Zakharia Uram 8
8
Er Imtamnyi biryi, “Yerusalem atei tubto tamuboka dobkwan,” ebmou uram deyok
8:1-19
1Er Iya Erebdobnyi, imtam yin doun nang sienyi biryi uram ara ato ebdeibmou. 2“Ni Iya Erebdobnyi, imtam yin doun nang sienyi biryi ato ebdeibman. Sion mutuk dub nang asi Ni boukwe deyok aryi sunsi ilinto boukwe kiboka lemdeirinun. Ura, Ni uram keken atei nang asi mar bonung nang ara Niryi sunsi yu ilinto bonun.” 3Er Iya Erebdobnyi biryi ato ebmou, “Nira Ni atei Sion dub tubto tamuryandoka Yerusalem atei noutam iya kubkwan. Ba, Yerusalem atei ara, ‘Busul Atei,’ ebkwaming. Tonda, ‘Er Iya Erebdobnyi biryi wibmou mutuk kon iya teleb mutuk kon,’ ebkwaming,” ebmou. 4Er Iya Erebdobnyi, imtam yin doun nang sienyi biryi ato ebmou, “Ura, Yerusalem atei yibaramingnyi bisik nirya bisik iririkna dam asi iya wise dandob ner sal ara ur mangkau asa aryi sun yuk-yuk kama dumubdaki bukwaming. 5Ani, akatei bisik yibaramingnyi ai nirya ara mitik mabwe nermabwe arikal dobkwaming ara libkwande,” ebmou. 6Ura, ton Er Iya Erebdobnyi, imtam yin doun nang sienyi biryi uram ara ato ebdeibmou. “Ba, a kunubkwande talak aryi takdongoamingnyi nang aryi a dinyi nirya ati, ‘Nai ukubman kumto dinyi asi kunubmar,’ tenebkwaming. Bok, Ni dam ara ukubman kum dinyi ton kum kurur,” eboka Er Iya Erebdobnyi, imtam yin doun nang sienyi biryi ebmou. 7Er Iya Erebdobnyi, imtam yin doun nang sienyi biryi ato ebmou. “Diba ati, Ni Imtamnyi biryi Ni uram keken nang asi yaletam aryi deyok kuboka lebkalianyi uca, kitingbantam sirya lembinkwan. 8Ura, Niryi sunsi lebokabniryi, tamuboka boyankwan. Ba, sunci Yerusalem atei noutam iya kubdobkwaming. Ura, sunda Ni mabwe nermabwe kubingnyi ura, Nira sun Nai kibniryi busul dinyi ab dib dinyi ab aryi kalikmurubkwan,” ebmou.
9Er Iya Erebdobnyi, imtam yin doun nang sienyi biryi ato ebmou. “We, sun a talak aryi Er Imtamnyi uram asi kekendarur nang ara sun kanya darabdobdarur. Ara, sun Er uram ermurun nang nabi nang aryi enung ba, kekendarur nang ara kanya darabdobdarur. Yuma Er Imtamnyi biti dama deirin ai Bait Allah ai tubto tamuboka dobkwandauci, ai dika dein keil deirirdongon tum aryi, Er Iya Erebdobnyi, imtam yin doun nang sienyi biryi uram arukmou uram kekebkalibmandau nang ara kanya darabdobdarur. 10Ara, ato ati ebmasin. Ni Imtamnyi biti dama deirin ai dona kabul talak ara ninyi babyi lulungnande dinyi babyi ukutotoa ukurdena ton kum kuramnyi. Tonda, a talak ara ur mangkau kurona ton kum kuramnyi eda, ninyi mar bordarona akwe kuramnyi. Ani, Niryi sun mamun uram ebdandoka mar bordaron dinyi akwe kimdeiriranse. 11Bok, ukuryok ara, akatei nang kablobdob nang asi minob kubdeianse to kum kubkwan. 12Eda, Niryi sun dam asi mangkau kubdobkwaming yala kwekwan. Ba, co anggur du moubdeibkwande ani, tukwe yina teleb kuboka abdeibkwande ani, im aryi mo doun teleb dobkwetebkwande. A dinyi nirya ara Niryi sun kablobdob nang ati karebkwan ba, nirya sun dinyi kibkwande. 13We, sun Yehuda nang ab Israel nang ab a. Sunda yuk atei nang-yuk atei nang kankan aryi sumna nang kurandau. Asi, ukuryok ara Niryi sunsi lebdeibmasin ba, sunda kisal dangna nang kundarur. Ati, sun kanya ilil kusina mem, sun kanya mikib yabdobdarur,” eboka Er Iya Erebdobnyi, imtam yin doun nang sienyi ebmou.
14A deyok ati, Er Iya Erebdobnyi, imtam yin doun nang sienyi biryi ton ato ebmou, “Minob talak ara sun abwe yabwe aryi Nisi yu kimsiniranei deyok aryi Niryi sunsi obkwan teneranse dinyi ara diba kunuranse. A uram eranse dinyi ara iya uku talak ababyi kunubkwansir. 15Bok, ukuryok ara niryi sun Yerusalem atei nang ab, Yehuda nang ab teleb kubdeibkwansin tenebmasin. Ati, sun ilil kusina mem. 16Sunda anda dinyi asi kununkwandarur: Sun mamun asi uram ebdankwamamunyi ura, dib uram akwe erdankwandarur. Ani, kikimanto uram akwe ebdandoka kununkwandarur. Ani, sun atei wengyangan bisik bublan dam asi mangkau kurdeirisin dinyi akwe kununa teleb.#Ef. 4:25 17Sunci sun mamun asi, ‘Obdatibyi,’ tenen uram sisikoka kiknirminingna mem. Ani, tola uram eboka katabum erminingdana mem. Nira atoto dinyi nirya ara Ni li kunurur ati ebman,” eboka Er Iya Erebdobnyi biryi ebmou.
18Er Iya Erebdobnyi, imtam yin doun nang sienyi biryi nisi uram ebdeibmou. Ara, ato ebmou, 19“Er Iya Erebdobnyi, imtam yin doun nang sienyi biryi ato ebmar. Sunci Nisi kanya teleb kubdeibkwayeb tenen dumwe wala ab, amwe wala ab, ta wala ab takwe ab ara yina si teboka burandum talak kubci ura, sunci tubto yina si teboka kum bukwandum. Eda, sun Yehuda nang ara a wala ara kanya kilkil asa aryi weik kwalina kwalibde yin tum kibkwandum. Ati, sunda u dikum kun dinyi ab ur mangkau kuron dinyi ab asi kanyi deibdobdarur,” ebdeibmou.
“Yuk mutuk atei nang ababyi lemna dinyi dobdobkwaming,” uram deyok
8:20-23
20Er Iya Erebdobnyi, imtam yin doun nang sienyi biryi ato ebmou, “Yuk atei nang-yuk atei nang ilinto aryi Yerusalem atei wengyankwaming talak dam kubmar. 21Ura, ton atei nang aryi ton yuk atei dam bindoka ato eboka arukdankwaming, ‘Nunbabyi Yerusalem atei dam binkwamab ati, sunbabyi yangandarur. Nun tonkwa bindoka Er Iya Erebdobnyi bisi moloboka Er Iya Erebdobnyi, imtam yin doun nang sienyi bisi ingkiringdorbinkwayeb. Ati, nun milibdobsindarur,’ ebdankwaming. 22Ato ebdandoka bulubkwaming deyok aryi mikib ilinto mutuk atei nang ab, mikib ilinto yala nang ab aryi Er Iya Erebdobnyi, imtam yin doun nang sienyi bisi Yerusalem atei ingkiringyandoka Ersi moloryankwaming talak dam kubmar,” ebmou.
23Er Iya Erebdobnyi, imtam yin doun nang sienyi biryi ton ato ebmou, “A talak aryi yuk atei nang ninyi takubaryi aryi Yahudinyi tentok asi, er alib ongon aling bilul talebnurubdongobokabingiryi, ato ebkwaming, ‘Nun kekenub uca, sunda Er Imtamnyi biryi kisal dangsurur en uram kekenub ati, sun kisal dangsurur to nunbabyi kisal dakwansir ati, Yerusalem atei bana ara nun ab tonkwa bindobkwayeb,’ ebkwaming,” eboka Er Imtamnyi biryi Zakharia dam asi ebdeibmou.
Currently Selected:
Zakharia Uram 8: MTG
Highlight
Copy
Compare
Share
Want to have your highlights saved across all your devices? Sign up or sign in
@LAI 2007 (New Testament), @LAI2022 (Old and New Testament)
Zakharia Uram 8
8
Er Imtamnyi biryi, “Yerusalem atei tubto tamuboka dobkwan,” ebmou uram deyok
8:1-19
1Er Iya Erebdobnyi, imtam yin doun nang sienyi biryi uram ara ato ebdeibmou. 2“Ni Iya Erebdobnyi, imtam yin doun nang sienyi biryi ato ebdeibman. Sion mutuk dub nang asi Ni boukwe deyok aryi sunsi ilinto boukwe kiboka lemdeirinun. Ura, Ni uram keken atei nang asi mar bonung nang ara Niryi sunsi yu ilinto bonun.” 3Er Iya Erebdobnyi biryi ato ebmou, “Nira Ni atei Sion dub tubto tamuryandoka Yerusalem atei noutam iya kubkwan. Ba, Yerusalem atei ara, ‘Busul Atei,’ ebkwaming. Tonda, ‘Er Iya Erebdobnyi biryi wibmou mutuk kon iya teleb mutuk kon,’ ebkwaming,” ebmou. 4Er Iya Erebdobnyi, imtam yin doun nang sienyi biryi ato ebmou, “Ura, Yerusalem atei yibaramingnyi bisik nirya bisik iririkna dam asi iya wise dandob ner sal ara ur mangkau asa aryi sun yuk-yuk kama dumubdaki bukwaming. 5Ani, akatei bisik yibaramingnyi ai nirya ara mitik mabwe nermabwe arikal dobkwaming ara libkwande,” ebmou. 6Ura, ton Er Iya Erebdobnyi, imtam yin doun nang sienyi biryi uram ara ato ebdeibmou. “Ba, a kunubkwande talak aryi takdongoamingnyi nang aryi a dinyi nirya ati, ‘Nai ukubman kumto dinyi asi kunubmar,’ tenebkwaming. Bok, Ni dam ara ukubman kum dinyi ton kum kurur,” eboka Er Iya Erebdobnyi, imtam yin doun nang sienyi biryi ebmou. 7Er Iya Erebdobnyi, imtam yin doun nang sienyi biryi ato ebmou. “Diba ati, Ni Imtamnyi biryi Ni uram keken nang asi yaletam aryi deyok kuboka lebkalianyi uca, kitingbantam sirya lembinkwan. 8Ura, Niryi sunsi lebokabniryi, tamuboka boyankwan. Ba, sunci Yerusalem atei noutam iya kubdobkwaming. Ura, sunda Ni mabwe nermabwe kubingnyi ura, Nira sun Nai kibniryi busul dinyi ab dib dinyi ab aryi kalikmurubkwan,” ebmou.
9Er Iya Erebdobnyi, imtam yin doun nang sienyi biryi ato ebmou. “We, sun a talak aryi Er Imtamnyi uram asi kekendarur nang ara sun kanya darabdobdarur. Ara, sun Er uram ermurun nang nabi nang aryi enung ba, kekendarur nang ara kanya darabdobdarur. Yuma Er Imtamnyi biti dama deirin ai Bait Allah ai tubto tamuboka dobkwandauci, ai dika dein keil deirirdongon tum aryi, Er Iya Erebdobnyi, imtam yin doun nang sienyi biryi uram arukmou uram kekebkalibmandau nang ara kanya darabdobdarur. 10Ara, ato ati ebmasin. Ni Imtamnyi biti dama deirin ai dona kabul talak ara ninyi babyi lulungnande dinyi babyi ukutotoa ukurdena ton kum kuramnyi. Tonda, a talak ara ur mangkau kurona ton kum kuramnyi eda, ninyi mar bordarona akwe kuramnyi. Ani, Niryi sun mamun uram ebdandoka mar bordaron dinyi akwe kimdeiriranse. 11Bok, ukuryok ara, akatei nang kablobdob nang asi minob kubdeianse to kum kubkwan. 12Eda, Niryi sun dam asi mangkau kubdobkwaming yala kwekwan. Ba, co anggur du moubdeibkwande ani, tukwe yina teleb kuboka abdeibkwande ani, im aryi mo doun teleb dobkwetebkwande. A dinyi nirya ara Niryi sun kablobdob nang ati karebkwan ba, nirya sun dinyi kibkwande. 13We, sun Yehuda nang ab Israel nang ab a. Sunda yuk atei nang-yuk atei nang kankan aryi sumna nang kurandau. Asi, ukuryok ara Niryi sunsi lebdeibmasin ba, sunda kisal dangna nang kundarur. Ati, sun kanya ilil kusina mem, sun kanya mikib yabdobdarur,” eboka Er Iya Erebdobnyi, imtam yin doun nang sienyi ebmou.
14A deyok ati, Er Iya Erebdobnyi, imtam yin doun nang sienyi biryi ton ato ebmou, “Minob talak ara sun abwe yabwe aryi Nisi yu kimsiniranei deyok aryi Niryi sunsi obkwan teneranse dinyi ara diba kunuranse. A uram eranse dinyi ara iya uku talak ababyi kunubkwansir. 15Bok, ukuryok ara niryi sun Yerusalem atei nang ab, Yehuda nang ab teleb kubdeibkwansin tenebmasin. Ati, sun ilil kusina mem. 16Sunda anda dinyi asi kununkwandarur: Sun mamun asi uram ebdankwamamunyi ura, dib uram akwe erdankwandarur. Ani, kikimanto uram akwe ebdandoka kununkwandarur. Ani, sun atei wengyangan bisik bublan dam asi mangkau kurdeirisin dinyi akwe kununa teleb.#Ef. 4:25 17Sunci sun mamun asi, ‘Obdatibyi,’ tenen uram sisikoka kiknirminingna mem. Ani, tola uram eboka katabum erminingdana mem. Nira atoto dinyi nirya ara Ni li kunurur ati ebman,” eboka Er Iya Erebdobnyi biryi ebmou.
18Er Iya Erebdobnyi, imtam yin doun nang sienyi biryi nisi uram ebdeibmou. Ara, ato ebmou, 19“Er Iya Erebdobnyi, imtam yin doun nang sienyi biryi ato ebmar. Sunci Nisi kanya teleb kubdeibkwayeb tenen dumwe wala ab, amwe wala ab, ta wala ab takwe ab ara yina si teboka burandum talak kubci ura, sunci tubto yina si teboka kum bukwandum. Eda, sun Yehuda nang ara a wala ara kanya kilkil asa aryi weik kwalina kwalibde yin tum kibkwandum. Ati, sunda u dikum kun dinyi ab ur mangkau kuron dinyi ab asi kanyi deibdobdarur,” ebdeibmou.
“Yuk mutuk atei nang ababyi lemna dinyi dobdobkwaming,” uram deyok
8:20-23
20Er Iya Erebdobnyi, imtam yin doun nang sienyi biryi ato ebmou, “Yuk atei nang-yuk atei nang ilinto aryi Yerusalem atei wengyankwaming talak dam kubmar. 21Ura, ton atei nang aryi ton yuk atei dam bindoka ato eboka arukdankwaming, ‘Nunbabyi Yerusalem atei dam binkwamab ati, sunbabyi yangandarur. Nun tonkwa bindoka Er Iya Erebdobnyi bisi moloboka Er Iya Erebdobnyi, imtam yin doun nang sienyi bisi ingkiringdorbinkwayeb. Ati, nun milibdobsindarur,’ ebdankwaming. 22Ato ebdandoka bulubkwaming deyok aryi mikib ilinto mutuk atei nang ab, mikib ilinto yala nang ab aryi Er Iya Erebdobnyi, imtam yin doun nang sienyi bisi Yerusalem atei ingkiringyandoka Ersi moloryankwaming talak dam kubmar,” ebmou.
23Er Iya Erebdobnyi, imtam yin doun nang sienyi biryi ton ato ebmou, “A talak aryi yuk atei nang ninyi takubaryi aryi Yahudinyi tentok asi, er alib ongon aling bilul talebnurubdongobokabingiryi, ato ebkwaming, ‘Nun kekenub uca, sunda Er Imtamnyi biryi kisal dangsurur en uram kekenub ati, sun kisal dangsurur to nunbabyi kisal dakwansir ati, Yerusalem atei bana ara nun ab tonkwa bindobkwayeb,’ ebkwaming,” eboka Er Imtamnyi biryi Zakharia dam asi ebdeibmou.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
@LAI 2007 (New Testament), @LAI2022 (Old and New Testament)