Kolosi 2
2
1N cat n ya tyyei ka̱sak ka n ka̱n yya pfong ba̱gingang zihywak nyin ni bu ba̱nyet Lawudikiya bu sa̱rei ba̱nyet ba a̱ n cyi ni. 2N cat ba ga hok cet ka̱yat ndya mba ka, ba ga ya tung a̱ tyyi ka̱rek ka̱yring i cat mba na, ndya mba na i bu myyi i bu shya a̱tsatsak bvwo nu bvwo ka̱ryong ku cong i ni. I ryen ani ba nin bvwo nkyang a Ka̱za ka nyat ni, nnaani yet Yesu mbvak nu ni. 3Nu a̱mi ba nyat sa̱rei zwa a̱za̱ncyi bu bvwo da̱ nu.
4Rot a̱mi n ya tyyei yi ryok wwon a̱yin a̱ ya raai ba̱ a̱cecet diraa ba, ko ba̱ryat nu ba a̱ tai yet ka̱ryong. 5Ko n nin shyi ba̱ nyin ka̱yat rwam ni ba, ma tswa nzuk ji shyi ba̱ nyin, n bo n gwai ka̱sak ka yin swat ansham i bu sseng di cet i tssup Kristi na ni.
Sa̱rei sucet nyyai di Kristi
6Da̱ni di yi ka̱n san A̱gwam Yesu Kristi tyyi a ndya nyin na ni, se yi cong ba̱ nu. 7Yi ryok a̱nan nyin na a̱ nwa ba̱t da̱ nu; yi wwon sa̱rei swat ka̱sa nyin na da̱ nu, i gi tyyi cet i tssup nyin na da̱ni di ba yin ya zzek ni; kozan ka̱ram yi shyi bu a̱didyep a mpfwa nyin na.
8Yi ta̱rwam a̱yin na̱ bu pyyem ndya nyin na a̱ tyyi i dikwwa a̱kwot bvwo ba̱neywu nu a̱ yet bu diraa ni. Taka̱i zzek iya nyyai di ba̱nyet ba̱ a̱ka̱tuk tswa ku nyyai di Kristi ba. 9Rot ka̱yat Yesu zin dyi ba̱zizrak ka̱sak ka Ka̱za kan dyi ni. 10Nyin meyang sucet nyin na tyyi a̱jyem ka̱yat Yesu. Nu a̱ yet a̱kpok ba̱gwam bu ba̱nyet cet ka̱sa ba sa̱rei.
11Ku tssup nyin na a̱mi tyyi ban ya tyyi ncen na, ba taka̱i tyyi ncen rwam a ba, ma tyyi ncen na Yesu na̱ ya tyyi mi ni, nkpa ya tssu tun a a̱ka̱tuk cet ndwam nyin nu. 12Rot ka̱ram ka ban ya yya baptisma nu ni ba ya nyat bu Yesu, ka̱yat baptisma ka ba bo ya yrek ba̱ nu, ka̱sak ka yin tyyi ndya nyin na an cet pfong Ka̱za na ku shyek nyyai i dikwu ti ni. 13Ka̱ram iyemi nyin yi yin kwi ka̱yat tswa nyin ka rot a̱ka̱tukyya bu yet nwap nzaan da̱ nyin ba byyi Truwang ji ba. Ma naani Ka̱za a̱ tom Yesu na̱ bu ya ryi sucet, Ka̱za a̱ bo za tssu sa̱rei a̱ka̱tukyya njit u. 14Ka̱ram ka kan hywat Truwang ji ni, nji ni yin za a̱gagak ba̱ njit i, a̱ za̱ sook a̱ si krok tazwa ka̱teyang. 15Tazwa ka̱teyang ka Yesu na̱ sin san diccu nu a̱ wwon di a̱ka̱tuk tswa bu ba̱nyet byyi cet ka̱sa ba, a̱ ba̱ tyyi nsum.
16Rot a̱mi yi ryok wwon a̱yin a̱ ya yya shirya tazwa nkyang ka yi ni ya ko sswa ni ba. Ko tazwa nom a̱swa a̱nying dirya ko a̱nying sseng nhywan. Ko tazwa nom pfwi. 17Sa̱rei nkyang ani yet bu ma̱nwwuk nkyang a bai ni; ka̱ryong nna ka a̱mi a̱ yet Kristi. 18Yi ryok wwon taka̱i a̱yin na a̱ hok ansham i ywwai diccu nu zi diraa bu kok ba̱pfong Ka̱za ntong ni a̱ ya bvwo shya zang nyin ji ba. Taka̱i a̱yin iya na nwa a nkyang a na̱ ryi ni nat gbang, se a̱huhwa nu nu a̱ yet a̱nying a̱neywu ni a̱ ku tyyi na̱ yet diccu nu. 19Taka̱i a̱yin iya bo breng Diccu ti ba, Yesu nu sa̱rei rwam a ku ntung da̱ nu ni, a̱cip a a̱ mon nkap a ka̱rek ka̱yring ni, na rai ka̱sak ka Ka̱za kan cat na rai ni.
Kwu bu Yesu bu shya sucet ba̱ nu
20Yi ka̱n kwi bu Kristi ba ya san a̱ kaai a̱ wwon di a̱ka̱tuk ntswa ka̱ta̱nyrang ka̱sa a̱ni. To, a̱nzan a̱n byyi yi bun yya anye yi ri yet ba̱nying ka̱sa ba ni. A̱nzan a̱n byyi nyin yi tssup truwang ji hywa 21“Ryok byram ba”, “Ryok rrak ba”, “Ryok n sak bvak a a̱ywu ni ba”? 22Sa̱rei nkyang ani ki ba na̱ sook a̱n yya pfong, na bo byyi kpungtun ba. Sa̱rei truwang jini yet yya mbvak njit bu zzek ba̱neywu. 23Ka̱ryong a̱mi truwang ji cyang di byyi a̱za̱ncyi i tssup ba̱pfong Ka̱za di cet a̱ccu mba, bu ywwai diccu diraa, bu ka̱bvung ka ba wwat ndwam mba na ni: ma truwang jini maai ba̱ tun i ka̱pfwa ndwam mba ba.
Currently Selected:
Kolosi 2: kaj
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
Kolosi 2
2
1N cat n ya tyyei ka̱sak ka n ka̱n yya pfong ba̱gingang zihywak nyin ni bu ba̱nyet Lawudikiya bu sa̱rei ba̱nyet ba a̱ n cyi ni. 2N cat ba ga hok cet ka̱yat ndya mba ka, ba ga ya tung a̱ tyyi ka̱rek ka̱yring i cat mba na, ndya mba na i bu myyi i bu shya a̱tsatsak bvwo nu bvwo ka̱ryong ku cong i ni. I ryen ani ba nin bvwo nkyang a Ka̱za ka nyat ni, nnaani yet Yesu mbvak nu ni. 3Nu a̱mi ba nyat sa̱rei zwa a̱za̱ncyi bu bvwo da̱ nu.
4Rot a̱mi n ya tyyei yi ryok wwon a̱yin a̱ ya raai ba̱ a̱cecet diraa ba, ko ba̱ryat nu ba a̱ tai yet ka̱ryong. 5Ko n nin shyi ba̱ nyin ka̱yat rwam ni ba, ma tswa nzuk ji shyi ba̱ nyin, n bo n gwai ka̱sak ka yin swat ansham i bu sseng di cet i tssup Kristi na ni.
Sa̱rei sucet nyyai di Kristi
6Da̱ni di yi ka̱n san A̱gwam Yesu Kristi tyyi a ndya nyin na ni, se yi cong ba̱ nu. 7Yi ryok a̱nan nyin na a̱ nwa ba̱t da̱ nu; yi wwon sa̱rei swat ka̱sa nyin na da̱ nu, i gi tyyi cet i tssup nyin na da̱ni di ba yin ya zzek ni; kozan ka̱ram yi shyi bu a̱didyep a mpfwa nyin na.
8Yi ta̱rwam a̱yin na̱ bu pyyem ndya nyin na a̱ tyyi i dikwwa a̱kwot bvwo ba̱neywu nu a̱ yet bu diraa ni. Taka̱i zzek iya nyyai di ba̱nyet ba̱ a̱ka̱tuk tswa ku nyyai di Kristi ba. 9Rot ka̱yat Yesu zin dyi ba̱zizrak ka̱sak ka Ka̱za kan dyi ni. 10Nyin meyang sucet nyin na tyyi a̱jyem ka̱yat Yesu. Nu a̱ yet a̱kpok ba̱gwam bu ba̱nyet cet ka̱sa ba sa̱rei.
11Ku tssup nyin na a̱mi tyyi ban ya tyyi ncen na, ba taka̱i tyyi ncen rwam a ba, ma tyyi ncen na Yesu na̱ ya tyyi mi ni, nkpa ya tssu tun a a̱ka̱tuk cet ndwam nyin nu. 12Rot ka̱ram ka ban ya yya baptisma nu ni ba ya nyat bu Yesu, ka̱yat baptisma ka ba bo ya yrek ba̱ nu, ka̱sak ka yin tyyi ndya nyin na an cet pfong Ka̱za na ku shyek nyyai i dikwu ti ni. 13Ka̱ram iyemi nyin yi yin kwi ka̱yat tswa nyin ka rot a̱ka̱tukyya bu yet nwap nzaan da̱ nyin ba byyi Truwang ji ba. Ma naani Ka̱za a̱ tom Yesu na̱ bu ya ryi sucet, Ka̱za a̱ bo za tssu sa̱rei a̱ka̱tukyya njit u. 14Ka̱ram ka kan hywat Truwang ji ni, nji ni yin za a̱gagak ba̱ njit i, a̱ za̱ sook a̱ si krok tazwa ka̱teyang. 15Tazwa ka̱teyang ka Yesu na̱ sin san diccu nu a̱ wwon di a̱ka̱tuk tswa bu ba̱nyet byyi cet ka̱sa ba, a̱ ba̱ tyyi nsum.
16Rot a̱mi yi ryok wwon a̱yin a̱ ya yya shirya tazwa nkyang ka yi ni ya ko sswa ni ba. Ko tazwa nom a̱swa a̱nying dirya ko a̱nying sseng nhywan. Ko tazwa nom pfwi. 17Sa̱rei nkyang ani yet bu ma̱nwwuk nkyang a bai ni; ka̱ryong nna ka a̱mi a̱ yet Kristi. 18Yi ryok wwon taka̱i a̱yin na a̱ hok ansham i ywwai diccu nu zi diraa bu kok ba̱pfong Ka̱za ntong ni a̱ ya bvwo shya zang nyin ji ba. Taka̱i a̱yin iya na nwa a nkyang a na̱ ryi ni nat gbang, se a̱huhwa nu nu a̱ yet a̱nying a̱neywu ni a̱ ku tyyi na̱ yet diccu nu. 19Taka̱i a̱yin iya bo breng Diccu ti ba, Yesu nu sa̱rei rwam a ku ntung da̱ nu ni, a̱cip a a̱ mon nkap a ka̱rek ka̱yring ni, na rai ka̱sak ka Ka̱za kan cat na rai ni.
Kwu bu Yesu bu shya sucet ba̱ nu
20Yi ka̱n kwi bu Kristi ba ya san a̱ kaai a̱ wwon di a̱ka̱tuk ntswa ka̱ta̱nyrang ka̱sa a̱ni. To, a̱nzan a̱n byyi yi bun yya anye yi ri yet ba̱nying ka̱sa ba ni. A̱nzan a̱n byyi nyin yi tssup truwang ji hywa 21“Ryok byram ba”, “Ryok rrak ba”, “Ryok n sak bvak a a̱ywu ni ba”? 22Sa̱rei nkyang ani ki ba na̱ sook a̱n yya pfong, na bo byyi kpungtun ba. Sa̱rei truwang jini yet yya mbvak njit bu zzek ba̱neywu. 23Ka̱ryong a̱mi truwang ji cyang di byyi a̱za̱ncyi i tssup ba̱pfong Ka̱za di cet a̱ccu mba, bu ywwai diccu diraa, bu ka̱bvung ka ba wwat ndwam mba na ni: ma truwang jini maai ba̱ tun i ka̱pfwa ndwam mba ba.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.