Matthaiga 7
7
1Inke hae‐wahiwinianje, inke hae‐nihiranikjawige.
2Jagu wira‐erawigi, hiraeni‐hirekjanihawina. Egi wigus jagura hisha wiragiguswigi, hishge wigus e shige hinigigus‐hirekjanihawina.
3Egi jasgegaja rakhinubra hishjasu harnieja no‐ruxageninganka hashjashe, eshi hishjasu hashinieja noi‐kunuganka inke hiraperesni?
4Egi jasgeranaga rakhinubra waraganashe hishjasu hashinieja no‐ruxagninganka ningit’u‐shoroijena, egi horuxujre noikunugisha hishjasu hashiniejagra.
5Phiranakhik’iranina, jorni hishjasu hashinieja noikunuganka nigehot’unare, egi hageja phihashjarnana rakhinubra hishjasu harnieja no‐ruxagninganka nige horagi t’usharanana.
6Inke washa wakanjangra shung‐eja wogawinianje. Egi shige inke perira xguxguishe jowehireja wogit’unawinianje, nigete e warnashi‐uinarnaga egi hijapahi nashirarnaga egi niruxaxab‐hirekjaniha’wina.
7Tawire egi hornikuinekjanihawina. Horniwine egi hish’e‐kjanihawina. Gikogwire egi ningiruhas‐hirekjanihawina.
8Higu jarnaga taga, rusnankshana, egi hisha horniga hiejena, egi hisha gikoghi giruhas‐hirekjanena.
9Egi wang‐jagurisha horogregi harajegi, e hinigra waisgabtuj gitagi inira hisha hokunashe?
10Shige hora hisha gitagi wakhara hisha hokunashe?
11Worniwank harajera reshge, ninkjank washiniwira washa phi wokarakura hiraperes‐harajena hiraijeraxjinakshana Hianjrawiga wangreginagre washa Phi wogarnankshana, jarnaga gitaga.
12Esge washara harnaj jagurisha wankshigra ningiuinawigi raiphiwinagi, ne shesge wagigiwiaje, woehire de‐e herena egi prophetra.
13Jhirob hokirashirieja hokawawiaje. Jhirobra xetejegi egi nagura parasanki hot’eja warnihinana egi roha eja howaragshana.
14Hisgexji jhirobra hokirashirijena, egi nagura hokirashirina e wankshig‐hoieja warnihina, egi jarnagkhira hiena.
15Prophet woretungra hinakewe wakhiwianje, e jhasgaha hornashi hiranijirekjanihawina eshi rogra shunkjank wajexi waunagikjanena.
16Has warnineja wawiraperes‐hikjanihawina. Jasge wankshigra napahieja habsinsh sto‐hinankshe, shige figra waxageja sto‐wahinankshe?
17Deshesgena na‐phira has phi haminag‐hirena, eshi na‐shishigra has shishig haminag‐hirena.
18Na‐phira inke has shishig haminag ruxurug‐hiranina, inke shige na‐shishigra has phi haminag ruxurug‐hiranina.
19Nara jarnaga inke has phi haminag hiranigi waiwank‐hirekjanena, egi pej‐eja wot’unairekjanena.
20Esge has warnineja wawiragi‐kjanihawina.
21Inke jarnaga Hirukanara, Hirukanara hingairegi harnaj hung‐ma wangregi‐nagre hokawairanikjanena, eshi hisha Jajiga wangreginagre woshga harnira giungi.
22Hambeja roha waigekjanena, Hirukanara, Hirukanara, jasge inke rash hashinira wihowakhuwinishe? Egi rash hashinira hiauwianaga waxopinishishig jangra hopahaswinishe? Egi rash hashinira hiauwianaga wowakanjangra roha hauwinishe?
23Egi wawagekjanena inkaga hinipereswinina, hijahi howarewire washa wowonk u‐harajane.
24Esge higu peshe jagu hihare naxgungi, egi wawaungi, wang wanaiksab hisha hikisge hakjanena, e jhira ini hihageja karakanagnana.
25Egi nishu hakirianaga egi nijara jianaga egi maintajehi hakirianaga egi jhinaka hirajigi egi inke khananinana, ini haminaganaka esge.
26Egi jarnaga jagu hihare naxguanaga egi inke waunigishi, wang wanai‐wowonk hisha hikisgarnana, e jhi harnira pusake hihageja karakanagnana,
27Egi nishu hakirianaga egi nijara jiarnaga egi maintajehi hakirianaga egi jhinaka hirajigi egi khananana, egi hoshibrera rokananana.
28Egi herena jaja Jesus washa de‐e e‐rashjangi, wankshigra gixixhirena wogus harnira hawau.
29Washa wagigusra hisha homashja hani hikisge wena, egi inke wowagax hiperesra hikisgarnina.
Currently Selected:
Matthaiga 7: WIN
Highlight
Copy
Compare
Share
Want to have your highlights saved across all your devices? Sign up or sign in
Published by the American Bible Society in 1907.
