Popular Bible Verses from Matthaiga 19

Share

Eshi Jesus woruxujshana egi wawagena: Wankshig homashja harnine hiura inke ruxurug phinina eshi Maura inke washara hisha gijexinina.

Esge inke nup hiranikjanena eshi rora hishankira hirekjanena. Esge jagu Maura hakishjeghigi, inke wankshigra rushe‐hiraninana.

Egi horniharna egi wawagena: Jasge inke wowagaxeja hashjawinishe E jeghojikerehieja‐reja wauna wangra egi hinugra wauna. Egi wena: Esge wangra hisha heregi hianjra egi hiunira wat’uranana egi hijawina harusherejnana. Egi de‐e hinuwinke rora hishankira hirekjanena.

Egi Jesus wena: Ninkjang xununignanka hiraji waigigiwire egi inke warogixiwinine, shesgera hungma wangregi herera wagiuinena.

Eshi roha jowera hereregi, hagra hererekjanena, egi hageja herera jowera hererekjanena.

Egi jarnaga jhira egi wakhinubra egi hinugwajabra egi hianjra egi hiunira egi hijawira egi ninkjangnigra egi mara wat’unegi rash harnira hawau waungi, hogihisha hawinjeja hirogiwekjanena, egi wankshig‐hoi hisgejara harnikjanena.

Jesus wagena: Inke washa nisha hironihiranikjegi, kararnaga egi jagu hashinigi harnaj wiruwine egi wanajojaisgeja wogaje, egi washa jexira wangregi hashinikjena, egi jiarnaga egi hiroinagre.

Egi Jesus wagena: Jagu‐u phi hinageshe? Hinkisha phinina, eshi hishaukira phina Maura herena. Egi wankshig‐hoieja horakewekjegi woehira wauanje.

Egi shige wanigawina: Wanoijge‐huxash’ogra hisha wiruxug hopoxeja hokewera e wogiwategnana egi wang hitajera Maura hungma harnieja hokewera e hiraijera gijexinankshana.

Egi hinigawina: Higu peshe hijawira karat’unenara (hijawihirajega hikikshakshagishana), egi hijahira hisha khanakhi khikhanagra rushe waunana egi higu peshe hinug‐t’unairega khanagkhi, hishge khikhanagra rushe waunana.

Egi Jesus wironag warnira wawagena: Hisgexjina hinigawina, hitajenagre Maura hungma harnieja hokewera mashja gijexinakshana.