2 Ekuruhungi 17
17
Josafat ma rire ombara
1Josafat wa pingena ihe Asa mouhona, nu wa zeuparisa ouhona we mokurwisa Israel. 2Eye wa zikamisa oumbumba wovarwe wovita movihuro vya Juda mbya zeuparisiwa, na mehi arihe ra Judea, na movihuro vya Efraim mbya huurirwe i ihe Asa. 3Muhona wa sera Josafat ondaya, eye tjinga a kongorera otjihorera tjaihe mukurume David ne he rikotamene ku Baal. 4Eye wa karera Ndjambi wooihe nokuṱakamisa omatwako wa Ndjambi, nu ka tjitire omihingo vyOvaisrael. 5Muhona wa zikamisa ouhona wa Josafat nomasa mehi arihe ra Juda; novandu avehe ve mu etera oviyandjewa, notja rira omutumbe na yozikwa tjinene. 6Eye wa panḓipara mokukarera Muhona, na nyono poṋa pekepeke pomerikotameneno kovisenginina kozondunda, ovihenḓe ovizere vyomukuru wotjisenginina oserekaze Asera mOjuda.
7Mombura oitjatatu youhona we wa hinda ovahongore mba okukahonga ovandu movihuro vya Juda: OoBen-Hajil na Obadja na Sakaria na Netanel na Mikaja. 8Owo va ri puna Ovalevi muvyu mba: OoSemaja na Netanja na Sebadja na Asahel na Semiramot na Jonatan na Adonija na Tobija na Tob-Adonija, novapristeri vevari ooElisama na Jehoram. 9Owo va toora Embo rOmatwako wa Muhona nave tuurunga ovihuro avihe vya Juda, amave hongo inga omatwako kovandu.
Ounene wa Josafat
10 Muhona wa tjita kutja omauhonapare aehe, nga kondorokere ehi ra Juda, ye tire okuhinga ovita kuna Josafat. 11Ovafilisti tjiva va etera Josafat osilveri onyingi otja otjisuta noviyandjewa ovingi, nOvaaraba tjiva ve mu etera ozondwezu zozonḓu 7 700, nozongombo 7 700. 12Josafat otja ririra ko omunamasa tjinene. MOjuda arihe wa tunga mo oviṱunga novihuro 13muyamu pwikirwa oviparure ovingi.
MOjerusalem wa zika mo ovahongore ovatoororwa, 14otja kozonganda zawo. Adna wa ri omuhongore wovira vyovita vyozonganda zOvajuda; eye wa ri novarwe 300,000. 15Outjavari motjihako wa ri Johanan, ngwa ri novira vyovarwe 280,000; 16noutjatatu wa ri Amasja, omuzandu wa Sikri, ngwe riyandja nombango ye omuini okukarera Muhona, nu ngwa ri novira vyovarwe 200,000, mba ri ozombangaṋe. 17Omuhongore wovira vyovita vyozonganda zomuhoko wa Benjamin wa ri Eliada, omurwe ombangaṋe, ngwa ri novira vyovarwe 200,000, mba ri notuvao nomauta. 18Omunane wokehi ye wa ri Josabad, ngwa ri novira vyovarwe 180,000 mbe ripangaṋena otjirwa nawa. 19Ovarumendu mba va karera ombara puna imba mba zikwa movihuro vyarwe vya Juda mbya zeuparisiwa.
Currently Selected:
2 Ekuruhungi 17: HRR-UNI
Highlight
Copy
Compare
Share
Want to have your highlights saved across all your devices? Sign up or sign in
Herero Revision Bible © Bible Society in Namibia, 2021.
