साल्न्हाका चात्या 23
23
1पावल माहासभाता हिका द्याङगेलाइ भारि खाङहि, कालाउ दोअ्हि, “काङको ओनेगेलाइ, नानिको दिना थेकापा परमेस्वरको नजरता काङको जिबन सुद्द बिबेकहोइ बितिपातेङ हिघा।”
2पावल इदोइ काथा दोअ्का हिङतेङ प्राधान पुजारि हननिया पावलको भेरपा जाअ्तेङ हिका द्याङगेलाइहेङ वाको नुइता चाउरेलि हुकुम पिहि। 3हासु बुङ पावलहेङ चाउरेलि दोतेङ न्हुसो पावल हननियाहेङ दोअ्हि, “ओइ कपटि! परमेस्वर नासेहेङ बुङ दानाइयावा। नाअ् मोसाको व्यवस्था आन्सार काङको न्याय पालि योम्तेङ हिना, कालाउ हाइ नाअ् व्यवस्थाको बिरुद्द द्याङगेलाइहेङ कासेहेङ दानाइलि हुकुम पिखेना?”
4पावलको भेरपा जाअ्तेङ हिका द्याङगेलाइ दोअ्हि, “हाइ नाअ् परमेस्वरको प्राधान पुजारिको आपामान पाखेना?”
5पावल दोअ्हि, “ओइ ओनेगेलाइ, कासेहेङ थाहा मान्थुघाखे, कि वा प्राधान पुजारि हि। हाइपालिपानु धर्मसास्तरता लेखेका हि,
‘नाअ् ताइको द्याङगेलाइको आगुवाको बिसोइता आखेका काथागेलाइ पालि माएल।’”
6कालाउ माहासभाता आधिमि सदुकिगेलाइ कालाउ आधिमि फारिसिगेलाइ बुङ हि दोअ्का थाहा निङतेङ पावल बारका गालाहोइ दोअ्हि, “काङको ओनेगेलाइ, का फारिसि दोङ हिघा कालाउ काङको पुर्खागेलाइ बुङ फरिसिदोङ हिघाहि। का इता मुद्दाता हिघा हाइपालिपानु का आस पाखा, कि परमेस्वर सिका द्याङगेलाइहेङ आरोङ सिन्चालपाङ।” 7जेलाउ पावल एन्सा दोअ्हि, इन्ता फारिसि कालाउ सदुकिगेलाइको माझाता चेरसुलि तेङहि, कालाउ जेरता खेङन्हाहि। 8सदुकिगेलाइको खाङधुरि हिघाहि, कि द्याङगेलाइ सितेङ न्हुसो इम्बालाइ आरोङ मासिन्हुताङ, कालाउ स्वर्गदुत कालाउ आत्मा माजेनाङ। कालाउ फारिसिगेलाइ चाहि इदोइ गोताङ काथाता खाङधुरि पाखे।
9ओदोङ काथाहोइ माहासभाता बार्का जोग्ग्रेका मच्चिहि, कालाउ आधिमि मोसाको व्यवस्था धिरपाका द्याङगेलाइ, जाइ फारिसिगेलाइ हिघाहि, इम्बालाइ जाअ्तेङ सादुकिगेलाइको बिरोध पाकाताङ दोअ्हि, “केलाइ इदोइ द्याङको बिरोधता हिदोइ बुङ गोल्ति मानिङन्हाहि। जेङलि दोअ् वाको दोफा आत्मा माकुनु स्वर्गदुत नुइ धुइका वाला।” 10जेलाउ इम्बालाइको चेरसुका झन बाढेलि तेङहि, चेरसुकाता पावलहेङ चिलिबिलि पातेङ सेअ्ताङ वालाबे दोअ्का थितेङ सेनापति पावलहेङ इम्बालाइको माझासो ओल्ला पातेङ ब्यारेक लिता जबरजस्ति चुम्पुसु दोअ्तेङ सिपालाइहेङ आग्या पिहि।
11कोकोङ न्हिसिन्ता प्रभु येसु पावलको भेरपा लोतेङ दोअ्हि, “साहासि जेङ, हाइपालिपानु जेसाङ नाअ् यरुसेलेम सहरता काङको बिसोइता साक्सि पिन्हा, एन्साङ पातेङ नाअ् रोम सहरता बुङ हानितेङ काङको बिसोइता साक्सि पिलि गोयाना।”
पावलहेङ सेअ्लि दाउ भोका
12ह्रिमा झेङतेङ आधिमि यहुदि द्याङगेलाइ पावलहेङ सेअ्लि योजाना बानाइहि कालाउ इम्बालाइ एसा दोअ्तेङ केरा चाहि, “जेलाउ थेकापा पावलहेङ मासेपा थेकापा केलाइ हाइ दोङ माचाङ कालाउ चि बुङ आमाङ।” 13या सड्यनत पाका द्याङगेलाइ न्हे कुरि झना खान्तेङ हेन्जा हिघाहि। 14कालाउ उङको द्याङगेलाइ मुलि पुजारिगेलाइ कालाउ यहुदि आगुवागेलाइकोता हानितेङ दोअ्हि, “केलाइ पावलहेङ मासेपा भरि हाइ दोङ माचाङ कालाउ माआमाङ दोअ्तेङ ध्रिट केरा चाका हिनाहि। 15ओदोङ भाअ्सिङ नेलाइ माहासभा दोफा मिलितेङ सेनापतिहेङ आपिल पासु, कालाउ पावलको मुद्दाको फाइसाला आझाइ रेम्काङ तरिकाहोइ पालि गोयाङ दोअ्का बाहाना पातेङ पावलहेङ ओल्ला पातेङ इता चुमावा। कालाउ केलाइ पावलहेङ दामाता दोङ सेअ्लि तियार जेङतेङ ह्याङ।”
16कालाउ यहुदिगेलाइ पावलहेङ सेअ्लि बानाइका योजाना वाको भाअ्गेना थाहा निङहि। कालाउ वा ब्यारेक लिता हानितेङ पावलहेङ इङको काथा हिङपाहि।
17कालाउ पावल कप्तानगेलाइ मध्ये एमिहेङ काइतेङ दोअ्हि, “इदोइ वाजानहेङ सेनापतिकोता चुम्पुतेङ हाने, वा हाइ दोङ दोअ्लि भोखे।”
18ओदोङ भाअ्सिङ कप्तान पावलको भाअ्गेनाहेङ सेनापतिकोता चुम्पुतेङ हानिहि कालाउ दोअ्हि, “कैदि पावल कासेहेङ काइतेङ इदोइ वाजानहेङ नाङकोता सिरपुलि दोअ्का हि, हाइपालिपानु वा नासेहेङ हाइ दोङ दोअ्लि भोखे।”
19सेनापति उङको वाजानको खुर चातेङ एकुन्हाता चुम्पुतेङ दोअ्हि, “नाअ् कासेहेङ हाइ दोअ्लि खाङखेना?”
20उङको वाजान दोअ्हि, “यहुदि आगुवागेलाइ पावलको बिसोइता आझाइ रेम्फा हिअ्लि जुम्नि वासेहेङ माहासभाता चुमालि दोअ्तेङ नाङको दोफा आनुरोध पाका मत पाका हि। 21कालाउ नाअ् इम्बालाइको काथा माअ्सा, हाइपालिपानु इम्बालाइ मध्ये न्हे कुरि झना खान्तेङ हेन्जा द्याङगेलाइ पावलहेङ जेलाउ थेकापा मासेअ्ताङ हाइ दोङ माचाङ, कालाउ हाइ दोङ माआमाङ दोअ्तेङ केरा चातेङ दामाता सेअ्लिको भाअ्सिङ रेसितेङ हि। कालाउ एला इम्बालाइ नाङको आग्याको आसता ह्रुम्तेङ हि।”
22सेनापति उङको वाजानहेङ एसा दोअ्तेङ दिङगिल्हि, “हासुहेङ बुङ नाअ् कासेहेङ दोअ्का काथा माअ्दो।”
पावलहेङ कैसरिया सहरता दिङगिल्का
23कालाउ न्हुसो सेनापति वाको न्हेमि कप्तानगेलाइहेङ काइतेङ दोअ्हि, “कैसरिया सहरता हानिलिको भाअ्सिङ न्हे साइ सिपालाइ, सुम कुरि ते झना ओह्याँ धाअ्पाकालाइ कालाउ न्हे साइ भाला फुका सिपालाइ तियार पासु। नेलाइ क्वा बजे बेलालाउ हानिलि तियार जेङलि गोइस्वाना। 24कालाउ पावलको भाअ्सिङ बुङ ओह्याँगेलाइ चुमासु, कालाउकि पावलहेङ हाकिम फेलिक्सकता सामाराइतेङ चुम्पुलि द्वाको।” 25सेनापति इसिका एनोङ चिट्ठिबुङ हाकिमहेङ लेखेहि:
26“मानेनिय हाकिम फेलिक्सहेङ, का क्लौडियस लुसियसको सेउपाखा! 27या द्याङहेङ यहुदिगेलाइ रिम्तेङ सेअ्लि खाङघाखे, कालाउ या एमि रोमि नागरिक हि दोअ्तेङ थाहा निङतेङ का सिपालाइहेङ चुम्पुतेङ हानिघा कालाउ वासेहेङ लाअ्पाघा। 28का गिलि भोघाखा, कि इम्बालाइ हाइ पालि वासेहेङ दुसितेङ हि। ओदोङ भाअ्सिङ का इम्बालाइको माहासभाता वासेहेङ चुमाघा। 29कालाउ न्हुसो का थाहा निङघा, कि इम्बालाइ ताइको यहुदि व्यवस्थाको आसहमतिको बारेता वासेहेङ दुसितेङ हि। कालाउ वासेहेङ का सिका दन्ड माकुनु झ्यालखानाता थुनिका हिदोइ बुङ दुसिका मानिङघा। 30जेलाउ कासेहेङ हिङपाहि, कि वासेहेङ यहुदिगेलाइ सेअ्लि सद्यन्तर पातेङ हि, कालाउ का वासेहेङ धेमाङ नाङकोता दिङगिल्का हिघा, कालाउ वासेहेङ दुसिका यहुदिगेलाइहेङ बुङ ताइको आरोपगेलाइ नेलाइको आगाता चुमाको दोअ्तेङ आदेस पिहि।”
31एसापा दोङ सेनापतिसो निङका आदेस आन्सार सिपालाइ पावलहेङ कोकोङ न्हिसिन्ता यरुसेलेमसो एन्टिपाट्रिस सहरता थुका पापुहि। 32न्हु दिन पावलहेङ तेतेङ हानिका सिपालाइ चाहि ओह्याँ धाअ्पाका सिपालाइ दोफा कैसरिया सहर हानिलिको भाअ्सिङ जिम्मा पिहि कालाउ ताइमि चाहि यरुसेलेम घुरिहि। 33ओह्याँ धाअ्पाका सिपालाइ कैसरिया सहरता थुकातेङ इम्बालाइ हाकिमहेङ चिट्ठि पिहि, कालाउ पावलहेङ बुङ वाकोता सुम्पिहि। 34हाकिम चिट्ठि पढेतेङ पावलहेङ हिअ्हि, “नाअ् हिदोइ प्रदेसको हिना?” पावल चाहि किलिकिया प्रदेसको हि दोअ्तेङ थाहा निङका न्हुसो हाकिम दोअ्हि, 35“कालाउ हाकिम दोअ्हि, नासेहेङ उजुरि पिकालाइ इता लोनु का नाङको मुद्दा खानाङका।” कालाउ न्हुसो वा पावलहेङ राजा हेरोदको महलता रेम्फा रेसितेङ ताअ्लि दोअ्का आदेस पिहि।
Currently Selected:
साल्न्हाका चात्या 23: DHINT
Highlight
Share
Compare
Copy
Want to have your highlights saved across all your devices? Sign up or sign in
Dhimal New Testament, by The Love Fellowship is licensed under Creative Commons Attribution-ShareAlike 4.0 License.
