Galati 2
2
Bulut bu ba̱pfong Yesu ba̱yaan
1A̱rya swak ba̱ naai na bo bu yya n brek nat Urushalima bu Barnabat, n bo shyi bu Titut. 2N yi nat rot Ka̱za a̱mi a̱ yi n tyyei di n nat. I ka̱batung zi si tung i nrang bu ba̱nyet ba a̱ yin tai yet ba̱cecet ba ni n ba̱ kok Ka̱sham Ba̱ryat ka n tyyei kpikpit nwap a mi ni. N yin cat pfong a n ka̱n yya ni bu nying na n yin shyi i yya na ni ku kpa ba. 3Titut a̱ntyok ka̱cyet nzuk u ma a̱ yin yet a̱ntyok Helenawa, ma a̱yin a̱ ku gwwak ba ku tyyi ncen ba. 4Ma ba̱yanyet a̱ yin shyi a̱ ya yei ba̱wumbeyang zi diraa, a̱ hywa di se ba ku tyyi ncen. Ma ba yin shyi ba̱ njit di ka̱ryong ba, ba yin bang a̱ bu nwa a̱mi a̱ ga ryi taka̱i ka̱cyet njit a bu Yesu Kristi. Ba yin cat a̱ ryi ka̱sak ka zin wruk i dikwwa Truwang ti ni, ba ga za brek a̱n tyyi i dikwwa ti. 5Ma njit zi ba̱ shim mi ba, ko ba̱cincong, rot zi gi ya breng ka̱ryong Ka̱sham Ba̱ryat ka.
6Ma mba ba̱nyet ba a̱ yin tai yet ba̱cecet ba ni -- (n hywa a̱mi rot kyang a ba yet ni kun shei kyang da̱ nzuk ba, Ka̱za a̱ yya shirya nka a a̱ssi ba) -- mba ba̱cecet iya a̱ yi n tyyei a̱hwai nkyang ba. 7Ba sook-sook Ka̱za a̱ n tssa n yya kpikpit nwap a wa'azi, da̱ni di kan tssa Bitut na̱ yya ba̱nyet Yahuda na mi ni. 8Rot Ka̱za ka a̱ yin shyi i yya pfong ka̱yat pfong Bitut ka a̱ yin yet a̱pfong Yesu di ba̱nyet Yahuda ni, a̱ ma̱ yin shyi i yya pfong ka̱yat pfong nzuk u n yet a̱pfong di nwap nzaan ni. 9Yakubu bu Bitut bu Yohana, mba a̱mi a̱ yet ba̱cecet ba ba pfong ansham mba ni, to, ba shim pfong ani a̱mi Ka̱za ka ni n yei. Rot a̱mi ba sswa bvak ba̱ nzuk bu Barnabat. Ba shim zi nat di nwap nzaan, ma mba ba yya di ba̱nyet Yahuda na. 10Bu kyang yring ba yin hywa, di zi ryok bring ba̱nyet dizot ba a̱ shyi ba̱ mba ni ba. Nzuk da ma nkpa n yin cat yya na.
Bulut a̱ kam Bitut ka̱yat Antiyok
11Ka̱ram ka Bitut na̱n ba Antiyok ni, n bu ku yrek ka̱yat ba̱nyet rot a̱ yin nwa ka̱ywap. 12Ba̱nyet ba Yakubu na̱ yin tom ni ba ka̱n ba ba, Bitut na̱ ya bu nwap a; ba bu nwa, na̱ jik a̱ sseng a̱za̱gbang a̱yring, rot a̱ yin pfong ka̱wun ba̱nyet ka a̱ yin sseng di kpikpit nwap a i tyei ncen na ni. 13Kpikpit ba̱nyet tssup a a̱ yin yet ba̱nyet Yahuda na ni a̱ ma̱ yin nwa pfong nsum bu ka̱wun, Barnabat ma a̱ brak a̱ nwa ba̱ mba. 14Ka̱ram ka n nin dyi ba kwan a̱ wwon ryen ka̱ryong Ka̱sham Ba̱ryat a ni, n hywa di Bitut a̱ta̱ssi mba sa̱rei, “N bvwo a yet a̱ntyok ba̱nyet Yahuda, ma a yya da̱ a̱kang nwap ni, nwan ba yya ni n gwwak nwap nzaan na ba brak a̱ yya di ba̱nyet Yahuda ni?”
Ka̱sham Ba̱ryat ka Bulut na̱ tyyei ni
15Ka̱ryong a̱mi zi yet byin ba̱nyet Yahuda, ba zi yet a̱ka̱tuk nwap nzaan ba. 16Ma zi bvwo a̱yin a̱ ni myim Ka̱za ba, se a̱ wrak Yesu rya nu na ba di tssup Truwang Musa ba. Njit meyang zi ka̱n san Yesu Kristi i ku ryi ndya njit a i gi myim Ka̱za, ma ba di i tssup Truwang Musa ba. Rot a̱yin a̱n shya myim Ka̱za i tssup Truwang Musa ba. 17Ki kwan myim Ka̱za njit a nkpa yet bu wrak Yesu Kristi ndya njit a, ba si za shya zi bu swat ni di nwap nzaan na a̱ byyan Truwang ni, to ku ni ryi anye Yesu a̱ ba a̱ ga bu myim a̱ka̱tukyya a? A̱mi ba! 18Rot ki n nok Truwang ji brak, nji ni n ka̱n hywa di zi bun tyyi n myim Ka̱za ba, n si bo tyyi a̱ntyok byyan Truwang yemi brak. 19Rot n bvwo Truwang ji n hywat ka̱ram ka n nin kwan za̱ tssup a ni. Rot a̱mi n wwon Truwang ji n ga maai n swat bu Ka̱za n bo ka̱ myim. 20Ba yi n ka̱teyang bu Kristi. Rot a̱mi nzuk a̱mi n sso naani ba, Kristi a̱mi a̱ yet sso nzuk ji. Sucet a n swat naani ka̱yat rwam ni n swat rot n nin tyyi rya di Ka̱won Ka̱za ka a̱ n cat ni a̱ si bo kwu a̱ ga n san. 21N wwon a̱liheri Ka̱za nu ba. Rot ki a̱yin a̱ ni maai a̱ tssup Truwang a̱ ga myim Ka̱za, to, dikwu Yesu ti nat ba̱nza.
Currently Selected:
Galati 2: kaj
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
Galati 2
2
Bulut bu ba̱pfong Yesu ba̱yaan
1A̱rya swak ba̱ naai na bo bu yya n brek nat Urushalima bu Barnabat, n bo shyi bu Titut. 2N yi nat rot Ka̱za a̱mi a̱ yi n tyyei di n nat. I ka̱batung zi si tung i nrang bu ba̱nyet ba a̱ yin tai yet ba̱cecet ba ni n ba̱ kok Ka̱sham Ba̱ryat ka n tyyei kpikpit nwap a mi ni. N yin cat pfong a n ka̱n yya ni bu nying na n yin shyi i yya na ni ku kpa ba. 3Titut a̱ntyok ka̱cyet nzuk u ma a̱ yin yet a̱ntyok Helenawa, ma a̱yin a̱ ku gwwak ba ku tyyi ncen ba. 4Ma ba̱yanyet a̱ yin shyi a̱ ya yei ba̱wumbeyang zi diraa, a̱ hywa di se ba ku tyyi ncen. Ma ba yin shyi ba̱ njit di ka̱ryong ba, ba yin bang a̱ bu nwa a̱mi a̱ ga ryi taka̱i ka̱cyet njit a bu Yesu Kristi. Ba yin cat a̱ ryi ka̱sak ka zin wruk i dikwwa Truwang ti ni, ba ga za brek a̱n tyyi i dikwwa ti. 5Ma njit zi ba̱ shim mi ba, ko ba̱cincong, rot zi gi ya breng ka̱ryong Ka̱sham Ba̱ryat ka.
6Ma mba ba̱nyet ba a̱ yin tai yet ba̱cecet ba ni -- (n hywa a̱mi rot kyang a ba yet ni kun shei kyang da̱ nzuk ba, Ka̱za a̱ yya shirya nka a a̱ssi ba) -- mba ba̱cecet iya a̱ yi n tyyei a̱hwai nkyang ba. 7Ba sook-sook Ka̱za a̱ n tssa n yya kpikpit nwap a wa'azi, da̱ni di kan tssa Bitut na̱ yya ba̱nyet Yahuda na mi ni. 8Rot Ka̱za ka a̱ yin shyi i yya pfong ka̱yat pfong Bitut ka a̱ yin yet a̱pfong Yesu di ba̱nyet Yahuda ni, a̱ ma̱ yin shyi i yya pfong ka̱yat pfong nzuk u n yet a̱pfong di nwap nzaan ni. 9Yakubu bu Bitut bu Yohana, mba a̱mi a̱ yet ba̱cecet ba ba pfong ansham mba ni, to, ba shim pfong ani a̱mi Ka̱za ka ni n yei. Rot a̱mi ba sswa bvak ba̱ nzuk bu Barnabat. Ba shim zi nat di nwap nzaan, ma mba ba yya di ba̱nyet Yahuda na. 10Bu kyang yring ba yin hywa, di zi ryok bring ba̱nyet dizot ba a̱ shyi ba̱ mba ni ba. Nzuk da ma nkpa n yin cat yya na.
Bulut a̱ kam Bitut ka̱yat Antiyok
11Ka̱ram ka Bitut na̱n ba Antiyok ni, n bu ku yrek ka̱yat ba̱nyet rot a̱ yin nwa ka̱ywap. 12Ba̱nyet ba Yakubu na̱ yin tom ni ba ka̱n ba ba, Bitut na̱ ya bu nwap a; ba bu nwa, na̱ jik a̱ sseng a̱za̱gbang a̱yring, rot a̱ yin pfong ka̱wun ba̱nyet ka a̱ yin sseng di kpikpit nwap a i tyei ncen na ni. 13Kpikpit ba̱nyet tssup a a̱ yin yet ba̱nyet Yahuda na ni a̱ ma̱ yin nwa pfong nsum bu ka̱wun, Barnabat ma a̱ brak a̱ nwa ba̱ mba. 14Ka̱ram ka n nin dyi ba kwan a̱ wwon ryen ka̱ryong Ka̱sham Ba̱ryat a ni, n hywa di Bitut a̱ta̱ssi mba sa̱rei, “N bvwo a yet a̱ntyok ba̱nyet Yahuda, ma a yya da̱ a̱kang nwap ni, nwan ba yya ni n gwwak nwap nzaan na ba brak a̱ yya di ba̱nyet Yahuda ni?”
Ka̱sham Ba̱ryat ka Bulut na̱ tyyei ni
15Ka̱ryong a̱mi zi yet byin ba̱nyet Yahuda, ba zi yet a̱ka̱tuk nwap nzaan ba. 16Ma zi bvwo a̱yin a̱ ni myim Ka̱za ba, se a̱ wrak Yesu rya nu na ba di tssup Truwang Musa ba. Njit meyang zi ka̱n san Yesu Kristi i ku ryi ndya njit a i gi myim Ka̱za, ma ba di i tssup Truwang Musa ba. Rot a̱yin a̱n shya myim Ka̱za i tssup Truwang Musa ba. 17Ki kwan myim Ka̱za njit a nkpa yet bu wrak Yesu Kristi ndya njit a, ba si za shya zi bu swat ni di nwap nzaan na a̱ byyan Truwang ni, to ku ni ryi anye Yesu a̱ ba a̱ ga bu myim a̱ka̱tukyya a? A̱mi ba! 18Rot ki n nok Truwang ji brak, nji ni n ka̱n hywa di zi bun tyyi n myim Ka̱za ba, n si bo tyyi a̱ntyok byyan Truwang yemi brak. 19Rot n bvwo Truwang ji n hywat ka̱ram ka n nin kwan za̱ tssup a ni. Rot a̱mi n wwon Truwang ji n ga maai n swat bu Ka̱za n bo ka̱ myim. 20Ba yi n ka̱teyang bu Kristi. Rot a̱mi nzuk a̱mi n sso naani ba, Kristi a̱mi a̱ yet sso nzuk ji. Sucet a n swat naani ka̱yat rwam ni n swat rot n nin tyyi rya di Ka̱won Ka̱za ka a̱ n cat ni a̱ si bo kwu a̱ ga n san. 21N wwon a̱liheri Ka̱za nu ba. Rot ki a̱yin a̱ ni maai a̱ tssup Truwang a̱ ga myim Ka̱za, to, dikwu Yesu ti nat ba̱nza.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.