Ruth 4
4
NEVLUGHON NETAIYI 4
1Boas yivesah iran nugon selat ra nemote memtesep yui; im pah, numpunaran mori Boas yemenuwi memoku ugi yivelum ra nohoren, miyi yenuwi pugi, memoku, Kik, velungo metesep igko. Miyi yivelumgo memtesep.
2Miyi yevai neteme narowalem ra ov’numpumetuo ra nemote memenuwi punor memoku, Utesep igko. Miror dumutesep.
3Miyi yenuwi pugi numpunaran memoku, Nehomi, mori yovelum marugi nuru Moab, umampasigi nete nuru mori yete noete eni rapmamsai Elimelak.
4Im yau moku ya kontampnemugkik mahku, Sevasi pe unimind mori umentesep igko muni?-?mind ov numpumetuo ra lo enyau. Nagku kik umagku konsevasigi; pe; tampnemoko?-?yau ma ya kagkili: it tawi sai woresevasigi ko kik wohon, im yau penurok. Miyi yenuwi memoku, Ya konsevasigi.
5Penuri pe Boas yemenuwi memoku, Ra dan konsevasigi nete nuru mori marugi nohoven eni Nehomi, aremai konsevasigi sugku marugi Ruth nasiven Moab, retepon eni mori yemas, worevituksah nin eni neteme nemas ra nuru tampenum eni.
6Im numpunaran yenuwi memoku, Yau tawi faneteme woresevasigi nisekug pe yau, kuntawi ya konumpi ur nuru tampenum enyau: vai pe iram, it yau tawi fanteme.
7It imo netevar eniror ra Israel itetuwai gi nesevasi: neteme yemsuli woravan marugi nowen eni movugi pe iran sai, mimo nam numpuvsok itnesog ra Israel.
8Im numpunaran yenuwi pugi Boas memoku, Sevasi pe nisehon. Miyi yemsuli woravan eni.
9Im Boas yenuwi punor ovun numpumetuo im punor lo omwisu memoku, Ire kimi ov numpuvsok, ma ya kovasigi omwisu mori yete eni Elimelek, momwisu mori yete eni Kilyon, im Mahlon, marugi nohoven eni Nehomi.
10Im momu, Ruth nasiven Moab, retepon eni Mahlon, ya kovasi worete retug, worevituksah nin eni neteme nemas ra nuru tampenum eni, kuntawi nin eni neteme nemas konamiap marugi ilevoteven ravensaieme im marugi nugon selat ra nuru eni; kimi ov numpuvsok ire.
11Lo omwisu mori ra nugon selat mov numpumetuo dumunuwi mumoku, Kam ov numpuvsok. Aremai Novsuromon konumpi nasiven mori kokevelum ra numpon nimo enugkik sugku Retyel im sugku Lia, mori iror duru dumuvituksah savut eni Israel; mevai kik noete ra Efratah im netevote ra Betlehem:
12Mete nimo enugkik sugku nimo eni Peres mori Tamar yevai pugi Yuda, marugi novsen mori Novsuromon kampunok gi imo nasiven.
13Im Boas yevai Ruth miyi yetepu retepon eni; miyi yive unesug iran miyi Novsuromon, yovugi nisar netni miyi yisar.
14Movasiven dunuwi pugi Nehomi mumoku, Nevaieves Novsuromon, mori kotuowi kik marima im tawi numpunaram; aremai nin eni kante tamas ra Israel.
15Miyi kante nisehom neteme worovugkik nomurep im nefinte ra numpumetuo enugkik; it rovugon enugkik mori iyi umnelintugkik ote momu aremai iram ra ov netnime sukrim duru, iyi kokisar iyi.
16Im Nehomi yevai nalig mori, memetipe ra nemindugon eni memefinte iyi.
17Movasiven ov numpunaran eni dumatov nin eni mumoku, Yisar netni nisekon Nehomi; miror dumatov nin eni mumoku, Obed: iyi itemen eni Yese, itemen eni Devid.
18Imosu ovun palsi eni Peres: Peres yeti Hesron;
19Hesron yeti Ram, Ram yeti Abinadab;
20Im Aminadab yeti Nahson, im Nahson yeti Salmon,
21Im Salmon yeti Boas, im Boas yeti Obed;
22Im Obed yeti Yese, im Yese yeti Devid.
Currently Selected:
Ruth 4: ERGOT
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society: Genesis in 1914, and Ruth in 1932.