PSALMEN Bindu 23
Bindu 23
Jahowa Siparmahan Ahu
1Psalm ni si Daud.
Jahowa do siparmahan ahu,
seng anjai hurangan ahu. (Hes. 34:11; 1 Mus. 48:15; 49:24; Jes. 40:11; Hes. 34:13, 37; Mik. 7:14; Joh 10:1-8)
2Ipatudu do ahu bani sampalan na mombur,
anjaha itogu-togu do ahu hu bah parsaranan. (Hes. 34:14, 15; Pangk. 7:17)
3Ipahisar do tonduyhu,
itogu do ahu bani dalan hapintoron
halani goran-Ni in. (Ps. 31:4; Jer. 31:25)
4Age pe mardalan ahu bani lombang bagas ni hagolapan,
seng mabiar ahu,
ai Ham do mangkasomani ahu;
tungkot-Mu pakon simambu-Mu do na mangapohi ahu. (Ps. 46:3; Job 10:21, 22; Mik. 7:14)
5Ham do na mangidangi ahu i lobei ni munsuhku,
iminaki Ham do ulungku anjaha sirnib do panginumanku. (Ps. 36:9; 92:11; Job 36:6; Jes. 21:5; Luk 7:46)
6Dear layak ampa idop ni uhur do mangirik-irik ahu sadokah goluhku;
janah sihol do marianan ahu i rumah ni Jahowa sadokah ni dokahni. (Ps. 27:4; 15:1; 84:4, 5; Joh 8:35)
Currently Selected:
PSALMEN Bindu 23: BTS
Highlight
Share
Copy
Want to have your highlights saved across all your devices? Sign up or sign in
Bibel, Simalungun Bible (revised ed.) © Indonesian Bible Society, 2007.