Zakharia Uram 7
7
“Er Imtamnyi biti kanya teleb kubdeibkwayeb,” tenen yina si teboka bun uram deyok
7:1-14
1Ninyi si Darius bira Persia mutuk weik sienyi kibmou talak kwalina dumbaryi kimbinmou. Ura, toubne wala si ara Kislew asi tanggal 4 baryi aryi Er Iya Erebdobnyi biryi Zakharia bisi uram ton ebdeibmou. 2A talak ara sun Betel nang aryi Er Iya Erebdobnyi bisi kanya teleb kubdeiboka kisal dangna dinyi molobkwamai ati, ninyi si Sarezer ab, Regem-Melekh ab ton yuk nang sun milin nang ab kuboka Yerusalem atei bokeibmai. 3Ura, a nang aryi ninyi dama deirin nang imam nang ara Er Imtamnyi iya Erebdobnyi ai umbura wa in nang asi asibkwamai ati bokeibmai. Ani, tonda Er Imtamnyi uram ermurun nang nabi nang asi asibdenkwamai ati uram eboka bokeibmai. Ura, uram ara ato ebkarebmaici bokeibmai, “Sunci, ‘Nun nirya ara Er Imtamnyi biti dama deirin ai Bait Allah dangna ati, kwalina bisibci tok nirya wala amubaryi wala aryi engeboka yina si tebde kuramibyi tok do? Aminda ara ton ur dem kubkwayeb do? Kum do?’ eboka asibdendarur,” eboka bokeibmai. 4Uca, Er Iya Erebdobnyi, imtam yin doun nang sienyi biryi nisi uram ato ebdeibmou. 5“Sun a mutuk nang nirya ab, ninyi dama deirin nang ab asi ato ebdum, ‘Sunci, kwalina 70 baryi nirya ara amubaryi wala ab tabaryi ab dobci ura, yina si teboka engendarur dinyi ara Niti kiboka kisal dangnin dinyi ati kum kundarur. 6Ani, sunci yina yinmamunyi dinyi ab me yinmamunyi dinyi ab ara sun kanya teleb kusin dinyi atikwe yina yiboka me yiboka kimdarur. 7A uram akikwe minob talak aryi Yerusalem atei ab akatei dam dina-dina donung atei ab ara ninyi kuboka mangkau asa kuramnyi asi Er Iya Erebdobnyi biryi Er uram ermurun nang nabi nang deici uram erdeiramwe. Ani, ninyi Negeb mutuk dam ab, yim deici mutuk dam ab ninyi tuba kuramnyi talak aryi uram sirya ebdeiamwe,’ ebdum,” ebdeibmou. 8Ura, Er Iya Erebdobnyi biryi Zakharia bisi ton ato ebdeibmou, 9“Er Iya Erebdobnyi, imtam yin doun nang sienyi biryi nisi uram ato ebdeibmar. ‘Sunci, minob talak aryi, “Ato kubdarur-ato kuna mem,” ebdeiansise uram asi diboka kunubdarur. Ura, tonda sunci busul kun dinyi ab, sun ninyi mamun asi boukwe kimdan dinyi ab asi kubdarur. 10Ani, “Sulyi nerabwe ab, kwaknamna mabwe nermabwe ab, ninyi atei nang ab, utotoa kum nang ab asi mambul kimdeirina mem,” eansise. Ani, “Sun mamun asi yu dinyi ati, kanya teneiboka kiknirminingdana mem,” ebdeianse. 11Bok, sun kanya kat biribsinibdandoka Ni uram ara kum kekeana ato kurongnamnyi. Ani, Ni uram kekena, “Nun li,” tenebingnyi ura, takonya limlimik erongnung. Ani, “Nunda Er Imtamnyi uram ara kekebibyei,” tenebingnyi ura, sun amol kiningdaronung. 12Ani, sunci Er Iya Erebdobnyi, imtam yin doun nang sienyi biryi Er kanya biriman aryi Er uram ermurun nang imam nang liknibdongoboka eramwe uram asi, “A uram ara kekena nun li,” tenen sun kanya keil kat si amril ato birirsinirdaramnyi. A deyok aryi Er Iya Erebdobnyi biryi sunsi wenena weik dinyi kareamwe,’ ebdum,” ebdeibmou. 13Ura, Erci ato ebdeibmou, “Kanci ato ebtabakdum, ‘Niryi sunsi namanyi talak ara Ni uram kum kekeana ato kurongnamnyi to, Nibabyi sunci Nisi namaningnyi ura, sun uram ara kum kekeana ato kurongnanse,’ eboka Er Iya Erebdobnyi, imtam yin doun nang sienyi biryi ebmou. 14‘A deyok aryi Niryi sunsi kumwe kuna ubdonokanse. Ba, sun kum bingdamnyi nang atei dam bindoka kuramnyi. Ba, sun kuramnyi mutuk dam ara ninyi singsing kum dandobmou aryi a mutuk dam ara ninyi urasin ton lak kum kimnamwe. Ato kuboka atei keta teleb doramnyi atei asi ninyi kum kuramnyi atei ato kuboka ninyi singsing kum danamwe,’ eboka Er Iya Erebdobnyi, imtam yin doun nang sienyi biryi ebdeibmar,” ebmou.
Currently Selected:
Zakharia Uram 7: MTG
Highlight
Copy
Compare
Share
Want to have your highlights saved across all your devices? Sign up or sign in
@LAI 2007 (New Testament), @LAI2022 (Old and New Testament)
Zakharia Uram 7
7
“Er Imtamnyi biti kanya teleb kubdeibkwayeb,” tenen yina si teboka bun uram deyok
7:1-14
1Ninyi si Darius bira Persia mutuk weik sienyi kibmou talak kwalina dumbaryi kimbinmou. Ura, toubne wala si ara Kislew asi tanggal 4 baryi aryi Er Iya Erebdobnyi biryi Zakharia bisi uram ton ebdeibmou. 2A talak ara sun Betel nang aryi Er Iya Erebdobnyi bisi kanya teleb kubdeiboka kisal dangna dinyi molobkwamai ati, ninyi si Sarezer ab, Regem-Melekh ab ton yuk nang sun milin nang ab kuboka Yerusalem atei bokeibmai. 3Ura, a nang aryi ninyi dama deirin nang imam nang ara Er Imtamnyi iya Erebdobnyi ai umbura wa in nang asi asibkwamai ati bokeibmai. Ani, tonda Er Imtamnyi uram ermurun nang nabi nang asi asibdenkwamai ati uram eboka bokeibmai. Ura, uram ara ato ebkarebmaici bokeibmai, “Sunci, ‘Nun nirya ara Er Imtamnyi biti dama deirin ai Bait Allah dangna ati, kwalina bisibci tok nirya wala amubaryi wala aryi engeboka yina si tebde kuramibyi tok do? Aminda ara ton ur dem kubkwayeb do? Kum do?’ eboka asibdendarur,” eboka bokeibmai. 4Uca, Er Iya Erebdobnyi, imtam yin doun nang sienyi biryi nisi uram ato ebdeibmou. 5“Sun a mutuk nang nirya ab, ninyi dama deirin nang ab asi ato ebdum, ‘Sunci, kwalina 70 baryi nirya ara amubaryi wala ab tabaryi ab dobci ura, yina si teboka engendarur dinyi ara Niti kiboka kisal dangnin dinyi ati kum kundarur. 6Ani, sunci yina yinmamunyi dinyi ab me yinmamunyi dinyi ab ara sun kanya teleb kusin dinyi atikwe yina yiboka me yiboka kimdarur. 7A uram akikwe minob talak aryi Yerusalem atei ab akatei dam dina-dina donung atei ab ara ninyi kuboka mangkau asa kuramnyi asi Er Iya Erebdobnyi biryi Er uram ermurun nang nabi nang deici uram erdeiramwe. Ani, ninyi Negeb mutuk dam ab, yim deici mutuk dam ab ninyi tuba kuramnyi talak aryi uram sirya ebdeiamwe,’ ebdum,” ebdeibmou. 8Ura, Er Iya Erebdobnyi biryi Zakharia bisi ton ato ebdeibmou, 9“Er Iya Erebdobnyi, imtam yin doun nang sienyi biryi nisi uram ato ebdeibmar. ‘Sunci, minob talak aryi, “Ato kubdarur-ato kuna mem,” ebdeiansise uram asi diboka kunubdarur. Ura, tonda sunci busul kun dinyi ab, sun ninyi mamun asi boukwe kimdan dinyi ab asi kubdarur. 10Ani, “Sulyi nerabwe ab, kwaknamna mabwe nermabwe ab, ninyi atei nang ab, utotoa kum nang ab asi mambul kimdeirina mem,” eansise. Ani, “Sun mamun asi yu dinyi ati, kanya teneiboka kiknirminingdana mem,” ebdeianse. 11Bok, sun kanya kat biribsinibdandoka Ni uram ara kum kekeana ato kurongnamnyi. Ani, Ni uram kekena, “Nun li,” tenebingnyi ura, takonya limlimik erongnung. Ani, “Nunda Er Imtamnyi uram ara kekebibyei,” tenebingnyi ura, sun amol kiningdaronung. 12Ani, sunci Er Iya Erebdobnyi, imtam yin doun nang sienyi biryi Er kanya biriman aryi Er uram ermurun nang imam nang liknibdongoboka eramwe uram asi, “A uram ara kekena nun li,” tenen sun kanya keil kat si amril ato birirsinirdaramnyi. A deyok aryi Er Iya Erebdobnyi biryi sunsi wenena weik dinyi kareamwe,’ ebdum,” ebdeibmou. 13Ura, Erci ato ebdeibmou, “Kanci ato ebtabakdum, ‘Niryi sunsi namanyi talak ara Ni uram kum kekeana ato kurongnamnyi to, Nibabyi sunci Nisi namaningnyi ura, sun uram ara kum kekeana ato kurongnanse,’ eboka Er Iya Erebdobnyi, imtam yin doun nang sienyi biryi ebmou. 14‘A deyok aryi Niryi sunsi kumwe kuna ubdonokanse. Ba, sun kum bingdamnyi nang atei dam bindoka kuramnyi. Ba, sun kuramnyi mutuk dam ara ninyi singsing kum dandobmou aryi a mutuk dam ara ninyi urasin ton lak kum kimnamwe. Ato kuboka atei keta teleb doramnyi atei asi ninyi kum kuramnyi atei ato kuboka ninyi singsing kum danamwe,’ eboka Er Iya Erebdobnyi, imtam yin doun nang sienyi biryi ebdeibmar,” ebmou.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
@LAI 2007 (New Testament), @LAI2022 (Old and New Testament)