Popular Bible Verses from Matthaiga 7

Share

Tawire egi hornikuinekjanihawina. Horniwine egi hish’e‐kjanihawina. Gikogwire egi ningiruhas‐hirekjanihawina.

Higu jarnaga taga, rusnankshana, egi hisha horniga hiejena, egi hisha gikoghi giruhas‐hirekjanena.

Esge higu peshe jagu hihare naxgungi, egi wawaungi, wang wanaiksab hisha hikisge hakjanena, e jhira ini hihageja karakanagnana.

Esge washara harnaj jagurisha wankshigra ningiuinawigi raiphiwinagi, ne shesge wagigiwiaje, woehire de‐e herena egi prophetra.

Hisgexji jhirobra hokirashirijena, egi nagura hokirashirina e wankshig‐hoieja warnihina, egi jarnagkhira hiena.

Jhirob hokirashirieja hokawawiaje. Jhirobra xetejegi egi nagura parasanki hot’eja warnihinana egi roha eja howaragshana.

Worniwank harajera reshge, ninkjank washiniwira washa phi wokarakura hiraperes‐harajena hiraijeraxjinakshana Hianjrawiga wangreginagre washa Phi wogarnankshana, jarnaga gitaga.

Inke hae‐wahiwinianje, inke hae‐nihiranikjawige. Jagu wira‐erawigi, hiraeni‐hirekjanihawina. Egi wigus jagura hisha wiragiguswigi, hishge wigus e shige hinigigus‐hirekjanihawina.

Egi jarnaga jagu hihare naxguanaga egi inke waunigishi, wang wanai‐wowonk hisha hikisgarnana, e jhi harnira pusake hihageja karakanagnana

Egi jasgegaja rakhinubra hishjasu harnieja no‐ruxageninganka hashjashe, eshi hishjasu hashinieja noi‐kunuganka inke hiraperesni? Egi jasgeranaga rakhinubra waraganashe hishjasu hashinieja no‐ruxagninganka ningit’u‐shoroijena, egi horuxujre noikunugisha hishjasu hashiniejagra.

Prophet woretungra hinakewe wakhiwianje, e jhasgaha hornashi hiranijirekjanihawina eshi rogra shunkjank wajexi waunagikjanena. Has warnineja wawiraperes‐hikjanihawina. Jasge wankshigra napahieja habsinsh sto‐hinankshe, shige figra waxageja sto‐wahinankshe?

Deshesgena na‐phira has phi haminag‐hirena, eshi na‐shishigra has shishig haminag‐hirena.

Na‐phira inke has shishig haminag ruxurug‐hiranina, inke shige na‐shishigra has phi haminag ruxurug‐hiranina.

Nara jarnaga inke has phi haminag hiranigi waiwank‐hirekjanena, egi pej‐eja wot’unairekjanena.