Galati 3
3
Truwang ji bu ntyyi rya
1Ba̱bvwon Galati, a̱nyan a̱ ka̱n bu ya yya nkut a? A a̱ssi nyin n ya kok i ba̱zizrak taka̱i dikwu na Yesu na̱ yin kwu tazwa ka̱teyang ka ni. 2Bu kyang yring n cat yi n tyyei: Yi yin san Tswa Ka̱za ji i tssup Truwang e? Ki yi yin hok Ka̱sham Ba̱ryat ka a̱mi i san? 3To, a̱nzan a̱ ya ba di bvwon ani? Yi yin soma di Tswa Ka̱za, nyin ba cat tyak ka̱yat rwam o? 4Wato ka̱bvung ka yi yin sswa ni a̱ nat ba̱nza, ka̱ni? Ki ka nat ba̱nza ooo? N bvwo ba. 5Yi hwa di nkyang ka̱hat na Ka̱za ka yin ya ryi yi yya ni bu Tswa nka ji ka yin ya ryi ni yin nyyai i tssup Truwang a̱mi e? Ko kuwa san na yi san Ba̱ryat ba yi hok ni?
6Ku ryi di kyang a ba̱ryat Ka̱za ba ba yin hywa tazwa Ibrahim ka ni, “A̱ yin wrak Ka̱za rya nu, Ka̱za a̱ ma̱n ku san meyang na̱ ka̱ myim.” 7Se yi bvwo ansham, ba̱nyet ba a̱ wrak Ka̱za ndya mba na ni, mba a̱mi a̱ yet na̱mbvon ka̱ryong Ibrahim a. 8Ba̱ryat Ka̱za ba a̱ yin dyi a̱wwon ka̱sak ka Ka̱za ka nin san kpikpit nwap a a̱ wrak ka̱ryong ni ba ka̱ myim. Nkpa nbyyi ba yin tason a̱ yya wa'azi Ka̱sham Ba̱ryat u a̱ hywa di Ibrahim, “A nwan a̱mi kpit ba̱nyet ka̱sa na ba nin shya ka̱nu-a̱tan Ka̱za.” 9Ibrahim a̱ yin wrak rya nu na a̱ shya ka̱nu-a̱tan nu. Nyin ba̱nyet ba ku tssup ni yi ma̱n ni shya ka̱nu-a̱tan a̱ywu da̱ nu ni.
10Ka̱za a̱ shyi ba̱nyet ba a̱ swat a̱ hyong Truwang ji ni. A̱mi ba̱ryat Ka̱za ba ban hywa: “A̱yin nu a̱ swat a̱ ya ka̱son i tssup kozan kyang a ba jem ka̱yat Truwang ji ni ba, Ka̱za a̱ ni ku shyi.” 11Zi ryi a̱yin nu a̱ ni myim Ka̱za ni ba ho a̱ tssup Truwang ji, rot ba̱ryat Ka̱za ba a̱ hywa, “Ba̱ a̱yin nu a̱ ni myim Ka̱za ho a̱ ntyyi rya ni, nu a̱ ni kaat.” 12Ma Truwang ji i swat i tyyi rya ba, rot ba̱ryat Ka̱za ba a̱ hywa, “A̱yin nu a̱ tssup kyang a kozan kyang a Truwang ji zi hywa ni, Truwang ji ni ku san.”
13Ma Kristi a̱ ka̱n za tun a̱ san a shishyi iya Truwang ji zi cong i ni, a̱ sook shishyi iya a̱ ya cot i, da̱ni di ba̱ryat Ka̱za ba ban hywa ni, “A̱yin nu ba ryak a̱zi ka̱kon ni a̱ nwa shishyi Ka̱za.” 14Ma Yesu a̱ yya a̱mi a̱ ga yet ryen na ka̱nu-a̱tan nu Ka̱za ka yin dyat a̱wwon bu Ibrahim ni a̱ ga shya bu tat di kpikpit nwap a, njit meyang ba̱nyet ba a̱ ma̱n tyyi rya ni zi si ma̱ shya san Tswa ji Ka̱za ka yin dyat a̱wwon a̱ ni wrak ni.
Truwang ji bu rop-wwon
15Ba̱wumbeyang, yi ryok n ba bu kyang a zi cyang kozan ka̱tuk ni. Ki ba̱nyet ba̱hwa a̱ rop a̱ ni yya kyang a̱n tyyi bvak, a̱yin a mba a̱ bo byyi nshei kyang ka̱yat ba. 16A̱mi Ka̱za ka yin dyat a̱wwon bu Ibrahim bu ka̱mbvon nu ka. Ba̱ryat Ka̱za ba a̱ yei ‘na̱mbvon’ ba ma ‘ka̱mbvon’, a̱tuba a̱yring a̱ yemi, nu a̱mi a̱ yet Yesu Kristi. 17Kyang a n dyat ni nkpa yet: Ka̱za a̱ yin wrak rop-wwon nu a̱rya cyi nyaai bu swak tat a̱ si wa bvwa a̱ wrak Truwang Musa ji. Truwang ji yin tun kyang a Ka̱za ka yin dop a̱ sak a̱ ni wrak ni a̱ jing ba. 18Rot ki kyang a Ka̱za ka yin wrak ni yin yet nying Truwang a̱mi, to, ku bu tssup kyang a Ka̱za ka ka̱n dyat a̱wwon ni ba. Ma Ka̱za, ka̱yat a̱liheri nka, ka wrak Ibrahim ta ka̱rek kyang a ka ka̱n dyat a̱wwon ni.
19To a̱nzan a̱ yet a̱nying Truwang nu? Ka̱za a̱ cat tyyei a̱za̱kpai a̱ka̱tukyya ba̱nyet u si tat ka̱ram ka ka̱mbvon Ibrahim ka ka nin ba ni, rot nu a̱mi ba yin dyat a̱ ku sak i. Ka̱za a̱ yin wrak ba̱pfong nka Truwang ji, ba wrak Musa, na̱ wrak ba̱nyet ba. 20Ma a̱dat a̱ na yet ba̱nying a̱neyring ba, ma Ka̱za a̱ yet ka̱yring.
Kyang a Truwang ji zi yet i
21To ku ni ryi di Truwang ji ya sseng i bu nkyang a Ka̱za ka yin dyat a̱wwon ni e? Kaai, ko ba̱cincong! N da nhywa di truwang maai wrak a̱yin sucet, se ba̱nyet a̱ ni myim Ka̱za i tssup truwang ji. 22Ma ba̱ryat Ka̱za a̱ tyyei di a̱ka̱tukyya a̱ sswa cet ka̱sa na, ba̱nyet ba a̱n tyyi rya i Yesu Kristi ni a̱ ga shya san a̱liheri nu Ka̱za ka yin dyat a̱wwon ni.
23Ma nyyai ka̱ram ka ba ka̱n za ba di ba̱ryat tyyi ndya ba ni ba, Truwang ji za rop tyyi di ba̱nyet a̱jaru ni, se ka̱ram ka ntyyi rya ku bun ba bu za yrang ni. 24Truwang ji yi yen za cam a̱mi bai ka̱ram bai Yesu Kristi, zi gi bu shya wrak ndya njit i gi myim Ka̱za. 25Naani ka̱ram tyyi ndya ka kan ba ni, Truwang ji bu za cam ba.
26Ntyyi ndya na di Yesu a̱mi nbyyi sa̱rei nyin yin yet na̱won Ka̱za na. 27Baptisma nu ba yin ya yya mi ni a̱ yin ya mon bu Yesu; rot a̱mi kozan kyang nyin ni ryi di Yesu. 28Rot a̱mi di ba̱nyet Yahuda di kpit nwap nzaan na swat a̱ccu mba, di ba̱ntyok di ba̱nyring, zi yet bu kyang yring ka̱yat Yesu Kristi. 29Ki yi yet ba̱nying Yesu, to, nyin yet na̱mbvon Ibrahim a, kuma nyin a̱mi ni san digado ti Ka̱za ka yin dyat a̱wwon ni.
Currently Selected:
Galati 3: kaj
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
Galati 3
3
Truwang ji bu ntyyi rya
1Ba̱bvwon Galati, a̱nyan a̱ ka̱n bu ya yya nkut a? A a̱ssi nyin n ya kok i ba̱zizrak taka̱i dikwu na Yesu na̱ yin kwu tazwa ka̱teyang ka ni. 2Bu kyang yring n cat yi n tyyei: Yi yin san Tswa Ka̱za ji i tssup Truwang e? Ki yi yin hok Ka̱sham Ba̱ryat ka a̱mi i san? 3To, a̱nzan a̱ ya ba di bvwon ani? Yi yin soma di Tswa Ka̱za, nyin ba cat tyak ka̱yat rwam o? 4Wato ka̱bvung ka yi yin sswa ni a̱ nat ba̱nza, ka̱ni? Ki ka nat ba̱nza ooo? N bvwo ba. 5Yi hwa di nkyang ka̱hat na Ka̱za ka yin ya ryi yi yya ni bu Tswa nka ji ka yin ya ryi ni yin nyyai i tssup Truwang a̱mi e? Ko kuwa san na yi san Ba̱ryat ba yi hok ni?
6Ku ryi di kyang a ba̱ryat Ka̱za ba ba yin hywa tazwa Ibrahim ka ni, “A̱ yin wrak Ka̱za rya nu, Ka̱za a̱ ma̱n ku san meyang na̱ ka̱ myim.” 7Se yi bvwo ansham, ba̱nyet ba a̱ wrak Ka̱za ndya mba na ni, mba a̱mi a̱ yet na̱mbvon ka̱ryong Ibrahim a. 8Ba̱ryat Ka̱za ba a̱ yin dyi a̱wwon ka̱sak ka Ka̱za ka nin san kpikpit nwap a a̱ wrak ka̱ryong ni ba ka̱ myim. Nkpa nbyyi ba yin tason a̱ yya wa'azi Ka̱sham Ba̱ryat u a̱ hywa di Ibrahim, “A nwan a̱mi kpit ba̱nyet ka̱sa na ba nin shya ka̱nu-a̱tan Ka̱za.” 9Ibrahim a̱ yin wrak rya nu na a̱ shya ka̱nu-a̱tan nu. Nyin ba̱nyet ba ku tssup ni yi ma̱n ni shya ka̱nu-a̱tan a̱ywu da̱ nu ni.
10Ka̱za a̱ shyi ba̱nyet ba a̱ swat a̱ hyong Truwang ji ni. A̱mi ba̱ryat Ka̱za ba ban hywa: “A̱yin nu a̱ swat a̱ ya ka̱son i tssup kozan kyang a ba jem ka̱yat Truwang ji ni ba, Ka̱za a̱ ni ku shyi.” 11Zi ryi a̱yin nu a̱ ni myim Ka̱za ni ba ho a̱ tssup Truwang ji, rot ba̱ryat Ka̱za ba a̱ hywa, “Ba̱ a̱yin nu a̱ ni myim Ka̱za ho a̱ ntyyi rya ni, nu a̱ ni kaat.” 12Ma Truwang ji i swat i tyyi rya ba, rot ba̱ryat Ka̱za ba a̱ hywa, “A̱yin nu a̱ tssup kyang a kozan kyang a Truwang ji zi hywa ni, Truwang ji ni ku san.”
13Ma Kristi a̱ ka̱n za tun a̱ san a shishyi iya Truwang ji zi cong i ni, a̱ sook shishyi iya a̱ ya cot i, da̱ni di ba̱ryat Ka̱za ba ban hywa ni, “A̱yin nu ba ryak a̱zi ka̱kon ni a̱ nwa shishyi Ka̱za.” 14Ma Yesu a̱ yya a̱mi a̱ ga yet ryen na ka̱nu-a̱tan nu Ka̱za ka yin dyat a̱wwon bu Ibrahim ni a̱ ga shya bu tat di kpikpit nwap a, njit meyang ba̱nyet ba a̱ ma̱n tyyi rya ni zi si ma̱ shya san Tswa ji Ka̱za ka yin dyat a̱wwon a̱ ni wrak ni.
Truwang ji bu rop-wwon
15Ba̱wumbeyang, yi ryok n ba bu kyang a zi cyang kozan ka̱tuk ni. Ki ba̱nyet ba̱hwa a̱ rop a̱ ni yya kyang a̱n tyyi bvak, a̱yin a mba a̱ bo byyi nshei kyang ka̱yat ba. 16A̱mi Ka̱za ka yin dyat a̱wwon bu Ibrahim bu ka̱mbvon nu ka. Ba̱ryat Ka̱za ba a̱ yei ‘na̱mbvon’ ba ma ‘ka̱mbvon’, a̱tuba a̱yring a̱ yemi, nu a̱mi a̱ yet Yesu Kristi. 17Kyang a n dyat ni nkpa yet: Ka̱za a̱ yin wrak rop-wwon nu a̱rya cyi nyaai bu swak tat a̱ si wa bvwa a̱ wrak Truwang Musa ji. Truwang ji yin tun kyang a Ka̱za ka yin dop a̱ sak a̱ ni wrak ni a̱ jing ba. 18Rot ki kyang a Ka̱za ka yin wrak ni yin yet nying Truwang a̱mi, to, ku bu tssup kyang a Ka̱za ka ka̱n dyat a̱wwon ni ba. Ma Ka̱za, ka̱yat a̱liheri nka, ka wrak Ibrahim ta ka̱rek kyang a ka ka̱n dyat a̱wwon ni.
19To a̱nzan a̱ yet a̱nying Truwang nu? Ka̱za a̱ cat tyyei a̱za̱kpai a̱ka̱tukyya ba̱nyet u si tat ka̱ram ka ka̱mbvon Ibrahim ka ka nin ba ni, rot nu a̱mi ba yin dyat a̱ ku sak i. Ka̱za a̱ yin wrak ba̱pfong nka Truwang ji, ba wrak Musa, na̱ wrak ba̱nyet ba. 20Ma a̱dat a̱ na yet ba̱nying a̱neyring ba, ma Ka̱za a̱ yet ka̱yring.
Kyang a Truwang ji zi yet i
21To ku ni ryi di Truwang ji ya sseng i bu nkyang a Ka̱za ka yin dyat a̱wwon ni e? Kaai, ko ba̱cincong! N da nhywa di truwang maai wrak a̱yin sucet, se ba̱nyet a̱ ni myim Ka̱za i tssup truwang ji. 22Ma ba̱ryat Ka̱za a̱ tyyei di a̱ka̱tukyya a̱ sswa cet ka̱sa na, ba̱nyet ba a̱n tyyi rya i Yesu Kristi ni a̱ ga shya san a̱liheri nu Ka̱za ka yin dyat a̱wwon ni.
23Ma nyyai ka̱ram ka ba ka̱n za ba di ba̱ryat tyyi ndya ba ni ba, Truwang ji za rop tyyi di ba̱nyet a̱jaru ni, se ka̱ram ka ntyyi rya ku bun ba bu za yrang ni. 24Truwang ji yi yen za cam a̱mi bai ka̱ram bai Yesu Kristi, zi gi bu shya wrak ndya njit i gi myim Ka̱za. 25Naani ka̱ram tyyi ndya ka kan ba ni, Truwang ji bu za cam ba.
26Ntyyi ndya na di Yesu a̱mi nbyyi sa̱rei nyin yin yet na̱won Ka̱za na. 27Baptisma nu ba yin ya yya mi ni a̱ yin ya mon bu Yesu; rot a̱mi kozan kyang nyin ni ryi di Yesu. 28Rot a̱mi di ba̱nyet Yahuda di kpit nwap nzaan na swat a̱ccu mba, di ba̱ntyok di ba̱nyring, zi yet bu kyang yring ka̱yat Yesu Kristi. 29Ki yi yet ba̱nying Yesu, to, nyin yet na̱mbvon Ibrahim a, kuma nyin a̱mi ni san digado ti Ka̱za ka yin dyat a̱wwon ni.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.