2 Ekuruhungi 3
3
Omautiro wokutunga ondjuwo ya Muhona
1 #
Gen 22:22
Ombara Salomo wa uta okutunga ondjuwo ya Muhona mOjerusalem kondundu ya Morija Muhona ke rimunikisira kombara David, ihe ya Salomo. David wa ṱunine poṋa mba rukuru, Omujebusi Ornan puya tondere ovikokotwa. 2Inga omatungiro ya utwa momueze outjavari wombura oitjaine youhona wa Salomo. 3Ondjuwo ya Ndjambi ndja tungwa i ombara Salomo ya ri noure wozometa omirongo vivari na hambombari nouparanga wozometa muvyu. 4Etuwo romahitiro ra ri nouparanga wondjuwo ya Muhona, okutja ozometa muvyu, nu ra ri noutonga wozometa omirongo vitano na ine. Moukoto mwa tuwa ongoldo ongohoke. 5Etuwo ndi enene ra vandekwa notupapa tu twa tuwa ongoldo ongohoke, ku kwa harekwa oviserekarera vyomavare nourenga. 6Ombara ya hareka ondjuwo ya Muhona nomawe omahuze, nongoldo ndja zire kehi ra Parwajim. 7Oyo ya vandeka omakuma wondjuwo nongoldo ndji, nozongunḓe nozongambezero nomivero vyayo wina. Momakuma wondjuwo ovaungure va korora mo oviserekarera vyovakerubi. 8#Eks 26:33, 34Etuwo romokwara, ndi isanewa Otjouyapukeyapuke, ra ri nozometa muvyu koure na kouparanga, pu pe ṱeki ouparanga wondjuwo oini. Omakuma wOtjouyapukeyapuke wa vandekwa nongoldo yondjinda ozotona omirongo vivari; 9nozomboha za ri nongoldo yondjinda yokirograma mangara ohinga; nomakuma womatuwo wokombanda wina ya tuwa ongoldo.
10 #
Eks 25:18-20
Nombara ya ungurisa oviserekarera vyovakerubi vivari kovaungure vayo; owo ve vi vandeka nongoldo nave vi twa mOtjouyapukeyapuke. 11Ovivava vyovakerubi imba vevari kumwe vya nyaturuka oure wozometa omurongo, otjivava tjimwe tjaumwe tji tja ri noure wozometa mbari nohinga aatji ṱunu kekuma rondjuwo, notjivava ihi otjikwao tji tja ri noure wozometa mbari nohinga aatji ṱunu kotjivava tjomukerubi ingwi omukwao. 12Notjivava tjimwe tjomukerubi, ingwi outjavari, tji tja ri noure wozometa mbari nohinga, aatji ṱunu kekuma rondjuwo; notjivava ihi otjikwao, tji tja ri noure wozometa mbari nohinga aatji ṱunu kotjivava tjomukerubi ingwi omutenga. 13Ovivava vyovakerubi mba vya nyaturuka oure wozometa omurongo; ovakerubi va kurama kozombara zawo amave tara kuṱa komahitiro. 14#Eks 26:31Ombara ya ungurisa wina erapi etjizikize rOtjouyapukeyapuke porupera na perapi erovazu neserarovazu neserandu pyu; nu mu tjo mwa ya taterwa oviserekarera vyovakerubi.
Ozongunḓe mbari zongoporo
(1Ozo 7:15-22)
15Ombara ya ungurisa ozongunḓe mbari zoutonga wozometa omurongo nandano nohinga, ne ze twa komurungu wondjuwo ya Muhona. Ongunḓe aihe ya ri notjiuru tjoutonga wozometa mbari. 16Oviuru vyozongunḓe vya harekwa nourenga nouketanga mbwa wozewa mumwe, nozondenya esere zongoporo. 17Ozongunḓe nḓa mbari za zikwa pomahitiro wondjuwo ya Muhona; imwe ndja ri kokumuho ya rukwa Jakin, nu indji yokokunene ya rukwa Boas.
Currently Selected:
2 Ekuruhungi 3: HRR-UNI
Highlight
Copy
Compare
Share
Want to have your highlights saved across all your devices? Sign up or sign in
Herero Revision Bible © Bible Society in Namibia, 2021.
