Kolosi 1
1
1Nyyai da̱ nzuk Bulut, a̱tuba nu Ka̱za ka shim a̱ tssa na̱ yet a̱pfong Yesu Kristi ni, nta̱mak bu Timoti a̱wumba njit u.
2Zi ya jem mi, nyin ba̱nyet tssup Ka̱za Kolosi, ba̱nyet ba a̱ yet ba̱wumbeyang ka̱ryong njit i tssup Kristi ni. Ka̱za A̱tyyi njit a̱ ya ryi a̱liheri nka bu myyi rya.
Didyep bu a̱duwa
3Kozan ka̱ram zin na ya yya a̱duwa, zi na dyep Ka̱za A̱tyyi A̱gwam njit u Yesu Kristi mi, 4rot zi ka̱n hok ka̱sak ka yin tyyi ndya nyin i tssup Yesu Kristi ni bu ka̱sak ka yin gwai sa̱rei ba̱nyet tssup ba ni. 5Ka̱ram ka ba̱ryat ka̱ryong kan ba da̱ nyin in, wato Ka̱sham Ba̱ryat kani, yi hok mbreng ndya na ba wwat i; rot tyyi ndya nyin na bu gwai a yi gwai ba̱yaan ni ta̱za nyyai i breng ndya nyin na an kyang a ba ya sak i Tazwa ni. 6Ka̱sham Ba̱ryat kani a̱ cong di ka̱nu-a̱tan a̱ si bo shyi i nwai koke i ka̱sa ka da̱ni ba ka̱n bun tat da̱ nyin ni, nyyai ka̱tuk ka̱tsitsrang ka yi yin hok za̱nang Ka̱za ji ni, i bu za̱ bvwo ni zin dyi ni. 7A̱mi yi myyam di Abafarat, a̱rywai u zi cat i, nu zi yya dikwwa ti ba̱ nu. Nu a̱mi a̱ yet a̱ntyok pfong ka̱ryong Kristi nu, nu a̱ ba a̱ bu ya brang ka̱nu njit ka, 8a̱ brek a̱ bu za tyyei ka̱sak ka Tswa Ka̱za zin ya tyyi gwai ba̱yaan ni.
9Nkpa nyyai ka̱ram ka zin hok a̱mi ni zi shyi i ya yya a̱duwa. Zi naai Ka̱za a̱ ya brang yi gi bvwo kyang a ka cat yi yya ni. Ka ni ya ryi sa̱rei a̱za̱ncyi bu bvwo na Tswa nka ji zi wwat i. 10Ku ni tyyi yi swat ka̱sak ka Ka̱za kan cat i, i yya kyang a ka nin hok ansham nyin kozan ka̱ram ni. Swat nyin na ni wrak kozan taka̱i a̱tsatsak pfong, bvwo Ka̱za nyin na i si bu rai. 11Zi bu naai yi shya cet a nyyai cet shii nu na ni, yi gi maai i sseng i kozan kyang bu hakuri, 12yi gi maai i dyep Ka̱za i ka̱ gwai i ka̱sak ka ka ya shim mi yi shya ka̱ssi nyin ka ka̱yat za̱nang ka ka sak ba̱nyet nka ba mi ni, ka̱yat a̱zizrak dityok nka ti. 13Nu a̱mi a̱ za tun a̱ wwon cet ndyin na, a̱ si ba ba̱ njit i dityok Ka̱won nu ti na̱ cat i. 14Nu a̱mi a̱ za tun a̱ wwon, wato nu a̱mi a̱ yet ryen na ban za cii a̱ka̱tukyya njit u ni.
Kristi bu pfong nu na
15Kristi a̱mi zin cyang Ka̱za ka ba wi cyang ni. Nu a̱mi a̱ yet Ka̱won ka̱tsitsrang ka a̱ si bo ra̱u kozan kyang a Ka̱za ka yya ni. 16Rot Ka̱za a̱ yin yya kozan kyang ba̱ nu, di nying shyi kyi i ka̱sa ka di nying shyi nTazwa, di nying na zi cyang ni di nying na zi wi cyang ni; nta̱mak ba̱ a̱tityok bu sa̱rei kozan kyang a byyi cet ni. Ka̱za a̱ yin yya ka̱sa ka ba̱ nu a̱ bo ku tyyi da̱ nka mbvak. 17A̱n shyi nyyai ba ka̱n yya nkyang a ni ba, nu a̱mi a̱ bo tung nkyang a sa̱rei a̱ tyyi ka̱rek ka̱yring. 18Nu a̱ yet diccu ti, ba̱nyet tssup ba a̱ yet rwam nu; nu a̱mi a̱ si bo breng sucet a shyi i rwam a ni. Nu a̱ yet ka̱tsitsrang a̱yin ka a̱ brek nyyai a̱yabyen ni, na̱ ga shyi a̱zanson kozan kyang. 19Rot Ka̱za a̱ yin cat sa̱rei diccu nka i shyi ka̱yat Ka̱won nu ka. 20Da̱ni di Ka̱za kan sak ni, Ka̱won kani a̱ ni brak di ka̱sa ka a̱ ka̱ ryi. Rot weyang ba̱sok Ka̱won na tazwa ka̱teyang ka Ka̱za a̱ jyi swat ba̱nyet a ba̱ nka a̱ brek di kozan kyang sa̱rei a̱ ya tyyi mi, nying ka̱sa na bu nying Tazwa na sa̱rei.
21Ka̱ram iyemi, yi yin shyi gbang bu Ka̱za i yet ba̱ra̱ndwan Ka̱za, rot a̱ka̱tuk nkyang u yi yin yya i bu hwa ni. 22Ma naani, rot dikwu ti Ka̱won ka ka kwu ka̱yat rwam ni, Ka̱za a̱ ya brak a̱n yya ba̱rywai nka, a̱ ga ya brak yi maai i sseng a̱ta̱ssi nka ba̱zizrak, ba̱kinkreng ban bu hywak 23ki yi sseng di cet i tyyi ndya nyin na, i ryok wwon ba ya jim ba̱tai ba, yi gi maai breng ndya nyin na an kyang a Ka̱sham Ba̱ryat ka ka ya tyyei ni. Ka̱sham Ba̱ryat kani a̱mi a̱ tyyi nzuk Bulut n nin brak n tyyi a̱kwwa. Ka̱sham Ba̱ryat kani a̱mi ba tyyei koyan a̱ tyak ka̱sa ka.
Pfong Bulut zihywak ba̱nyet tssup Kolosi
24Naanini n gwai bu ka̱bvung ka n sswa a̱za̱ nyin ni. Rot ka̱bvung ka n sswa ni a̱ zzwang kpikpit ka̱bvung a Kristi na̱ yin sswa a̱zi hywak rwam nu na wato ba̱nyet tssup nu ba. 25Ka̱za a̱mi a̱ si bo n tssa n yya dikwwa ba̱nyet tssup ti. Nka a̱mi a̱ n dyi pfong ani n yya ni a̱zi hywak nyin. Pfong a nkpa yet tyyei sa̱rei ba̱ryat nka ba. 26Nkpa a̱mi yet a̱rya ba̱brika̱tei Ka̱za ka nyyak ba̱nyet ka̱sa mi, ma se ba̱nyying ka si ma̱n tyyang a̱ tyyei ba̱nyet tssup nka ba. 27Kyang a Ka̱za ka rop a̱ ni yya ni nkpa yet ka tyyei ba̱nyet nka ba a̱cecet nkyang u a̱ shyi ka̱nrang ni, na yet nying ba̱nyet ka̱sa ba sa̱rei. Kyang a shyi i nrang a ni nkpa yet: Kristi a̱ shyi ka̱yat nyin, rot a̱mi yi nin byyi bvak i dityok Ka̱za ti. 28Zi yya wa'azi Yesu di koyan. Zi tssap i bu zzek koyan bu sa̱rei ba̱ a̱za̱ncyi na zi byyi ni, zi gi ba di koyan a̱ta̱ssi Ka̱za ba̱zizrak a̱ bo yet a̱jyem i mon diccu bu Kristi. 29Nkpa n byyi n nin tyyi ka̱ssi, n tung sa̱rei cet a Kristi na̱ n jyet i. Nkpa a̱mi yya pfong ka̱yat nzuk.
Currently Selected:
Kolosi 1: kaj
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
Kolosi 1
1
1Nyyai da̱ nzuk Bulut, a̱tuba nu Ka̱za ka shim a̱ tssa na̱ yet a̱pfong Yesu Kristi ni, nta̱mak bu Timoti a̱wumba njit u.
2Zi ya jem mi, nyin ba̱nyet tssup Ka̱za Kolosi, ba̱nyet ba a̱ yet ba̱wumbeyang ka̱ryong njit i tssup Kristi ni. Ka̱za A̱tyyi njit a̱ ya ryi a̱liheri nka bu myyi rya.
Didyep bu a̱duwa
3Kozan ka̱ram zin na ya yya a̱duwa, zi na dyep Ka̱za A̱tyyi A̱gwam njit u Yesu Kristi mi, 4rot zi ka̱n hok ka̱sak ka yin tyyi ndya nyin i tssup Yesu Kristi ni bu ka̱sak ka yin gwai sa̱rei ba̱nyet tssup ba ni. 5Ka̱ram ka ba̱ryat ka̱ryong kan ba da̱ nyin in, wato Ka̱sham Ba̱ryat kani, yi hok mbreng ndya na ba wwat i; rot tyyi ndya nyin na bu gwai a yi gwai ba̱yaan ni ta̱za nyyai i breng ndya nyin na an kyang a ba ya sak i Tazwa ni. 6Ka̱sham Ba̱ryat kani a̱ cong di ka̱nu-a̱tan a̱ si bo shyi i nwai koke i ka̱sa ka da̱ni ba ka̱n bun tat da̱ nyin ni, nyyai ka̱tuk ka̱tsitsrang ka yi yin hok za̱nang Ka̱za ji ni, i bu za̱ bvwo ni zin dyi ni. 7A̱mi yi myyam di Abafarat, a̱rywai u zi cat i, nu zi yya dikwwa ti ba̱ nu. Nu a̱mi a̱ yet a̱ntyok pfong ka̱ryong Kristi nu, nu a̱ ba a̱ bu ya brang ka̱nu njit ka, 8a̱ brek a̱ bu za tyyei ka̱sak ka Tswa Ka̱za zin ya tyyi gwai ba̱yaan ni.
9Nkpa nyyai ka̱ram ka zin hok a̱mi ni zi shyi i ya yya a̱duwa. Zi naai Ka̱za a̱ ya brang yi gi bvwo kyang a ka cat yi yya ni. Ka ni ya ryi sa̱rei a̱za̱ncyi bu bvwo na Tswa nka ji zi wwat i. 10Ku ni tyyi yi swat ka̱sak ka Ka̱za kan cat i, i yya kyang a ka nin hok ansham nyin kozan ka̱ram ni. Swat nyin na ni wrak kozan taka̱i a̱tsatsak pfong, bvwo Ka̱za nyin na i si bu rai. 11Zi bu naai yi shya cet a nyyai cet shii nu na ni, yi gi maai i sseng i kozan kyang bu hakuri, 12yi gi maai i dyep Ka̱za i ka̱ gwai i ka̱sak ka ka ya shim mi yi shya ka̱ssi nyin ka ka̱yat za̱nang ka ka sak ba̱nyet nka ba mi ni, ka̱yat a̱zizrak dityok nka ti. 13Nu a̱mi a̱ za tun a̱ wwon cet ndyin na, a̱ si ba ba̱ njit i dityok Ka̱won nu ti na̱ cat i. 14Nu a̱mi a̱ za tun a̱ wwon, wato nu a̱mi a̱ yet ryen na ban za cii a̱ka̱tukyya njit u ni.
Kristi bu pfong nu na
15Kristi a̱mi zin cyang Ka̱za ka ba wi cyang ni. Nu a̱mi a̱ yet Ka̱won ka̱tsitsrang ka a̱ si bo ra̱u kozan kyang a Ka̱za ka yya ni. 16Rot Ka̱za a̱ yin yya kozan kyang ba̱ nu, di nying shyi kyi i ka̱sa ka di nying shyi nTazwa, di nying na zi cyang ni di nying na zi wi cyang ni; nta̱mak ba̱ a̱tityok bu sa̱rei kozan kyang a byyi cet ni. Ka̱za a̱ yin yya ka̱sa ka ba̱ nu a̱ bo ku tyyi da̱ nka mbvak. 17A̱n shyi nyyai ba ka̱n yya nkyang a ni ba, nu a̱mi a̱ bo tung nkyang a sa̱rei a̱ tyyi ka̱rek ka̱yring. 18Nu a̱ yet diccu ti, ba̱nyet tssup ba a̱ yet rwam nu; nu a̱mi a̱ si bo breng sucet a shyi i rwam a ni. Nu a̱ yet ka̱tsitsrang a̱yin ka a̱ brek nyyai a̱yabyen ni, na̱ ga shyi a̱zanson kozan kyang. 19Rot Ka̱za a̱ yin cat sa̱rei diccu nka i shyi ka̱yat Ka̱won nu ka. 20Da̱ni di Ka̱za kan sak ni, Ka̱won kani a̱ ni brak di ka̱sa ka a̱ ka̱ ryi. Rot weyang ba̱sok Ka̱won na tazwa ka̱teyang ka Ka̱za a̱ jyi swat ba̱nyet a ba̱ nka a̱ brek di kozan kyang sa̱rei a̱ ya tyyi mi, nying ka̱sa na bu nying Tazwa na sa̱rei.
21Ka̱ram iyemi, yi yin shyi gbang bu Ka̱za i yet ba̱ra̱ndwan Ka̱za, rot a̱ka̱tuk nkyang u yi yin yya i bu hwa ni. 22Ma naani, rot dikwu ti Ka̱won ka ka kwu ka̱yat rwam ni, Ka̱za a̱ ya brak a̱n yya ba̱rywai nka, a̱ ga ya brak yi maai i sseng a̱ta̱ssi nka ba̱zizrak, ba̱kinkreng ban bu hywak 23ki yi sseng di cet i tyyi ndya nyin na, i ryok wwon ba ya jim ba̱tai ba, yi gi maai breng ndya nyin na an kyang a Ka̱sham Ba̱ryat ka ka ya tyyei ni. Ka̱sham Ba̱ryat kani a̱mi a̱ tyyi nzuk Bulut n nin brak n tyyi a̱kwwa. Ka̱sham Ba̱ryat kani a̱mi ba tyyei koyan a̱ tyak ka̱sa ka.
Pfong Bulut zihywak ba̱nyet tssup Kolosi
24Naanini n gwai bu ka̱bvung ka n sswa a̱za̱ nyin ni. Rot ka̱bvung ka n sswa ni a̱ zzwang kpikpit ka̱bvung a Kristi na̱ yin sswa a̱zi hywak rwam nu na wato ba̱nyet tssup nu ba. 25Ka̱za a̱mi a̱ si bo n tssa n yya dikwwa ba̱nyet tssup ti. Nka a̱mi a̱ n dyi pfong ani n yya ni a̱zi hywak nyin. Pfong a nkpa yet tyyei sa̱rei ba̱ryat nka ba. 26Nkpa a̱mi yet a̱rya ba̱brika̱tei Ka̱za ka nyyak ba̱nyet ka̱sa mi, ma se ba̱nyying ka si ma̱n tyyang a̱ tyyei ba̱nyet tssup nka ba. 27Kyang a Ka̱za ka rop a̱ ni yya ni nkpa yet ka tyyei ba̱nyet nka ba a̱cecet nkyang u a̱ shyi ka̱nrang ni, na yet nying ba̱nyet ka̱sa ba sa̱rei. Kyang a shyi i nrang a ni nkpa yet: Kristi a̱ shyi ka̱yat nyin, rot a̱mi yi nin byyi bvak i dityok Ka̱za ti. 28Zi yya wa'azi Yesu di koyan. Zi tssap i bu zzek koyan bu sa̱rei ba̱ a̱za̱ncyi na zi byyi ni, zi gi ba di koyan a̱ta̱ssi Ka̱za ba̱zizrak a̱ bo yet a̱jyem i mon diccu bu Kristi. 29Nkpa n byyi n nin tyyi ka̱ssi, n tung sa̱rei cet a Kristi na̱ n jyet i. Nkpa a̱mi yya pfong ka̱yat nzuk.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.