag degi hinigishana nainawigi, hijahhogiaswiaje. Hisgexjina hinigawina, Israel jhinag warninera kheni harnaj horawawini, wankshig‐hinigra jikjanena.
24Wawagax‐hajara inke wawagaxhajawagigi harninera hirashana ninankshana, egi shige warera inke hirukana harninera hirashana ninankshana.
25Hinanankshana wagax‐hajara wawagaxhajawagigi harninera hikarakisgairegi, egi warera hirukana harninera hikarakisgairegi. Jhi‐hirukanara Beelsebub higairegi jasge hojhieja herera inke hiraijeraxji wawagairaninashe?
26Esge inke naxirawinine. Washa jagu harukanankhi jantinekjanena, egi nuxawanankhi hipereswahirekjanena.
27Hokawas‐eja jagu hornigitagwire, hohambeja hosharaikjawina egi nuxhopoxeja jagu nanaxguwira, jhi‐hihageja wihorakhunkjawina.
28Egi inke wanakawawinianje ro‐d’ehinanka egi inke naxirag d’ehi ruxurug‐ninankshana. Eshi nakawawiaje e naxiragra egi rora maisinsh wahi‐ruxurugjera pej‐shishigeja.
29Jasge inke wanig sparora wigairera nupiwi shurashuj‐hisha wawiruwinanishe? egi inke de‐e hisha Hianjrawiga woshga harnira rokani mainja hoshibranikjanena.
30Egi hisgexji naju washiniwira harnaj gikarab‐nankshana.
31Esge inke naxirawinine, hiraijera hirakisge harajena wanig sparo wigairera rohaxjishge hornirujis hirawinana.
32Higu peshe wankshig‐joweja hunkaragkhi e hishge Jajiga wangreginagre jowehieja wakaraikjanena.
33Eshi higu peshe wankshig‐jowehieja khibaikhingi e hishge Jajiga wangreginagre jowehieja khiba‐khinkjanena.
34Inke ma‐egi rashgunira ji‐wagigi hajishe hirawinianje, inke rashgunira ji‐ha hajinina, eshi wigijgux harnianjina.
35Egi hajire wankshigra kiruje‐wakerena, hianjra hakarakiranana egi hinughirera hiunira hakarakiranana, egi hinug‐jegra hikorokera hakarakiranana.
36Egi wankshigra hokikjewajabra hojhieja herera hererekjanena.
37Hisha hianjra egi shige hiunira hiraijera wawogixetegi, worujiswinegi, inke washinkisge wininana, egi hisha hinugra hiraijera wawogixetegi, worujiswinegi, inke washinkisge wiraninana.
38Egi hisha naramihera inke kurusnianaga egi hiroinagkhi inke washinkisge wininana.
39Hisha wankshig‐hoira hik’egi xawanihikjanena, egi hisha wankshig‐hoira xawani‐karagigi Ne hawau‐waungi hik’ekjanena.
40Hisha niruswigi hirus‐waunkjanena, egi hisha hirusgi huingigira rus‐waunkjanena.
41Hisha prophet hisha rusgi, prophet rashra hisha hawau, prophet hisha woirowe ruisjanena, egi hisha wangphira hisha rusgi, wangphi rashra hisha hawau waungi, wangphira hisha woirowe ruisjanena.
42Egi higu peshe xununignagre hisha ni‐sinira horajgaisha hokunegi wironagra hisha rash harnira hawau wauinegi hisgexjina hinigawina, jasgegi woirowera inke gixa‐warninikjanena.
Currently Selected:
Matthaiga 10: WIN
Highlight
Copy
Compare
Share
Want to have your highlights saved across all your devices? Sign up or sign in
Published by the American Bible Society in 1907.
Matthaiga 10
10
1Egi jaja hironag warnira kerepanaishanaga‐nup‐hashanara wakaragigogi, homashja wogarna naxirag shishigra wirukana wagigina jangra wowahas hirekjege, egi howasha hokirajra harnaj rushja wahirekjege, egi howashashara harnaj.
2Egi Apostel nup‐hashanara rashra de‐e hererena: Jegjina Simon e Peter higairena, egi khinubra Andreas higairena, egi Sebedai hinigra Jakob egi khinubra John.
3Philip egi Bartholome, Thomas egi Matthai publikan hisha herena. Egi Alphe hinigra Jakob, egi Labbe e rash hinup harnira Thadde higairena.
4Simon Kanaan wankshig‐hisha, egi Judas Iskariot e himanagshana.
5Nup‐hashana de‐e Jesus re‐wagigina egi uwashina wena: Inke hirarujeja herera wowa‐rawinianje, egi Samaria wankshig jhinag warnirera inke wokawa winianje.
6Eshi jhasga xawarni Israel wankshigra jhi‐harnineja nagra wowarawire.
7Egi sharawigi, wahokhuwiaje, wawiaje: Hung‐ma wangregi herera hiwusunsh jina.
8Howashara rushjawahiwiaje, lepra rushjawahiwiaje, d’era kikawa‐a‐wahiwiaje, waxopinishishigra jangra wowahaswiaje. Sang shuruswina, sang wogawiaje.
9Inke shurasira egi shige shurasga egi shige mas‐sii shuroshu washiniwieja hoshu hanirawiniaje.
10Egi shige inke waxupara hikiware wakara‐niwinianje, inke shige wonashi‐xetera nupiwi, inke shige wagujera, inke shige hissagu harniwinianje, wang warera worujra wagiunankshana.
11Egi jhinagxete jagura egi jhinag‐xununig jagura hisha horakawawigi, hiwaxwiaje peshe eja washinkisgajegi, egi eja hiwushawiaje sh’uwarajau eja rawiaje.
12Egi jaja jhira hisha horakawawigi hikaragiwiaje.
13Egi jhinaka washinkisgegi rashguni hashiniwira harnikjanena eshi inke washinkisgarnigi rashguni hashiniwira hakja hiranikirikjanihawina.
14Egi higu peshe inke niruswinigi inke shige hoit’e washiniwira, naxgunegi, jaja jhieja shige jhinageja hirahishanab‐wigi si washiniwieja majushishignanka wanajowiaje.
15Hisgexjina hinigawina ma Sodom egi Gomorah‐eja herera hiraijera hiroheg howairekjanena hamb woehieja, jhinag she‐e hiraijera hawekjanena.
16Horuxujwire jhasga hikisge shunkjang horogeja howare‐ningigiwina, esge wakha wowanaiksab hikisgawiaje, egi rujgesga hikisge inke waishjankeni.
17Eshi wankshig hinakewe khinianje woehieja harnini hahirekjanihawina, egi wohokhuhojhi warnineja washa pahi hinigipsinj hirekjanihawina.
18Egi washirukanainja egi hungeja harnini hahirekjanihawina ne‐hawau, wihohi wirakirakjanena egi hirarujeja herera.
19Eshi jaja nirus‐hirawigi inke wewiwinianje jagu hishekjanihawigi, hornikuinekjanihawina howagixeja jagui‐shekjawira.
20Inke ne‐hirat’atarnikjanihawina, eshi Hianjrawiga Naxirag harnira E hinigit’etekjanihawina.
21Egi khinubra khinubra d’ehire karaginana, egi hianjhirera ninkjangra d’ehire karaginana egi ninkjangra shagwahirera wakirairekjanena, egi d’ehire wahirekjanena.
22Egi wankshigra harnaj hornishig‐hirekjanihawina rash harnira hawau. Eshi hisha hoshejainja hipa hiwarnuxshagi hiungi niaimbkjanena.
23Eshi jaja jhinag degi hinigishana nainawigi, hijahhogiaswiaje. Hisgexjina hinigawina, Israel jhinag warninera kheni harnaj horawawini, wankshig‐hinigra jikjanena.
24Wawagax‐hajara inke wawagaxhajawagigi harninera hirashana ninankshana, egi shige warera inke hirukana harninera hirashana ninankshana.
25Hinanankshana wagax‐hajara wawagaxhajawagigi harninera hikarakisgairegi, egi warera hirukana harninera hikarakisgairegi. Jhi‐hirukanara Beelsebub higairegi jasge hojhieja herera inke hiraijeraxji wawagairaninashe?
26Esge inke naxirawinine. Washa jagu harukanankhi jantinekjanena, egi nuxawanankhi hipereswahirekjanena.
27Hokawas‐eja jagu hornigitagwire, hohambeja hosharaikjawina egi nuxhopoxeja jagu nanaxguwira, jhi‐hihageja wihorakhunkjawina.
28Egi inke wanakawawinianje ro‐d’ehinanka egi inke naxirag d’ehi ruxurug‐ninankshana. Eshi nakawawiaje e naxiragra egi rora maisinsh wahi‐ruxurugjera pej‐shishigeja.
29Jasge inke wanig sparora wigairera nupiwi shurashuj‐hisha wawiruwinanishe? egi inke de‐e hisha Hianjrawiga woshga harnira rokani mainja hoshibranikjanena.
30Egi hisgexji naju washiniwira harnaj gikarab‐nankshana.
31Esge inke naxirawinine, hiraijera hirakisge harajena wanig sparo wigairera rohaxjishge hornirujis hirawinana.
32Higu peshe wankshig‐joweja hunkaragkhi e hishge Jajiga wangreginagre jowehieja wakaraikjanena.
33Eshi higu peshe wankshig‐jowehieja khibaikhingi e hishge Jajiga wangreginagre jowehieja khiba‐khinkjanena.
34Inke ma‐egi rashgunira ji‐wagigi hajishe hirawinianje, inke rashgunira ji‐ha hajinina, eshi wigijgux harnianjina.
35Egi hajire wankshigra kiruje‐wakerena, hianjra hakarakiranana egi hinughirera hiunira hakarakiranana, egi hinug‐jegra hikorokera hakarakiranana.
36Egi wankshigra hokikjewajabra hojhieja herera hererekjanena.
37Hisha hianjra egi shige hiunira hiraijera wawogixetegi, worujiswinegi, inke washinkisge wininana, egi hisha hinugra hiraijera wawogixetegi, worujiswinegi, inke washinkisge wiraninana.
38Egi hisha naramihera inke kurusnianaga egi hiroinagkhi inke washinkisge wininana.
39Hisha wankshig‐hoira hik’egi xawanihikjanena, egi hisha wankshig‐hoira xawani‐karagigi Ne hawau‐waungi hik’ekjanena.
40Hisha niruswigi hirus‐waunkjanena, egi hisha hirusgi huingigira rus‐waunkjanena.
41Hisha prophet hisha rusgi, prophet rashra hisha hawau, prophet hisha woirowe ruisjanena, egi hisha wangphira hisha rusgi, wangphi rashra hisha hawau waungi, wangphira hisha woirowe ruisjanena.
42Egi higu peshe xununignagre hisha ni‐sinira horajgaisha hokunegi wironagra hisha rash harnira hawau wauinegi hisgexjina hinigawina, jasgegi woirowera inke gixa‐warninikjanena.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Published by the American Bible Society in 1907.