Pfong Ka̱za 4
4
Ba kok Ka̱za ntong Tazwa
1Wwon n bo n dyi ka̱bvwa Tazwa ka ka yrang.
Diwan ti n ka̱n hok ti swat di digba iya ni ti hywa da̱ nzuk, “Wrak ba kyi, n na̱ tyyei nkyang a ni ba riryim ka ni.” 2Bu i ka̱baram Tswa Ka̱za ji n kwwat n dyi ka̱yat Tazwa ka ka̱bvwa a̱ntwam dityok ka, a̱yanyet na̱n swat. 3A̱ssi nu na na ya a̱ssi di kpang jaspa bu karniliyan. Brak ma̱gajimale a̱ tyong a̱ krang a̱ntwam u a̱ ryi di emeral ni. 4Tyong krang a̱ntwam dityok u ba̱ntwam nswak nhwa bu ba̱naai ban swat bu ba̱jijyat ba̱tro. Sa̱rei mba koyan a̱ byyi rawoni zinariya diccu nu. 5Na̱krong nza bu tssak nza wwut nyyai a̱za̱ a̱ntwam u. A̱ta̱ssi a̱ntwam ka fitila ba̱ nji a̱tiyring zin shyi ya; nji yet Tswa Ka̱za a̱tiyring ji. 6A̱ta̱ssi a̱ntwam ka kyang yin shyi tai bu kei ba̱shekwot ti yet ma̱dubi ni ba̱zizrak, a̱ ya a̱ssi ni di ditaat ni.
A̱wwon kozan a̱za̱gbang a̱ntwam u nkyang nzaan ba̱ na naai yin shyi, i byyi sso. Na byyi a̱ssi koke a̱ta̱ssi bu a̱maryim. 7Kyang sso ka̱tsitsrang a yin tai bu zaki, a̱mba̱hwa nu a̱ tai ka̱won nyak, a̱mba̱tat u a̱ byyi a̱ssi a̱neywu, a̱mba̱naai u a̱ tai ba̱ a̱godo nu a̱ shyi i hwwut i. 8Sa̱rei mba ba̱ mba ba̱naai koyan a̱ byyi nhweyak a̱kitat, a̱ si bo byyi a̱ssi a̱ tyak rwam a. Ba shyi a bvom ka̱ta̱nom bu ka̱ta̱tuk a̱ yya:
“A̱zizrak, a̱zizrak, a̱zizrak, A̱gwam Ka̱za A̱ntyok Cet.
Nwan n shyi nyyai ndoson bi tat ba̱nyying har bu nat a̱zanson.”
9Nkyang sso naai iya i wwat Ka̱za shii, dyep bu gwai, kankani a̱ swat a a̱ntwam dityok u ni. Nka a̱mi a̱ sso har a̱ba̱da abadin. Kozan ka̱ram ka ban shyi yya na a̱mi ni 10ba̱nekwo ba ba̱ mba nswak nhwa ba̱ naai a̱ kwei ka̱byen a̱ kok a̱ntyok swat a̱ntwam dityok u ntong, a̱ byyi sso wi tyyai. A krok nrawoni mba na a̱ta̱ssi nu ka a̱ hywa,
11“Nwan yet A̱gwam njit i bu yet Ka̱za njit. A maai san shii, a̱didyep bu cet sa̱rei,
rot nwan krok kozan nkyang,
kuma cat nwan a̱mi ban shyi a̱ bo sso.”
Currently Selected:
Pfong Ka̱za 4: kaj
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
