Filibi 4
4
Bulut a̱ ba̱ zzek nkyang a ba ni yya ni
1Rot a̱mi, ba̱wumbeyang nzuk, nyin ba̱nyet ba n gwai ni, zi sseng i tssup A̱gwam njit a ansham. N ya gwai ba̱t, n cat n ya ryi. Nyin a̱mi yet rya sai nzuk a bu kyang ba̱gwai nzuk a, i bu yet kyang yagba nzuk bu zang mpfong nzuk ji.
2N naai Afodiya bu Sintiki ba jyi swat mba na bu ba̱yaan di ba̱wumbeyang ba̱nyring ni, ka̱yat A̱gwam njit Kristi. 3Nwan a̱kpondang mpfong nzuk, n na̱ naai a brang ba̱nyring bani, rot ba shyi ba̱ nzuk i yya pfong ba̱gingang i tyyei Ka̱sham Ba̱ryat ka, nta̱mak bu Klement bu kpikpit ba̱nyet a a̱ yya pfong a ba̱ nzuk ni, ba̱nyet ba a̱yiyrek mba na shyi kpa sucet i.
4N cat yi gwai kozan ka̱ram ta ka̱rek mon a̱ccu nyin bu A̱gwam njit Yesu. N bo hywa, yi gwai!
5Yi yya hakuri bu koyan; yi bvwo A̱gwam njit u a̱ bvwot ba̱nyying. 6Yi ryok kula bu kyang ba, ma ka̱yat kozan kyang, seko yi naai i yya a̱duwa bu gwai, yi tyyei Ka̱za kyang a yi naai i kozan ka̱ram. 7A̱mi Ka̱za ka nin ya ryi myyi rya nka na a̱ seyak ka̱rek ka a̱neywu na̱ nin bvwo sa̱rei ni, nying na ni tot ndya ba̱nyet tssup a ka̱yat Yesu Kristi ni.
Yi hwa nkyang a ni ansham
8Ba̱wumbeyang, a̱ngbom kyang u n ni ya tyyei ni nna yet, yi tyyi ndya nyin na̱n hywat bu nkyang a yet a̱tsatsak n maai a̱didyep ni, nkyang a yet nying ka̱ryong ni, nkyang a byyi shii ni, nkyang a myim ni, nkyang a yet a̱zizrak ni, nkyang a byyi ba̱nyet shok ni, bu nkyang a ba̱nyet ba gwai ni. N cat yi hwa nkyang ani ansham. 9Nkyang a n ya zzek n bo wwon a mbvak nyin ni, nkyang a yi hok ka̱nu nzuk ni bu nkyang a yi cyang i swat nzuk a ni, yi na̱ yya; Ka̱za ka a̱ za jyet myyi rya ni a̱ ni swrang ba̱ nyin.
Bulut a̱ gwai ba̱nyet Filibi mi rot nkyang a ba ku tom mi ni
10N gwai ba̱gingang n bo n dyep A̱gwam njit Yesu Kristi ka̱sak ka yin da̱de nyin ba bu shya diwat n brang ni. N bvwo yi yin dak n brang a ba, diwat n brang ti a̱mi yi yi yen shya ba. 11Ba n shyi i dizot nkpa n byyi n ni n hywa a̱mi ba, rot n ka̱n myyam ka̱sak ka kozan kyang a n byyi ni ku ni n ni maai ni. 12N bvwo kyang a yet dizot, n bvwo kyang a yet shya ni. N ka̱n myyam ka̱sak ka nkyang ani na nin ni maai sa̱rei. Kozan ka̱ram, koke n ni n shyi n bvwo diwat ti n ni nswat ni, ko i cihywat ko i diswak, ko i dizot ko shya. 13N ni maai sseng n yya kozan kyang ka̱yat cet Yesu Kristi, a̱tuba nu a̱ n jyet cet rya ni.
14Ma ku yet ka̱sham yi n ni n brang ka̱ram ka n ni n shyi ka̱yat ka̱bvung ni. 15Nnaanini da̱ni nyin Filibi na ni, yi bvwo nyyai ka̱tsitsrang ka yin bvwo Ka̱sham Ba̱ryat ka ni n ni n drok Makidoniya ni, ba̱ nyin ba̱nyet tssup Filibi a̱mi yi n brang bun byyi bvak n jyet krum ji. 16Yi yin n tssop di nkyang ka̱ram ka n yin shyi Tasalonika ni, ba nkrang ka̱yring ba, ka̱ram ka n yin cat brang ni. 17Ba nkyang a yi n tssop i a̱mi rya nzuk a ku n shyi ba̱diyin ba, ma n cyang riba na ba ni ya ryi ni. 18To, n shya nkyang a yi tom Abafaroditat na̱ bu n dyi ni. Na ra̱u ka̱sak ka n ni n cat ni ma. Risit nyin nu a̱nu n ya tssop i. Nyyai n ni n san nkyang ani n bo n byyi kyang a n cat ni ba. Nkyang ani ryi di ka̱sham turare ni bu nkyang ba̱hyum a Ka̱za ka san a̱ bo hok ansham nna ni. 19Ka̱za nzuk ka i dityok nka ti a̱ byyi shya ba̱t. Nka a̱ ni ya ryi sa̱rei nkyang a yi cat i. Yi ni na̱ san mbvak Yesu Kristi. 20Zi dyep shii Ka̱za ka a̱ yet A̱tyyi njit i har a̱ba̱da abadin. Amin.
A̱ngbom byet u
21Yi n byei sa̱rei ba̱nyet ba Yesu Kristi na̱ tssa a̱ yei ba yet ba̱nuu ni. Sa̱rei ba̱wumbeyang tssup ba a̱ shyi ba̱ nzuk ni a̱ ya byei. 22Sa̱rei ba̱nyet ba a̱ yet ba̱nying Ka̱za ni a̱ ya byei, tum ba ba̱nyet a̱gbang A̱gwam Rom ba ba.
23N naai A̱gwam njit Yesu Kristi na̱ tyyi a̱liheri nu nu i swrang bu tswa nyin ji sa̱rei.
Currently Selected:
Filibi 4: kaj
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
Filibi 4
4
Bulut a̱ ba̱ zzek nkyang a ba ni yya ni
1Rot a̱mi, ba̱wumbeyang nzuk, nyin ba̱nyet ba n gwai ni, zi sseng i tssup A̱gwam njit a ansham. N ya gwai ba̱t, n cat n ya ryi. Nyin a̱mi yet rya sai nzuk a bu kyang ba̱gwai nzuk a, i bu yet kyang yagba nzuk bu zang mpfong nzuk ji.
2N naai Afodiya bu Sintiki ba jyi swat mba na bu ba̱yaan di ba̱wumbeyang ba̱nyring ni, ka̱yat A̱gwam njit Kristi. 3Nwan a̱kpondang mpfong nzuk, n na̱ naai a brang ba̱nyring bani, rot ba shyi ba̱ nzuk i yya pfong ba̱gingang i tyyei Ka̱sham Ba̱ryat ka, nta̱mak bu Klement bu kpikpit ba̱nyet a a̱ yya pfong a ba̱ nzuk ni, ba̱nyet ba a̱yiyrek mba na shyi kpa sucet i.
4N cat yi gwai kozan ka̱ram ta ka̱rek mon a̱ccu nyin bu A̱gwam njit Yesu. N bo hywa, yi gwai!
5Yi yya hakuri bu koyan; yi bvwo A̱gwam njit u a̱ bvwot ba̱nyying. 6Yi ryok kula bu kyang ba, ma ka̱yat kozan kyang, seko yi naai i yya a̱duwa bu gwai, yi tyyei Ka̱za kyang a yi naai i kozan ka̱ram. 7A̱mi Ka̱za ka nin ya ryi myyi rya nka na a̱ seyak ka̱rek ka a̱neywu na̱ nin bvwo sa̱rei ni, nying na ni tot ndya ba̱nyet tssup a ka̱yat Yesu Kristi ni.
Yi hwa nkyang a ni ansham
8Ba̱wumbeyang, a̱ngbom kyang u n ni ya tyyei ni nna yet, yi tyyi ndya nyin na̱n hywat bu nkyang a yet a̱tsatsak n maai a̱didyep ni, nkyang a yet nying ka̱ryong ni, nkyang a byyi shii ni, nkyang a myim ni, nkyang a yet a̱zizrak ni, nkyang a byyi ba̱nyet shok ni, bu nkyang a ba̱nyet ba gwai ni. N cat yi hwa nkyang ani ansham. 9Nkyang a n ya zzek n bo wwon a mbvak nyin ni, nkyang a yi hok ka̱nu nzuk ni bu nkyang a yi cyang i swat nzuk a ni, yi na̱ yya; Ka̱za ka a̱ za jyet myyi rya ni a̱ ni swrang ba̱ nyin.
Bulut a̱ gwai ba̱nyet Filibi mi rot nkyang a ba ku tom mi ni
10N gwai ba̱gingang n bo n dyep A̱gwam njit Yesu Kristi ka̱sak ka yin da̱de nyin ba bu shya diwat n brang ni. N bvwo yi yin dak n brang a ba, diwat n brang ti a̱mi yi yi yen shya ba. 11Ba n shyi i dizot nkpa n byyi n ni n hywa a̱mi ba, rot n ka̱n myyam ka̱sak ka kozan kyang a n byyi ni ku ni n ni maai ni. 12N bvwo kyang a yet dizot, n bvwo kyang a yet shya ni. N ka̱n myyam ka̱sak ka nkyang ani na nin ni maai sa̱rei. Kozan ka̱ram, koke n ni n shyi n bvwo diwat ti n ni nswat ni, ko i cihywat ko i diswak, ko i dizot ko shya. 13N ni maai sseng n yya kozan kyang ka̱yat cet Yesu Kristi, a̱tuba nu a̱ n jyet cet rya ni.
14Ma ku yet ka̱sham yi n ni n brang ka̱ram ka n ni n shyi ka̱yat ka̱bvung ni. 15Nnaanini da̱ni nyin Filibi na ni, yi bvwo nyyai ka̱tsitsrang ka yin bvwo Ka̱sham Ba̱ryat ka ni n ni n drok Makidoniya ni, ba̱ nyin ba̱nyet tssup Filibi a̱mi yi n brang bun byyi bvak n jyet krum ji. 16Yi yin n tssop di nkyang ka̱ram ka n yin shyi Tasalonika ni, ba nkrang ka̱yring ba, ka̱ram ka n yin cat brang ni. 17Ba nkyang a yi n tssop i a̱mi rya nzuk a ku n shyi ba̱diyin ba, ma n cyang riba na ba ni ya ryi ni. 18To, n shya nkyang a yi tom Abafaroditat na̱ bu n dyi ni. Na ra̱u ka̱sak ka n ni n cat ni ma. Risit nyin nu a̱nu n ya tssop i. Nyyai n ni n san nkyang ani n bo n byyi kyang a n cat ni ba. Nkyang ani ryi di ka̱sham turare ni bu nkyang ba̱hyum a Ka̱za ka san a̱ bo hok ansham nna ni. 19Ka̱za nzuk ka i dityok nka ti a̱ byyi shya ba̱t. Nka a̱ ni ya ryi sa̱rei nkyang a yi cat i. Yi ni na̱ san mbvak Yesu Kristi. 20Zi dyep shii Ka̱za ka a̱ yet A̱tyyi njit i har a̱ba̱da abadin. Amin.
A̱ngbom byet u
21Yi n byei sa̱rei ba̱nyet ba Yesu Kristi na̱ tssa a̱ yei ba yet ba̱nuu ni. Sa̱rei ba̱wumbeyang tssup ba a̱ shyi ba̱ nzuk ni a̱ ya byei. 22Sa̱rei ba̱nyet ba a̱ yet ba̱nying Ka̱za ni a̱ ya byei, tum ba ba̱nyet a̱gbang A̱gwam Rom ba ba.
23N naai A̱gwam njit Yesu Kristi na̱ tyyi a̱liheri nu nu i swrang bu tswa nyin ji sa̱rei.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.