Kenesis 41
41
1Mō metepū penūri nevi en dūrū Fēro yemeviak; ĭm pah, 2yetūrū ra nĭntelep, ĭm pah, dūvelum dūmnē nĭntelep ōvun kūrimatx seven navsorok ĭm nūval; mirora dūmo?-?nĭn topavū. 3Im pah, dūmūr‐ōra ōvun kūrimatx seven mōmū marugi nĭntelep, mori nokesi sat ĭm nelug, mirora dūtūrū ra nokorĭnda mori ūntelĭgun nū ra nĭntelep. 4Mōvun kūrimatx nokesi sat ĭm nelug dūolaviakugi ōvun kūrimatx navsorok ĭm nūval; ĭm Fērō yilampe.
5Miyi yōmalēpō mō meviak, ĭm pah, novūan whit seven dūĭmsug marugi nelepon sīteven, fan ĭm aremi wokon. 6Im pah nōvuan seven mōmū nīip, ĭm nĭmetagi mori yĭmnē ūnūrū, yĭtnatati irora dūteli sah penūri irora. 7Mōv novūan seven nīip dūolaviagkugi nōvūan seven mori fan ves ĭm aremī; im Fērō yilampe, ĭm pah, nemeviak.
8Mō metepū prūbokom naviat eni yēōmpeli; miyi yĭmtamūli mō movrok‐onda nōīntanwi mōvun nūmpūn nelekon ra Ityĭpt; ĭm Fērō yenūwi pun ōra nemeviak eni: kō yetū sī faneteme worenūatokel‐ōra pugi Fērō.
9Miyi nivūo ōveteme torugat yenūwi pugi Fērō memokū, Ya kum manūwi magkū ugi sat enyx irē pen dan; Fērō yīmarakĭ pun ōra ōvun lĭvx eni mō metipe yx ūnesog nimō nugkugko, 10yx ĭm neteme woroworūm nobūm. 11Im ka kū meviak nemeviak pūmrok sīteven, yx miyi, ugi pe worenūatokeli ra ōvun nemeviak kam en dūrū. 12Yūi dal‐e‐kam sī neviarep Hibrū, mori lĭvsx eni nivūo en irora ōvun navles [eni Fērō], ĭm ka kūnūwi pugi miyi yenūatokeli pug kam ov nemeviak enugkam, ugi ov nemeviak enugkam. 13Mō metepū sūgku nam mori iyi yenūatokeli pug kam; yetipe yx ra nūrū enyx, mō malekiwan sī mōmū.
14Im Fērō yĭmtamūli worovrugi Yōsef; dutōri iyi ĭtnum marugi nokol nĭlebokevat; yĭmtandĭn mō mevīugi nemas sĭntevives, mō ĭmpe ūnesog pugi Fērō.
15Im Fērō yenūwi pugi Yōsef memokū, Ya okemeviak sī nemeviak ĭm tawi sī faneteme worenūatokeli pe; ĭm ya orĭgi nam ugi kĭk mokū, Kĭk emagkili ov nemeviak worenūatokeli. 16Im Yōsef yĭmtamsi pugi Fērō memokū, Tawi enyx, aremī Iehōva ontamsi pugi Fērō magkū tasiasyē.
17Im Fērō yōmenūwi pugi Yōsef memokū, Ya okomeviak, ĭm pah, ya otūrū telugon nū nĭntelep. 18Im pah, dūvelum marugi nĭntelep ōvun kūrimatx seven navsorok ĭm nūval, mirora dūonĭn topavū. 19Im pah, dumūr‐ōra ōvun kūrimatx seven mōmū nokesi sat ĭm nelug tamas, sugkū yx metōkesi ra nūrū sū Ityĭpt, nokesi sat tamas wokon. 20Mōvun kūrimatx nokesi sat ĭm nelug dūolaviakugi wokonda ōvun kūrimatx navsorok ĭm nūval. 21Dūolaviakugi wokonda, ĭm penūri tawi nokesi ves mōmū, kō nokesi sat tamas sugkū ra nōbūm; ĭm ya kum nelampe.
22Im ya okesi ugi nemeviak enyx, ĭm pah, ov novūan seven whit dūĭmsug marugi nelepon sīteven, fan ves ĭm aremī. 23Im pah, ov novūan seven, nĭip ĭm nakor, ĭm nĭmetagi ist yitnatati irora, dūteli sah penūri irora. 24Mov novūan seven nīip, dūolaviakūgi wokonda ov novūan seven aremī; ĭm ya okotampĭgi pun ōra ōvun nōĭntanwi, kō tawi sī onūatokeli po yx.
25Im Yōsef yenūwi pugi Fērō memokū, Oti sīteven nemeviak eni Fērō; Nōbū okosesi pugi Fērō imō mori iyi umagkū worumpi. 26Ovun kūrimatx seven nūval oti nevi sū seven; nemeviak sīteven. 27Mōvun kūrimatx seven nokesi sat ĭm nelug mori dūmūr‐ōra, oti nevi sū seven; mov novūan seven nīip mori nĭmetagi ist yitnatati irora oti nevi sū seven temas. 28Imō mori ya onūwi pugi Fērō magkū, Imō mori Nōbū umagkū worumpi iyi okesesi pugi Fērō.
29Pah, wampelum nevi sū seven, wanti nevag tamas wokon ra nūrū sū Ityĭpt. 30Wonūrōra nevi sū seven temas, wontavrĭvri ugi nevag tamas ra nūrū sū Ityĭpt, pe temas mori wontĭvavtĭti nemap. 31Im nevag tamas mori ūtūm nĭnteme ugi ra nemap, popowo ugi temas mori wonūr‐ōra, it pe mori onumpi nelĭleki iranda.
32Mĭt e pōwo ōrun‐nemeviak memokosi pe Fērō nĭmpugon dūrū, Nōbū umpi ūnam, miyi umagkū worumpi ĭtnum.
33Marima, aremĭ Fērō woresorugi sī neteme nōĭntanwi ĭm nelekon eni, mō mantipe iyi nivūo ra nūrū sū Ityĭpt. 34Aremĭ Fērō woretipe ōvun nivūo ra nemap woralekon sūkrĭm‐go sū ra nūrū sū Ityĭpt ra nevi sū seven wantepū nevag sikat. 35Aremi irora woralekon nevag omwi sū ra nevi sū aremī mori wampelum, mō mĭntavĭnepon nevag ra mumpon nokoben eni Fērō; maremī iroro wampī nevag ra mumpon ōvun tĭmne sū, 36iroro wontavĭnepom nĭsekon nemap, popōwo ugi nevi sū seven temas mori wanti ra nemap Ityĭpt; aremī woretūtĭvavtiti nemap ugi temas mori.
37Nam mori yeti aremī Fērō yĭmokū, mōvun lĭvsx sū eni dūmokū sugkū. 38Im Fērō yenūwi pun ōra ōvun lĭvsx eni memokū, Ka ke lagesi sī sugkū iyī kū? neteme mori ĭm naviat eni Nōbū ūnesog iyi. 39Im Fērō yōmenūwi pugi Yōsef memokū, Nōbū okosesi pug kĭk imō omwi sū, tawi sī mōmū nōĭntanwi ĭm numpūn nelekon sugkū kĭk. 40Kĭk nivūo ra nūsian ra mumpon nimō enyx; mōvun torugat enyx omui sū wosendĭuki ōvun nĭmpasewuigi sū enugkĭk; ran tan potnumpūtūo wokon ya ontantevakepe iram.
41Im Fērō yōmenūwi pugi Yōsef memokū, Okesi, ya otipe kĭk ra nūsian ra nūrū sū omwi sū Ityĭpt.
42Im Fērō yivī natorevam marugi nokoben eni mō mevī sep ra nokoben eni Yōsef, mō mevīugi iyi ugi ov nemas numposeti, mō metipe neveloon kōld ra nōwan eni. 43Miyi yumpi iyi mesuki tan nūrah woralō dūrūgī eni; mōveteme dūtorenūwi sah ra nĭpmi eni mūmokū, Usum?-?pūneterĭn; memokū woretipe iyi nūsian ra nūrū sū omwi sū Ityĭpt.
44Im Fērō yōmenūwi pugi Yōsef memokū, Yx Fērō, ĭm nagkū kĭk otūm numpasewugi tawi sī neteme onovkisah nokoben kū nōwon eni ra nūrū sū Ityĭpt. 45Im Fērō yotov nin eni Yōsef memokū, Safnat‐Paanēa; miyi yovugi iyi Asina woreti retepon eni, nĭtni eni Potefera, neteme sokowar ra On; ĭm Yōsef yĭmnavan ra nūrū sū Ityĭpt.
46Nevi sū turti iran Yōsef nĭmpugon iyi yĭmtūrū ūnĭpmi eni Fērō fan lō Ityĭpt; ĭm Yōsef yetūratumpeni ilat marugi nĭpmi eni Fērō, mō ĭmpe ra rūrū sū Ityĭpt. 47Im ra nevi sū seven aremī nemap yĭmīetumpūn tamas wokon.
48Miyi yĭmalekon sīmsĭmug inevag omwisū ra nevi sū seven mori ra nemap Ityĭpt, mōmĭntavĭnepon nevag mori ra mumpon ūntimne sū; nevag omwi sū ra netē nūrū sū nagkx‐wo konda sū iyi yĭmtavĭnepon ra mumpon irora sū mori. 49Im Yōsef yĭmalekon whit sugkū nariven ran tok tamas wokon, miyi yōwi woresepi popōwo pe sikat wokon.
50Yumprokomol eni Yōsef nĭtni en dūrū, nĭmpugon temas yetūvelum, mori Asina nĭtni eni Potifera, neteme sokowar ra On, yivī iran. 51Im Yōsef yatov nin eni ĭtnetemifi memokū, Manase: memokū, it iyi Nōbū yumpi yx woretavrĭvri ugi nagelx sū enyx, ĭm nimō eni ĭtemen‐e‐yx. 52Yatov nin eni dūrūgi memokū Ifrēĭm, memokū, Nōbū yumpi yx naloves ra nūrū ugi nasx enyx.
53Isūma nevi sū seven aremī ra nūrū Ityĭpt. 54Im nevi sū temas yivelum sugkū nam mori Yōsef yĭpmenūwi; temas yeti ra nūrū sū yūi; kō ra nūrū Ityĭpt yeti nevag. 55Dūtemas nūrū sū Ityĭpt, mov netevokontū sū dūovrugi Fērō ra nevag: ĭm Fērō yenūwi pun ōra ōveteme sū Ityĭpt memokū, Uve pugi Yōsef; wumpi sugkū iyi onĭmpasewug‐kūm.
56Yeti temas ran tan nemap sū; ĭm Yōsef yĭmtīpelah ōvun siman nevag omwi sū, mō mevasĭgi pun ōra ōveteme Ityĭpt: yeti temas tamas ra nūrū Ityĭpt. 57Im nūrū sū nūrū sū dūmūve Ityĭpt worevasĭgi pugi Yōsef, popōwo yeti temas tamas ra nūrū sū nūrū sū.
Currently Selected:
Kenesis 41: ERGOT
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society: Genesis in 1914, and Ruth in 1932.
