Ruth 3
3
NEVLUGHON NETAIYI 3
1In Nehomi dineme eni yenuwi pugi iyi memoku, Ah netug, ya konesorugi tovunok sai nampon nemindug, ma kante aremai iram, kuentawi?
2Im marima, Boas ote numpunarant, im kimete dal ovasiven eni, kuentawi? Pah, iyi umsendumsi whit imo pumrok ra nampon nevselatevi whit.
3Popowo imo sugku, orowugkik mavui kik, mevai wugkik nemas enugkik meve ra nampon nevselatevi whit. Aremai neteme ko?-?tuagkilok mafeli iyi koeni momoneki isuma.
4Im kantepu nagku iyi konaleyepo kagkili nampon mori iyi konaleyepo iyui, im kampelum mampai nemas ra nowon eni monaleyepo miyi kontampnemigkik tie konumpi.
5Miyi yemtamsi pugi memoku, Omwisu mori kimenuwi poyau ya onumpi.
6Miyi yeyep ra nampon nevselatevi whit memumpi omwisu mori dineme eni yempa?-?sewugi.
7Im Boas yeni memoneki nemete aremai iran, mevelum memaleyepo ra nisah ra tainar mori, im Ruth yemoropomevelum mempai nemas mori ra nowon eni memaleyepo.
8Memetepu ra yetunemes neteme mori yemnemetet memtorileki im pah sai nasiven yemaleyepo ra nampon nowon eni.
9Miyi yenuwi memoku, Kikme? Miyi yemtamsi memoku, Yau Ruth nasiven torugat enugkik; maremai kafinte torugat enugkik, it kik sai numpunarag.
10Miyi yenuwi memoku, Kik nevaieves ugi Novsuromon, ah netug, it kik umpi numpe?-?leves ra nisah momu iran ra novum, popowo kimetumurinandu ovun neviarep, nagku noramel ku noete.
11Marima, ah netug, etutetugi; ya konumpi nesihon omwisu mori kik anuwi magku ugi; it ovetemesu ra nemote enyau umagkili ma kik nasiven tanepo.
12Itnesug yau sai numpunaram, ko ote sai umampum irag.
13Etelap imo pumrok, im mran nagku iyi konumpi nisehom sugku aremai iran sai numpunaram, aremai iyi konumpi pe; im nagku iyi kotuonumpi sugku aremai iran sai numpunaram, yau ya konumpi pe, sugku Novsuromon umnomurep; aleyepo mafeli dan.
14Miyi yemaleyepo ra nampon nowon eni mafeli dan, miyi yemtur ra numtidan poleku sai neteme tawi faneteme worohesives sai, popowo Boas yenuwi memoku, Tawi aremai wagkili ma sai nasiven yivelum ra nampon nevselatevi whit.
15Miyi yenuwi memoku, Vai mevelum semplauon mori ra kik, melehavi pe; miyi yelehavi pe, miyi yovugi misekai talug barli memtipe ra tan; miyi yivesu ra nemote.
16Miyi yivelum pugi dineme eni, mori yenuwi pugi memoku, Kik me, netug? Miyi yemtampenigi tiamesu neteme yepnumpi.
17Miyi yenuwi memoku, Iyi yovoyau imosu mesikai talug barli it iyi yenuwi poyau memoku, Etuve pugi dinum im tawi nipmi dalekik.
18Miyi yenuwi memoku, Etelap netug, mafeli kagkili nohwo kantepu iram, it neteme mori kotuandu ko konakomplisu imo tiame ire.
Currently Selected:
Ruth 3: ERGOT
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society: Genesis in 1914, and Ruth in 1932.