Galati 1
1
1Nzuk Bulut, a̱tuba nu yei a ba yin yei n yet a̱pfong Yesu ni ku hyok da̱ a̱neywu ba, di ku yin yet cat a̱neywu a̱mi nkpo yya ba, ma ku nyyai di Yesu Kristi bu Ka̱za A̱tyyi nu, nka a̱ yin shyek Yesu nyyai i dikwu. 2Sa̱rei ba̱nyet tssup ba kyi ba̱ nzuk a̱ byei sa̱rei ba̱nyet tssup ka̱byen Galatiya ba.
3Ka̱za A̱tyyi njit bu A̱gwam njit Yesu Kristi a̱ ya ryi a̱liheri mba nu bu myyi rya.
4Nu Yesu a̱mi a̱ wrak diccu nu a̱ ga za tun a a̱ka̱tukyya a̱ za san a̱ wwon a a̱ka̱tuk ka̱ram a̱ni ka̱sak ka Ka̱za A̱tyyi njit kan cat i. 5Zi dyep Ka̱za mi har a̱ba̱da. Amin.
Ka̱sham Ba̱ryat ka a̱ yet bu ka̱yring
6N yya ka̱hat nyin ba̱gingang. I ka̱bacincong ka̱ram nyin ba nwa wwon Ka̱za ka a̱ ya yei i a̱liheri Yesu nuni ni, i bvan naat di ka̱sham ba̱ryat ka̱yaan. 7I ka̱ryong, ka̱sham ba̱ryat ka̱yaan a̱n shyi ba, ma ba̱yanyet a̱mi a̱ ya bvan a̱ccu na a̱ bo cat bvan Ka̱sham Ba̱ryat Yesu ka. 8Ko njit ko a̱pfong Ka̱za Tazwa a̱ bu yya wa'azi a̱yaan ba̱zan bu nji zi ka̱n ya yya mi ni, ryok Ka̱za a̱ za shyi. 9N ka̱n hywa, an bo ni hywa brak: ki a̱yanyet a̱ yya wa'azi a̱yaan ba̱zan bu nji ni yi ka̱n san ni, ryok Ka̱za a̱ ku shyi.
10Ki yi hok anye n cat myim ba̱nyet a̱mi e? Kaai! N cat myim Ka̱za. Yi hwa di n cat ba̱nyet a̱ ga hok ansham nzuk o? Kaai! Ki n ri yya a̱mi, to, n maai yet a̱kwwa Yesu ba.
Ka̱sak ka Bulut na̱ bun yet a̱pfong Yesu ni
11Ba̱wumbeyang, n cat yi bvwo, Ka̱sham Ba̱ryat ka n tyyei ni a̱ nyyai da̱ a̱yin ba. 12N yin san da̱ a̱yin ba, da̱ a̱yin na̱ yi n zzek ba. Ma Yesu Kristi diccu nu a̱mi a̱ yi n tyyei.
13Ba ka̱n ya tyyei taka̱i swat a n yin swat i tssup ba̱nyet Yahuda ba ni, bu ka̱sak ka n yin yya di ba̱nyet tssup Yesu ba ni, di an pfong dizot mba ba, n kwan hywat tssup a. 14N yin da̱u koyan i cei nzuk a i tssup ba̱nyet Yahuda na n cam tada ba̱tyyi a̱kwop ji n da̱u koyan.
15Ma Ka̱za a̱ ka̱ n tssa a̱wwon nyyai ba ka̱ n byin ba a̱ n yei i pfong dizot nka n bu ka̱ yya dikwwa. Ka yin hok ansham 16a̱ n tyyei Ka̱won nka ka n ga nat n si yya wa'azi nu di kpikpit nwap a, ka̱ram iya n drok n nat da an zzim a̱yin kyang a n ni yya ni ba. 17Da n yi nat Urushalima n ga si shya ba̱yanyet ba a̱ yi n tason a̱ yet ba̱pfong Yesu ba ni ba. Seko n drok ba ahwa n nat ka̱byen A̱rabiya n si brek n ba ka̱nkrang Damaskut. 18Se a̱rya a̱tat nan seyak n si drok n nat di Bitut Urushalima n ga si hok kyang da̱ nu, n si tyak nom swak bu pfon ba̱ nu. 19Da an bo yin shya ryi a̱pfong a̱yaan ba, se Yakubu a̱wumba A̱gwam Yesu.
20Kyang a n ya jem mi ni ku yet diraa ba, ka̱ryong a̱mi, Ka̱za a̱ brang!
21N si bo n yya n nat Siriya bu Silisiya. 22Ka̱ram iya coci ji shyi Yahudiya ka ni ba ka̱n mon a̱ssi ba̱ nzuk ba. 23Ba yin pfong bu kyang a ba̱yanyet ba ryat ni. Ba ri hywa, “A̱tuba nu a̱ yin yya da̱ njit ni a̱ ma̱ nwa yya wa'azi tssup ji na̱ yin kwan hywat a ni!” 24Ba dyep Ka̱za mi ba̱gingang a̱zihywak nzuk.
Currently Selected:
Galati 1: kaj
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
Galati 1
1
1Nzuk Bulut, a̱tuba nu yei a ba yin yei n yet a̱pfong Yesu ni ku hyok da̱ a̱neywu ba, di ku yin yet cat a̱neywu a̱mi nkpo yya ba, ma ku nyyai di Yesu Kristi bu Ka̱za A̱tyyi nu, nka a̱ yin shyek Yesu nyyai i dikwu. 2Sa̱rei ba̱nyet tssup ba kyi ba̱ nzuk a̱ byei sa̱rei ba̱nyet tssup ka̱byen Galatiya ba.
3Ka̱za A̱tyyi njit bu A̱gwam njit Yesu Kristi a̱ ya ryi a̱liheri mba nu bu myyi rya.
4Nu Yesu a̱mi a̱ wrak diccu nu a̱ ga za tun a a̱ka̱tukyya a̱ za san a̱ wwon a a̱ka̱tuk ka̱ram a̱ni ka̱sak ka Ka̱za A̱tyyi njit kan cat i. 5Zi dyep Ka̱za mi har a̱ba̱da. Amin.
Ka̱sham Ba̱ryat ka a̱ yet bu ka̱yring
6N yya ka̱hat nyin ba̱gingang. I ka̱bacincong ka̱ram nyin ba nwa wwon Ka̱za ka a̱ ya yei i a̱liheri Yesu nuni ni, i bvan naat di ka̱sham ba̱ryat ka̱yaan. 7I ka̱ryong, ka̱sham ba̱ryat ka̱yaan a̱n shyi ba, ma ba̱yanyet a̱mi a̱ ya bvan a̱ccu na a̱ bo cat bvan Ka̱sham Ba̱ryat Yesu ka. 8Ko njit ko a̱pfong Ka̱za Tazwa a̱ bu yya wa'azi a̱yaan ba̱zan bu nji zi ka̱n ya yya mi ni, ryok Ka̱za a̱ za shyi. 9N ka̱n hywa, an bo ni hywa brak: ki a̱yanyet a̱ yya wa'azi a̱yaan ba̱zan bu nji ni yi ka̱n san ni, ryok Ka̱za a̱ ku shyi.
10Ki yi hok anye n cat myim ba̱nyet a̱mi e? Kaai! N cat myim Ka̱za. Yi hwa di n cat ba̱nyet a̱ ga hok ansham nzuk o? Kaai! Ki n ri yya a̱mi, to, n maai yet a̱kwwa Yesu ba.
Ka̱sak ka Bulut na̱ bun yet a̱pfong Yesu ni
11Ba̱wumbeyang, n cat yi bvwo, Ka̱sham Ba̱ryat ka n tyyei ni a̱ nyyai da̱ a̱yin ba. 12N yin san da̱ a̱yin ba, da̱ a̱yin na̱ yi n zzek ba. Ma Yesu Kristi diccu nu a̱mi a̱ yi n tyyei.
13Ba ka̱n ya tyyei taka̱i swat a n yin swat i tssup ba̱nyet Yahuda ba ni, bu ka̱sak ka n yin yya di ba̱nyet tssup Yesu ba ni, di an pfong dizot mba ba, n kwan hywat tssup a. 14N yin da̱u koyan i cei nzuk a i tssup ba̱nyet Yahuda na n cam tada ba̱tyyi a̱kwop ji n da̱u koyan.
15Ma Ka̱za a̱ ka̱ n tssa a̱wwon nyyai ba ka̱ n byin ba a̱ n yei i pfong dizot nka n bu ka̱ yya dikwwa. Ka yin hok ansham 16a̱ n tyyei Ka̱won nka ka n ga nat n si yya wa'azi nu di kpikpit nwap a, ka̱ram iya n drok n nat da an zzim a̱yin kyang a n ni yya ni ba. 17Da n yi nat Urushalima n ga si shya ba̱yanyet ba a̱ yi n tason a̱ yet ba̱pfong Yesu ba ni ba. Seko n drok ba ahwa n nat ka̱byen A̱rabiya n si brek n ba ka̱nkrang Damaskut. 18Se a̱rya a̱tat nan seyak n si drok n nat di Bitut Urushalima n ga si hok kyang da̱ nu, n si tyak nom swak bu pfon ba̱ nu. 19Da an bo yin shya ryi a̱pfong a̱yaan ba, se Yakubu a̱wumba A̱gwam Yesu.
20Kyang a n ya jem mi ni ku yet diraa ba, ka̱ryong a̱mi, Ka̱za a̱ brang!
21N si bo n yya n nat Siriya bu Silisiya. 22Ka̱ram iya coci ji shyi Yahudiya ka ni ba ka̱n mon a̱ssi ba̱ nzuk ba. 23Ba yin pfong bu kyang a ba̱yanyet ba ryat ni. Ba ri hywa, “A̱tuba nu a̱ yin yya da̱ njit ni a̱ ma̱ nwa yya wa'azi tssup ji na̱ yin kwan hywat a ni!” 24Ba dyep Ka̱za mi ba̱gingang a̱zihywak nzuk.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.