2 Kuurinthuus 6
6
1A minoŋ alŋa lapo ŋiro ŋeda ŋalai, aluthe galo dathil apo niⓐma gwa Kalo tur no. 2(Ŋinena aruŋwnu, Gi kaija gina giŋiradho nyi gwidiŋinaŋa, a gi lamun ladhi gilaŋ nyi gwigathajaŋa uwa. Aŋadhi, ŋinena kaija ibiga giro gina giŋiradho; aŋadhi, ŋinena lamun liro ladhi gilaŋ.) 3Athana geto miriŋadhuŋw gi ŋidi ŋeda no, dathi ŋiro ŋuri uthi dhara ganu no. 4Abi gi ŋidi peth alaŋiye lidom lega liro ŋinena jadham ja Kalo, mutha gwai dugore gwoinyadho gwuleny, a gi dhuŋun dhina dhibur, a gi dhuŋun dhina dhiro daruri, a gi dhuŋun dhina dhathiji urejo galo dhina dhathapa ŋwuredenya, 5gi pini, a gi sijn, a gi dhuŋun dhina dhilagudhinu ganu, a gi ŋiro ŋina ŋibur, a gi dhuŋun dhadhi jalo je jai, a gi dhuŋun dhadhi jalo jamu; 6jure gwai, a liŋa gwai, a mutha gwai dugore, a ŋimiri ŋai, a Dhigirim dhai dhina Dhiŋir, a uminyi gwai gwina gwiro titiganu, 7dhuŋun dhai dhina dhiro titiganu, a ŋoma ŋai ŋa Kalo, a ŋidi ŋai ŋa ŋoŋor ŋa dhuŋun dhina dhiŋir gi dhoi dhina dhiro dhiŋir a gi dhoi dhina dhiro dhour, 8a majdh gwai a gi dhuŋun dhina dhati dhuthi majdh no, a gi shahaada gwina gwiŋir a gi shahaada gwina gwati gwiŋir no. Alro ŋinena lina lathukinejo lijo ganu, albiro lina luthi dhuŋuna dhina dhiro titiganu; 9alro ŋinena lina lati liliŋinu momaŋ no, albi liŋini momaŋ; alro ŋinena lina laio, abi aŋadhi, anaŋa lo limidho; alro ŋinena lina lipinu, athilbi rinyinu no; 10alro ŋinena lina lijalo like dugore, abi anaŋa lathiŋir dugore ŋwamun peth; alro ŋinena lina lati luthi ŋida no, abi alŋa lathidhedha lijo loinyadho ŋida ŋoinyadho; alro ŋinena lina lati luthi ŋida no, abi alŋa luthi ŋida peth.
Bupe gwa uminyi gwa liji lina limurle dugore galo degen gi ŋidi ŋina ŋike
11Ŋwinyu ŋwuri ŋwiginu ŋwan nyaŋa, liji lai la Kuurinthuus, a dugor duri duthi ŋimira ganu ŋoinyadho ŋan nyaŋa. 12Kalo gati gamiratho daguri ganu gwan nyaŋa no, abi gamiratho dagalo gwan anaŋa. 13Abi gi dhuŋun dhadhi wurini ŋida, (nyi gwabiŋu gwiro ŋinena nyin abiŋaijo keleŋa giny,) ruiyul nyaŋa ko limiri gi dugor ganu dalo.
Ola gwan aicaijiye liduŋw liji lai lina lati luminyu no
14Athanya jo gi loka ganu liji lai lina lati luminyu no. Dhuŋun dhina dhiŋir dhathil lagadhe ganu dhuŋun dhai dhina dhike a? I fure gwathil aicaijiye girim gai a? 15Abi aicaijiye liduŋw gwaro dhaŋ gwina gwa al Masiiẖŋa uthi Baayil gwai, i abi akwai dhuŋun dha kwiji gwina gwuminyu dilaicaijiye dhuŋun dhai dha kwiji gwina gwati gwuminyu no. 16I aŋ gwaro uminyajiye gwa hekal gwa Kalo ŋwoboŋ ŋwai, ŋinena ranya hekal gwa Kalo gina gimidho; gwiro ŋinena arna Kalo nu, Nyi gwathi gwaje degen ganu, a nyelila galo degen ganu; a nyiro Kalo gegen, a ŋediŋa laro liji liny. 17A minoŋ tuiyul degen ganu, nyaro ter, Kweleny gwarna, athanya minu ŋida ŋina ŋiro ŋirle no; a nyi gwajuminyi, 18a nyi gwaro Babo gwalo, a nyaŋa laro keleŋa giny gina giro loma a gina giro nyera, Kweleny gwarna gwina gwuthi ŋoma ŋidi alaŋ peth.
Currently Selected:
2 Kuurinthuus 6: HBN
Highlight
Copy
Compare
Share
Want to have your highlights saved across all your devices? Sign up or sign in
First published by the British and Foreign Bible Society in 1966.
