Hoixgara 28
28
1Egi jaja niambhiregi wijnaka Melita higairera hipereshirena.
2Egi wankshig hijahinanka najojana inke xunu hingigirawinina. Pej hotuinena, egi harnaj hinus‐hirawina, nishujege egi sinihijege esge.
3Egi jaja Paulus nanksig stohigi egi pejeja hashurna wakha shishighisha hotakaj wahas hihinabshana egi nabeja hassa‐hinakshana.
4Egi jaja hijahinanka wakhara nab‐earnieja howaronag hajairegi, wakigairena: Hisgexji wangde‐e wankshigd’ehisha heregaja, e tejanegi khishib niambnunige wakarakjera inke niamb‐giginigaja.
5Egi wakhananka pejeja hoishibshana egi inke washa hirokishignina.
6Egi natis‐anaga egi higuana d’arnaga khanekjane hirairena. Eshi s’ixji hageja horuxuj‐hiranunige egi inke washangishgani hajairena, wowewi warninera hija jijerena egi wairena: mau‐hisha heregaja.
7Egi hiwusunsheja wijnaka eja hungra e rashra Publius higairera mara harnina e hinuswina egi hambra daniha phixji hingigiwi hiniuwina.
8Egi wauna Publius hianjra howasha mingshana rotakaj una egi wa‐i hiresiri una, egi Paulus hokewena, egi gikarajanaga egi nabra hija hat’umbanaga egi rushjahina.
9Egi jaja deshesge higi, hijanera hishge wij‐eja howashanankhi hajirena, egi rushja‐wahina.
10Egi hoish’agra rohaxji hingishag‐hirawina, egi jaja wakitujawira, jarnaga washara hiauwingi phinagi hunk’uinawina.
11Egi wi danihanegi waj Aleksandria eja howajisha homianag dawina, e wij‐eja hamanikhira egi e wijantira warejawa hija wagaxnashinena.
12Egi Sirakus‐eja hahi ha’uaniwina eja hambra daniha hipushawina.
13Egi eja wagigix tawira Rhegium‐eja hahiwina. Egi hamb hishangaja rekuhuhina egi hamb hinupahangaja Puteoli‐eja hahiwina.
14Eja wakhinubwira hiaewina, egi hambra shagowiha wakishu hiwusha roigigu hirawina. Deshesge hawianaga Romera hapahi tawina.
15Eja tawira, jaja wakhinubwira naixguhirawigi, Appii Forum eegi hikhiware hojhi danieja hipa hajirena. E Paulus jaja wajara Maura wainginapshana egi himashjana.
16Egi jaja Rome‐eja hahiwira, manape hungra harukoshirera wawogarna manape hung xeteja. Eshi Paulus injab jhi‐gigirena, manape hirakaranagra wakishu.
17Egi houna hambra daniha haixagaja Paulus Judra xetera stowahina, egi jaja stoiregi, wawagena: Wangra egi hinkhinubwira, wankshig hiwarniwira inke washinohirera hisha wagiuninunige inke shige hianj‐hiwahiwira woshga harninera, shesgarnunige hirukos‐hire Jerusalem‐eja wawajina Roman nab harnineja hunrushja rehirena.
18E jaja hiwessiwi‐hirera girushjanehi phi‐hanina inke washanisha hawau d’ehi phianinige esge.
19Eshi jaja Judra hit’e hiraikira‐hirera inke washinjahi u phianinina, Kaiser woehira hapaxurujshana, inke wankshig warnira washara hisha wirataije wagiunina.
20Deshesge hawau sto‐nishiwina, harnijakjawige egi hornikit’ekjawige. Israel wankshigra woinashi harninera hawau waigiuinena mas de‐e hinusgij hajane.
21Egi wagairena: Inkaga Judea‐eja wawagax howajianaga hornanixguwinina, egi shige inke wakhinubwira hisha jiarnaga horniragnina shige washinohire horaweshe arnina.
22Eshi jagu hiraregi nanixgu roaguwina. Injab‐hokhi de‐e hawau, hinipereswira higu hajinja herera hoit’e hirakira hirera.
23Egi jaja hambisha mangiraj‐hiregi, hojhijega eja roha hirajina, e wijanti wawogiragshana egi horagshana Maura hungma harnira, egi Jesus hawau waraxurugnaina, Moses woehi harnieja egi prophet‐eja horusanaga, haininegi aregi haxjarna hipa ena.
24Egi hota washa jagu e‐ga harnaxguinena egi hota inke harnaxguinarnina.
25Egi jaja inke warnaina hakishjeg hiranigi nigeowakarairena, Paulus hoit’eisha arnaga hageja: Naxirag Wakanjangra Isaias prophetra hiu hianj‐hiwahiwira phi wawagegi,
26Wena: Wankshig de‐e wawirahire, egi waje: Warnaxgura nanaxgu‐kjanihawina, egi inke nanaxguni‐kjanihawina. Egi wajara, washjakjanihawina egi inke hiraperes‐nikjanihawina,
27Wankshig de‐e najge warninera shjainena, egi nuxhopox warninera winaxgu jexi hirena, egi hishjasu warninera hornassa‐nankshana, hishjasu warninera inke wiraja‐hiranikjege, egi inke nuxhopox warninera wawinaxgu‐hiranikjege, egi najge warninera inke wawinaxgu‐hiranikjege, egi wakshainegi egi rushjawahakjanege.
28Esge hiperesniwina, Maura wankshighoi harnira hirarujeja herera wawirahi hirena, egi naxgu hirekjege.
29Egi jaja hoit’e de‐e waegi Judra hakarairena egi hirokikit’era rokana wairena.
30Egi Paulus ma nupaha jhi hornajga eja jhina, egi jarnaga hirahiga harnaj warusjena.
31Maura hungma harnira wawihokhunjena, egi Hirukanara Jesus Kristus washa jagu higairegi wagigusjena inke nuwangni, egi inke hisha rogixinina.
Currently Selected:
Hoixgara 28: WIN
Highlight
Share
Copy
Want to have your highlights saved across all your devices? Sign up or sign in
Published by the American Bible Society in 1907.
