Fiilibbi 3
3
Luro lina litiny la dhuŋun dhina dhiŋir dhina dhaŋinu
1A gidon, limaguri lai, iŋiriyul dugore gi Kweleny. Dhuŋun dha dhule ŋida ibiŋa dhati dhiny kiye dhugore no, abi dhathajabrico nyaje kalo gina giŋir. 2Ethadhinul galo gi dhuŋun dha nyin, ethadhinul galo gi liji lina lathapai ŋida ŋina ŋike, ethadhinul galo gi liji lina lathurtini aŋina nono. 3Abi alŋa lina lurtedhinu liro lina lathorthadha Kaloŋa gi Dhigirim, athilare ŋamilai gi al Masiiẖ Yasuuⓐ, athathil urudhi kaŋinu no. 4Ada nyi gwimathi ara kaŋinu ko. Ada kwiji gwiter gwima ireye je galo darnu gwuthi dhuŋuna dha dhara kaŋinu, nyi gwuthi dhuŋuna ibidha dhoinyadhanu. 5Gi dhuŋun dhadhi uredhini, nyi gwuredhinu dina minyi uthi ŋwamun dubaŋ, nyi gwiro gwa liji la Israayiil, gi kwari gwa Banyaamiin, a gweta gwina gwiro ⓐibraani gi ⓐibraaniyiin; a gi dhuŋun dha naamuus, nyi gwiro Farriisi. 6A gi dhuŋun dha dhuminyi gwuleny dhuŋuna ibidha, nyirini kaniisa; a gi dhuŋun dhina dhiŋir dhina dhijo gi naamuus, athiny uthi lom no.
Buulus gwuminyu dilro gwetipo al Masiiẖ gwai
7Abi ŋidi ŋina ŋuthinyilo ŋina ŋuthi ŋoma ŋateyani ŋida galo ŋina ŋuthinyilo, ibiŋa peth ŋiminyil dhura darnu ŋiro tur gwan al Masiiẖ. 8Abi nyi gwadhura ŋida peth darnu ŋiro tur gwan dhuŋun dhina dhiŋir dha liŋa gwa al Masiiẖ Yasuuⓐ gwina gwiro Kweleny gwiny gwina gwiminy dhudhijo ŋida peth; a nyi gwarnu ŋidi ibiŋa peth ŋiro ŋirle diny teyani al Masiiẖuŋw galo, 9a nyi gwibujinu dugun, nyi gwati gwuthi dhuŋuna dhina dhiŋir i dhina dhijo gi naamuus no, abi dhina dhijo gi imaan gwina gwidhi di al Masiiẖ, dhuŋun dhina dhiŋir dhina dhijo di Kalo imaan gwai. 10Dinyi liŋa ŋeduŋw, a ŋoma ŋa dire dai gwuŋun, a aicaijiye gwa ŋwuredeny ŋwuŋun, dinyiro ŋinena ŋeda gi ai gwuŋun. 11Dinyi obani gi dire dai. 12Gwati gwiro ŋinena nyi gwimobani no, i nyi gwoma gwati gwiro didima no, abi nyi gwathela momaŋ diny mutha dhuŋuna ibidha dhina dhiminyidhai al Masiiẖ Yasuuⓐ mutha ko. 13Limega lai, nyi gwati gwarnu nyi gwimamutha dhuŋuna ibidha no, abi dhuŋun dheta dhina dhathiny apai, nyi gwadhudhani ganu ŋidi ŋina ŋiminyil gathana gidon, nyi dhiŋa gwidom gwiny gi ŋidi ibiŋe ŋina ŋo kwereny, 14nyi gwela momaŋ diny obani kalo gina gimirudhi dapai mukaafa gwa urnini gwina gwolalaŋ gwa Kalo gi al Masiiẖ Yasuuⓐ. 15A minoŋ, abricije peth lina limaro lurun gi dhuŋun dha Kalo aluthi fikr gwiro minoŋ, abi ada alŋa lati limuthi fikr gwiro minoŋ no, a Kalo gajaŋajo dhuŋuna ibidha ko. 16Abi dogo, dhina dhimal mutha, abricije anelila ganuun gai ibiga, alirijo dhuŋuna ibidha je galo.
Dhuŋun dhiŋir dhina dhuthi Buulus danagwuje
17Limega lai, gwujul dhuŋuna dhina dhapiny; aŋadhilo momaŋ lina lathigwuje dhuŋuna ibidha, gwiro ŋinena dhuŋun dhina dhigitinu danya gwuje.
Dhuwan dha lure lina limaliganu la al Masiiẖ
18(Abi loinyadho lathelila, gwiro ŋinena majinabiŋaijo ŋwamun ŋwoinyadho a nyi gwo gwabiŋaijaje ko ŋinena ŋwal ŋwai, darnu ŋediŋa liro dhuwan dha lure lina limaliganu la al Masiiẖ. 19A dhuŋun dhina dhimirudhi degen dhiro ai, a kalo gegen giro nyare nyegen, a majdh gwegen gwo gi dharo dhegen, lina lathirijo ŋida ŋa gidhila je galo.) 20Abi len lega lo gi Sama; lina lathildhunijo Mukhallis̱ ko, gwina gwiro Kweleny gwina gwan Yasuuⓐ al Masiiẖ. 21Gwina gwaji gwupeye aŋina yega ganu ina irujinu itiitiny gi dhuŋun dha Kalo, dilro ŋinena s̱uura gwa aŋinu yuŋun ina yuthi majdh, gi dhuŋun dha ŋoma ŋina ŋuthuŋwulo duŋwgeta ŋida peth ŋwora ganu ŋwuŋun.
Currently Selected:
Fiilibbi 3: HBN
Highlight
Copy
Compare
Share
Want to have your highlights saved across all your devices? Sign up or sign in
First published by the British and Foreign Bible Society in 1966.
