JESAYA Bindu 12
Bindu 12
Doding Puji-pujian ni Halak na dob Maluah
1Anjaha hatahononmu ma bani ari ai,
“Sihol do pujionku Ham ale Jahowa,
ai dob igilai Ham ahu,
surut do ringis-Mu
anjaha iapohi Ham do ahu.
2 Tonggor ma, Naibata do haluahon bangku,
tenger do uhurhu anjaha seng mabiar ahu;
ai Tuhan Jahowa do gogohku pakon dodingku,
anjaha Ia do gabe hatuahon bangku. (2 Mus. 15:2; Ps. 56:5; 118:14)
3 Jadi marmalas ni uhur ma nasiam manahui bah
humbani bah tubuh haluahon. (Ps. 46:5; Sak. 13:1; Joh 7:37)
4Hatahon nasiam ma bani ari ai,
ʻPuji ma Jahowa, dilo ma goran-Ni,
patugah nasiam ma pambahenan-Ni i tongah-tongah ni bangsa-bangsa,
ingat nasiam ma,
timbul do goran-Ni tongon.ʼ (1 Kron 16:8; Ps. 105:1; 125:1)
5Mandoding ma nasiam bani Jahowa, ai banggal do na binahen-Ni;
sai tarbarita ma on i sab tanoh on.
6Marsurak anjaha marolob-olob ma nasiam na marianan i Sion,
ai banggal do i tongah-tongah nasiam Na Pansing ni Israel.”
Currently Selected:
JESAYA Bindu 12: BTS
Highlight
Share
Copy
Want to have your highlights saved across all your devices? Sign up or sign in
Bibel, Simalungun Bible (revised ed.) © Indonesian Bible Society, 2007.