Matthaiga 19
19
1Egi wauna jaja Jesus washa de‐e erashjangi Galilea mowagaxeja nigehowarena, egi Judea mowagax‐hijejeja hina Jordan ageja.
2Egi hornihe‐xetera hironag hajirena egi eja harnaj rushjawahina.
3Egi Pharisera hishge hirajirena hiunjaire egi wagairena: Woehieja uwashiagshe washara hisha hawau wangra hisha hijawina karat’uranashe?
4Egi horniharna egi wawagena: Jasge inke wowagaxeja hashjawinishe E jeghojikerehieja‐reja wauna wangra egi hinugra wauna.
5Egi wena: Esge wangra hisha heregi hianjra egi hiunira wat’uranana egi hijawina harusherejnana. Egi de‐e hinuwinke rora hishankira hirekjanena.
6Esge inke nup hiranikjanena eshi rora hishankira hirekjanena. Esge jagu Maura hakishjeghigi, inke wankshigra rushe‐hiraninana.
7Egi wagairena: Jagu ungaja Mosesga uwashishe kit’una wawagaxra hisha wogairekje, egi hijawira t’unekjegi.
8Egi wawagena: Mosesga hijawi warawiga wakarat’une ningigiwina najge washiniwira shjananke esge, eshi jeg‐hojikerehieja inke shesgarnina.
9Egi hinigawina: Higu peshe hijawira karat’unenara (hijawihirajega hikikshakshagishana), egi hijahira hisha khanakhi khikhanagra rushe waunana egi higu peshe hinug‐t’unairega khanagkhi, hishge khikhanagra rushe waunana.
10Egi hironag warnira wagairena: Waehieja deshesgakhi wangra egi hijawihirera hakikishu inke wankshig hakishu phihiranigaja.
11Eshi wawagena: Inke wankshignagre harnaj washo’e de‐e hiperes ruxurug‐hiraninana, jarnaga hokuinegishana.
12Egi hota eunux‐nankshana e hiuni‐wahirera waujganag hiregi shesge wajhuinena, egi hota eunux‐nankshana e wankshigra eunux‐wauinege, egi hota eunux‐nankshana e eunux‐kikuinege hungma wangregi hereja hawau wauinena. Higu peshe de‐e hiperes‐ruxurugkhi hipereshiwiaje.
13Egi ninkjang xununig hagarni hajirena, egi nab harnira hijawatumb‐harnaga egi gikaraj wagigikjege, egi wironag warnira najwisgi‐hirena.
14Egi Jesus wena: Ninkjang xununignanka hiraji waigigiwire egi inke warogixiwinine, shesgera hungma wangregi herera wagiuinena.
15Egi nab harnira hijawatumb‐harnaga egi eja nigehowarena.
16Egi horuxujre hisha jina egi wagena: Hirukana phira, washa jagu phi haungi, wankshig‐hoi‐hisgejara harninashe?
17Egi Jesus wagena: Jagu‐u phi hinageshe? Hinkisha phinina, eshi hishaukira phina Maura herena. Egi wankshig‐hoieja horakewekjegi woehira wauanje.
18Egi wagena: Hajananka? Jesus wena: Inke wankshig d’ehinianje, inke khikanag rushenianje, inke wamanunianje, inke washa retunk‐arnianje.
19Karaishagre hianjraga egi hiuniraga egi hirakishuwusunshra wogixeteaje hikisge khianje.
20Egi hojinjinjega wagena: Woehi de‐e harnaj hixununigreja hauhajina, jaguisha hinujis‐she?
21Jesus wagena: Inke washa nisha hironihiranikjegi, kararnaga egi jagu hashinigi harnaj wiruwine egi wanajojaisgeja wogaje, egi washa jexira wangregi hashinikjena, egi jiarnaga egi hiroinagre.
22Eshi jaja hojinjinjega washa de‐e naxgungi, najgerateg nige‐howakerena, washara rohaxji harnijege.
23Egi Jesus wironag warnira wawagena: Hisgexjina hinigawina, hitajenagre Maura hungma harnieja hokewera mashja gijexinakshana.
24Egi shige wanigawina: Wanoijge‐huxash’ogra hisha wiruxug hopoxeja hokewera e wogiwategnana egi wang hitajera Maura hungma harnieja hokewera e hiraijera gijexinankshana.
25Egi jaja wironag warnira de‐e naxguinegi mashja khorairena, wairena: Peshe niamb‐ruxuruigjeshe?
26Eshi Jesus woruxujshana egi wawagena: Wankshig homashja harnine hiura inke ruxurug phinina eshi Maura inke washara hisha gijexinina.
27Egi Peter horniharna egi wagena: Horuxujre, washara harnaj wat’untawianaga egi hironinagwina, jagura hisha harnikjanihawishe?
28Egi Jesus wawagena: Hisgexjina hinigawina, jarnaga hiroishanagwire, jeg‐wankshighoira heregi, jaja Wankshig‐hinigra glori hung waminag harnieja minagkhi, nishge hung waminagra nuphashana hamishanaikjanihawina, Israel wankshig howajehi nuphashanara haehira waragishunkjanihawina.
29Egi jarnaga jhira egi wakhinubra egi hinugwajabra egi hianjra egi hiunira egi hijawira egi ninkjangnigra egi mara wat’unegi rash harnira hawau waungi, hogihisha hawinjeja hirogiwekjanena, egi wankshig‐hoi hisgejara harnikjanena.
30Eshi roha jowera hereregi, hagra hererekjanena, egi hageja herera jowera hererekjanena.
Currently Selected:
Matthaiga 19: WIN
Highlight
Copy
Compare
Share
Want to have your highlights saved across all your devices? Sign up or sign in
Published by the American Bible Society in 1907.
