Kenesis 42
42
1Im Iēkob yokili yeti novūan whit Ityĭpt; ĭm Iēkob yenūwi pun ōra ōvun nĭtnĭme eni memokū, Irantĭē kĭmi umasepen nokūs‐e‐kūm. 2Miyi yōmenūwi memokū, Pah, yx morĭgi novūan ra Ityĭpt; ūiyep yūi mūvasĭgi nĭsekont yūi ma kos ke lamūrep im letū mamas. 3Mirora ravĭnsīeme ten eni Yōsef dūiyep Ityĭpt worevasĭgi novūan. 4Im Benyomĭn avĭnsī eni Yōsef, Iēkob yetūta?-?mūli iyi dal ravĭnsīeme eni, ĭt iyi yenūwi memokū, Kūn tawi iyi andĭgi nesorū ū selat.
5Mōvun nĭtnĭme eni Isrēel dūvelum dal irora sū mori dūmokū worevasĭgi, popōwo temas ra nūrū Kēnan. 6Im Yōsef yeti narisah nūsian ra nūrū mori, iyi yivasĭgi pun ōra lō sū ra nūrū sū; mirora ravĭnsīeme eni Yōsef dūvelum mō mūtelasep ūnĭpmi eni.
7Im Yōsef yokes‐ōra ravĭnsīeme mō mokilōra, miyi yesepen dōmō iranda, mō menūwi nam nugkugko pun ōra, memokū, Kūmnēa? Mirora dūnūwi mūmokū, Ka ke lĭmnē ra nūrū Kēnan magkū worevasĭgi nevag.
8Im Yōsef yokil‐ōra ravĭnsīeme, kō irora dūtū‐kili, iyi. 9Im Yōsef yentĭme ov nemeviak eni mori yimeviak ugi irora, mō menūwi pun ōra memokū, Kĭmi ōvun netūrareki; Kĭmi kūvelum worokesi nūrū sū pelah ra nemap. 10Mirora domūnūwi pugi mūmokū, Tawi, novsūromon yx; ōvūn lĭvsx enugkĭk kūvelum worevasĭgi nevag; 11kam sū ōvun nĭtnĭme neteme sīteven, kam ōveteme ĭtnesog; ōvun lĭvsx enugkĭk tawi ōvun netūrareki. 12Miyi yōmenūwi pun ōra memokū Eyi, kĭmi kūvelum worokesi nūrū sū pelah ra nemap. 13Mirora dōmūnūwi mūmokū, Ovun lĭvsx enugkĭk ravĭnsīeme twelv, kam ōvun nĭtnĭme eni neteme sĭ teven ra narū Kēnan, ĭm pah, iyi ĭtevirok umante ūndū ĭtemen‐e‐kam, ĭm sī mōmū, tawi iyi.
14Im Yōsef yōmenūwi memokū, Imō nam mori ya onūwi pug kūm memokū, Kĭmi ōvūn netūrareki. 15Ya kum mantipe sekil irami: umūrep Fērō! ya kum magkū kĭmi kūtū ampe marugi nūrū ĭgko nagkū iyi avĭnsī kĭmi ĭtevirok otū ampelum ĭgko; 16ūtamūli sī ra kĭmi woretōri avĭnsī kĭmi, ĭm kĭmi kwan‐tĭndōwi ĭgko mīeti, wore?-?tapmi nam enugĭmi nagkū ĭtnesog ūnōwami; ĭm nagkūn tawi, Fērō umūrep, mitnesog kĭmi ōvun netūrareki. 17Miyi yetipe irora sū ūnesog nimō nugkugko dan desel.
18Im ran dan deselugi Yōsef yōmenūwi pun ōra memokū, Wumpi imō mō mūrep; ya kum mamtetugi ves Nōbū. 19Nagkū kĭmi ōveteme itnesog, aremī sī ra kĭmi anti mīeti ra mumpon nimō mori enugkĭmi, ĭm kĭmi kūve, wosen?-?duri ov novūan ran temas ra ōvun nimō sū enugkĭmi. 20Miyi avĭnsī kĭmi, ūtōri iyi ĭgko po yx, mō mampesog nam enugkĭmi, ĭm kĭmi kūtū wamas. Mirora dwumpi sugkū.
21Mirora dūsepen enuūwi pun ōra mūmokū, Itnesog kos ke liworepatevi ugi avūsgi kos, popōwo kos ĭm lokesi sokomulep ra naviat eni pol sugkū iyi yĭmesenug?-?kos, ĭm kos ĭm letūrīgi: popōwo ugi imō sokomulep okevelum pug kos. 22Im Rūben yĭmtamsi pun ōra memokū, Yx menūwi pug kum memōkū, Utū wumpi sat iran avūnyan, kū? ĭm kĭmi kūtūrĭgi; ĭm pah, marima de eni ovūle‐kos.
23Mirora dūtokū Yōsef yokili nam en irora, ĭt iyi yenūwi pun ōra ĭm neteme sī ĭleboteven irora. 24Miyi yĭmelagkx mō mageri, mō ĭmtorĭloki pun ōra, mō menūwi pun ōra, mō ĭmpī Sĭmion parok‐onda mō mīeti iyi ūnĭmĭnda.
25Im Yōsef yĭmpasewugi memokū worovūara gi novūan ōvun nūrah sū en irora, mō mampitorĭloki muni en irora mafiokondgo unesog ovun woretovi, mō mampun‐ōra nevag nĭmsĭn selat: iyi yumpi sugkū.
26Mirora dūmūsĭnduri ōvun nūrah sū gi novūan ran tanda ōvun as en irora mō mūve. 27Im sī ra irora itī pelah bak eni worevūgūni as eni ra siman lō, ĭm pah, yokesi muni eni ra nugon bak eni. 28Miyi yenūwi pun ōra ravĭnsī eme memokū, Oti nefitorĭloki muni enyx, ĭm pah, ĭgko ra mumpon bak enyx; ĭm nōwanda sū dūtū?-?vūlūl, dwĭmtetugi tamas, mō mūnūwi pun ōra mūmokū, Tiē imō Nōbū umpi irant?
29Dūmūve pugi Iēkob ĭtemen en irora Kēnan, dūtampĭgi pugi ugi sū mori dūvelum pun ōra mūmokū. 30Iyi neteme mori narisah ra nūrū yenūwi nam nugkugko iramam memokū, kam ōvun netūrareki ra nūrū sū pelah. 31Im kam lenūwi pugi mūmokū, Kam ōveteme ĭtnesog; kam tawi ōvun netūrareki. 32Kam ravĭnsīeme twelv mĭtemen‐e‐kam sīteven; sī ĭm tawi iyi; miyi ĭtevirok umante ūndū ĭtemen eni ra nūrū Kēnan. 33Miyi narisah nūrū yūi yōmenūwi pug kam memokū, Ya kagkili ugi imo, nagkū kĭmi ōveteme ĭtnesog, Utenĭmpe sī ra kĭmi woretĭndōwi ūndū yx, mūvī nevag ra temas ra nimō sū enugkĭmi, mō mūve. 34Mūtōri po yx avĭnsī kĭmi ĭtevirok, penūri ya kagkili ma kĭmi tawi ōvun netūrareki, kō ōveteme ĭtnesog; ya ampug kūm avĭnsī kĭmi, ĭm kĭmi kwosēevasi ra nūrū ĭgko.
35Mō metepū īrora dūosĭlĭgi ōvun bak en irōra, ĭm pah, muni en irora, mō mūmtetugi. 36Im Iēkob ĭtemen en irora yenūwi pun ōra memokū, Kūvī paroko‐yx ov nĭtūg, tawi Yōsef, ĭm tawi Sĭmion, ĭm kimi kumagkū worevī Benyomĭn: imo sū omwi sū tawi aremī nĭsekog.
37Im Rūben yenūwi pugi ĭtemen memokū, Nĭtni en dūrū enyx, nagkū ya otū ōmĭntōri iyi pug kĭk kontī iroran dūrū; ovo‐yx iyi, ĭm ya ōmĭntōri iyi pug kĭk. 38Miyi yōmenūwi memokū, Nĭtūg otū īyep dal‐e‐kĭmi, ĭt avĭnsī eni yimas, miyi wokon umante sīteven; nagkū iyi andigi nesorū ū selat mori kimi mavan‐wi, wontamūli noveliwos enyx ra vĭletenĭme gi norĭgumpūnū.
Currently Selected:
Kenesis 42: ERGOT
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society: Genesis in 1914, and Ruth in 1932.
