Zakharia Uram 9
9
ER IMTAMNYI BIRYI TIKEIBMOU WEIK SIENYI YANKWAMWE ATI KUNUBDEIBMOU DEYOK
PASAL 9–14
Sun Israel nang mutuk dam kuramnyi mutuk nang asi wenen dinyi karebkwamwe to ati kunubdeibmou uram deyok
9:1-8
1Er Iya Erebdobnyi biryi wenen uram ebmou deyok.
“Er Iya Erebdobnyi biryi Hadrakh mutuk ab, Damsyik atei ab wenebkwamwe to ati uram ebmou. Ara, Aram mutuk atei ab, Israel yala nang atei ab ara Er Imtamnyi dinyi kunung deyok ati uram ebmou. 2Ani, Hamat mutuk wiliba ababyi Er Imtamnyi dinyi kurur. Ani, neiktoto Tirus mutuk ab Sidon mutuk nang ab ara utotoa nirya bingna mutuk nang ababyi Er Imtamnyi dinyi akwe kibwe. 3Tirus mutuk nang ara sun atei lika doboka aknabdongobyi. Ani, sun dengna weik keil perak bulurminingnung yubwa ara sungsunga nukman kum kurande to kuboka bulubde deirinung. Ba, dengna weik keil emas bulubde deirinung ara bisik ai mintal kurande to kuboka bulubde deirinung. 4Bok, diba ati, Er Imtamnyi biryi akatei nang asi utotoa kum atei nang kibdeibkwande. Ba, sun mikib kimkareranci dinyi ara weik me kwan umbura donokwande. Ura, akatei ara uk aryi nirya yaleboka yibkabokwande. 5Ba, Askelon nang aryi diramingnyi uca, ato kubci eibingnyi ura sun ilil kubkwande. Gaza nang ababyi sirim mitik kum kubkwande. Ani, Ekron nang ababyi ato dinyi eibingnyi ura, sun dibde buramingnyi dinyi kum kunubkwande deyok aryi sun kanya surukwande. Ba, Gaza atei nang weik sienyi bira kum dankwande ura, Askelon atei ara ninyi singsing kum dankwande. 6Ba, Asdod atei ara ninyi yuk atei-yuk atei nang yala ab talbalibdandoka kubkwaming. Ba, Filistin nang ara sun mikib ati wingdaramingnyi dinyi ara Niryi kum daneibkwan. 7Niryi sun Filistin nang si bama umbura dam aryi ining tub yiramingnyi dinyi kum daneibkwan. Ani, mema eramingnyi dinyi sun si kankan aryi kum daneibkwan. Ba, sun kankan dam takdongobingnyi nang ara nun Nai Er Imtamnyi dinyi kibkwande. Ba, sun akatei nang ara Yehuda nang aryi Er Imtamnyi mabwe nermabwe kunung to kubkwaming. Ba, Ekron nang ara Yebus nang kunung to kubkwaming. 8Niryi sunsi teleb kibdeibkwan deyok aryi ato kubkwaming. Ni Imtamnyi bira Ni ai dam asi sun mar ordana nang iyangana ati kalingna nang atonyi kiboka kalikwan. Niryi sunsi mambul wa karen nang yangkwaminga bisik sekwan ba, kum wengyankwaming,” eboka Er Imtamnyi biryi ato ebmou.
Mesias bira weik sienyi kuboka Sion mutuk dub yankwamwe ebmou uram deyok
9:9-10
9We, sun Sion mutuk dub nang a, sun kilkil kanya bobdarur. We, sun Yerusalem atei nang a, sun kanya teleb aryi mot ur sebdarur. Dirandarur, sun talebkwansir Weik Sienyi bira kikimanto kuboka lemsinanyi bisi sunti yankwansir. Ani, Erda sun mar ordana nang asi muna ordongon mikib bobunyi bisi sun dam yankwansir. Ati, sunci dibdendarur. Anyi bira namin kanya borurnyi bisi bisam keledai deici bukmararyi sun dam yankwansir. Er bukokabdiryi, yankwande bisam keledai ara mi ukuryok kabunyi neblobmaci bisam deici bukmariryi, yankwansir.#Mat. 21:5; Yoh. 12:15 10Erci Efraim mutuk nang bukoka kongkong eryibaramingnyi kongkong ena kum daneibkwande. Ani, Yerusalem nang bukoka mar bobaramingnyi bisam kuda mer ara kum daneibkwande. Mar ordan yin mar ababyi kum daneibci ura, erci im dangna mutuk tukwe dangna mutuk nang asi mangkau kun uram ebkarebkwande. Erci talebkwande mutuk ara weik me kwan deibwe ai yaletam aryi kuboka kitingbantam sirya talerbinkwande. Ani, me Efrat u doboka yuryibiu ai aryi kuboka ani, im dimna ai tukwe dimna ai mutuk nirya talebkwande.
Israel nang asi tubto tamuboka teleb kibdeibkwamwe ebmou uram deyok
9:11-17
11Er Imtamnyi biryi ato ebmou, “Niryi sun atei nang ton deici nang asi me kum ai tukwe ungdona umbura dam ato ai aryi sunsi lebdeibkwan. Ara, Niryi sun ab uram talak kirikeibdanamoubwe dinyi ati mikib yamna ara bisam ining lubdeiandau dinyi aryi lebdeibkwan. 12Ukuryok ara sun yuk mutuk boboka deirirlorbisei nang ara tubto tamuboka sun atei lika umbura atei yandobdarur. Ura, sun kanya ur lengleng esina teleb. Arub tum akiryi Niryi sunsi ebdeibkwinsin: Sun mambul doramunyi deyok aryi Niryi tamuboka sunsi kisal tabakdongoboka liki bitinyi dakarebkwansin. 13Niryi Yehuda mutuk nang ara Ni yin doun nang kibdeibkwan. Ba, Efraim yala nang ara mar kumkum dibdeiboka buraminga ato kibdeibkwan. We, Sion dub atei nang a, sun mabwe ara ya tuna ato kibdeibkwan. Ba, sunci Yunani nang asi mar bobkwandum,” ebmou. 14Er Iya Erebdobnyi biryi sun Er uram keken nang dam lak kibdankwande. Ba, Erci mar dobkwande milil ara bebe milil ling eboka akubiting erande to kubkwande. Ura, Er Imtamnyi, nun Molonubnyi biryi mar dobmariryi, yibinkwande ara ato kubkwande. Ibalya me youkwetam aryi donmaci kankan asi Er buu ena si sangkakala ubde yibinkwande. 15Ura, Er Iya Erebdobnyi, imtam yin doun nang sienyi biryi sunsi lika dobdongobdobci ba, sunci sun mar ordana nang asi obkiribokabingiryi, yan yanisitabkwaming. Ba, sunci sun mar ordana nang ining yibkwaming ara anggur me yiraming to kubkwaming. Ani, ninyi ining sakwande ara Er Imtamnyi biti dama deirin dinyi uk dan keil dungna dub dingdongona ati, meyok sangkol umbura kweboka deiraming ba, langkaringnande ining ato kuboka diksakwande. 16A tum aryi sun Nai Molonanyi Imtamnyi biryi sunsi lebdeibkwande. Ara, bisam domba kalingnanyi biryi bisam domba mer asi bai kam aryi obde yina ati kalingnande to Er uram keken nang asi kalikwande. Diba ati, sunda Er Iya Erebdobnyi mutuk dam kubkwaming ara weik sien nang kaluna asing lotongdongona mil dangding erande ato nang kubkwaming 17Diba ati, Er Imtamnyi tukwe dam ara iya teleb kubkwande ani, iya kanya nunungna mutuk dam kibkwande. Ba, ninyi kabir nang ara gandum du limlam eboka moubkwande deyok aryi nebtabkwaming. Ani, anggur du ilinto moubkwande deyok aryi kabir nerabwe ilinto neboka kwalibkwaming.
Currently Selected:
Zakharia Uram 9: MTG
Highlight
Copy
Compare
Share
Want to have your highlights saved across all your devices? Sign up or sign in
@LAI 2007 (New Testament), @LAI2022 (Old and New Testament)
Zakharia Uram 9
9
ER IMTAMNYI BIRYI TIKEIBMOU WEIK SIENYI YANKWAMWE ATI KUNUBDEIBMOU DEYOK
PASAL 9–14
Sun Israel nang mutuk dam kuramnyi mutuk nang asi wenen dinyi karebkwamwe to ati kunubdeibmou uram deyok
9:1-8
1Er Iya Erebdobnyi biryi wenen uram ebmou deyok.
“Er Iya Erebdobnyi biryi Hadrakh mutuk ab, Damsyik atei ab wenebkwamwe to ati uram ebmou. Ara, Aram mutuk atei ab, Israel yala nang atei ab ara Er Imtamnyi dinyi kunung deyok ati uram ebmou. 2Ani, Hamat mutuk wiliba ababyi Er Imtamnyi dinyi kurur. Ani, neiktoto Tirus mutuk ab Sidon mutuk nang ab ara utotoa nirya bingna mutuk nang ababyi Er Imtamnyi dinyi akwe kibwe. 3Tirus mutuk nang ara sun atei lika doboka aknabdongobyi. Ani, sun dengna weik keil perak bulurminingnung yubwa ara sungsunga nukman kum kurande to kuboka bulubde deirinung. Ba, dengna weik keil emas bulubde deirinung ara bisik ai mintal kurande to kuboka bulubde deirinung. 4Bok, diba ati, Er Imtamnyi biryi akatei nang asi utotoa kum atei nang kibdeibkwande. Ba, sun mikib kimkareranci dinyi ara weik me kwan umbura donokwande. Ura, akatei ara uk aryi nirya yaleboka yibkabokwande. 5Ba, Askelon nang aryi diramingnyi uca, ato kubci eibingnyi ura sun ilil kubkwande. Gaza nang ababyi sirim mitik kum kubkwande. Ani, Ekron nang ababyi ato dinyi eibingnyi ura, sun dibde buramingnyi dinyi kum kunubkwande deyok aryi sun kanya surukwande. Ba, Gaza atei nang weik sienyi bira kum dankwande ura, Askelon atei ara ninyi singsing kum dankwande. 6Ba, Asdod atei ara ninyi yuk atei-yuk atei nang yala ab talbalibdandoka kubkwaming. Ba, Filistin nang ara sun mikib ati wingdaramingnyi dinyi ara Niryi kum daneibkwan. 7Niryi sun Filistin nang si bama umbura dam aryi ining tub yiramingnyi dinyi kum daneibkwan. Ani, mema eramingnyi dinyi sun si kankan aryi kum daneibkwan. Ba, sun kankan dam takdongobingnyi nang ara nun Nai Er Imtamnyi dinyi kibkwande. Ba, sun akatei nang ara Yehuda nang aryi Er Imtamnyi mabwe nermabwe kunung to kubkwaming. Ba, Ekron nang ara Yebus nang kunung to kubkwaming. 8Niryi sunsi teleb kibdeibkwan deyok aryi ato kubkwaming. Ni Imtamnyi bira Ni ai dam asi sun mar ordana nang iyangana ati kalingna nang atonyi kiboka kalikwan. Niryi sunsi mambul wa karen nang yangkwaminga bisik sekwan ba, kum wengyankwaming,” eboka Er Imtamnyi biryi ato ebmou.
Mesias bira weik sienyi kuboka Sion mutuk dub yankwamwe ebmou uram deyok
9:9-10
9We, sun Sion mutuk dub nang a, sun kilkil kanya bobdarur. We, sun Yerusalem atei nang a, sun kanya teleb aryi mot ur sebdarur. Dirandarur, sun talebkwansir Weik Sienyi bira kikimanto kuboka lemsinanyi bisi sunti yankwansir. Ani, Erda sun mar ordana nang asi muna ordongon mikib bobunyi bisi sun dam yankwansir. Ati, sunci dibdendarur. Anyi bira namin kanya borurnyi bisi bisam keledai deici bukmararyi sun dam yankwansir. Er bukokabdiryi, yankwande bisam keledai ara mi ukuryok kabunyi neblobmaci bisam deici bukmariryi, yankwansir.#Mat. 21:5; Yoh. 12:15 10Erci Efraim mutuk nang bukoka kongkong eryibaramingnyi kongkong ena kum daneibkwande. Ani, Yerusalem nang bukoka mar bobaramingnyi bisam kuda mer ara kum daneibkwande. Mar ordan yin mar ababyi kum daneibci ura, erci im dangna mutuk tukwe dangna mutuk nang asi mangkau kun uram ebkarebkwande. Erci talebkwande mutuk ara weik me kwan deibwe ai yaletam aryi kuboka kitingbantam sirya talerbinkwande. Ani, me Efrat u doboka yuryibiu ai aryi kuboka ani, im dimna ai tukwe dimna ai mutuk nirya talebkwande.
Israel nang asi tubto tamuboka teleb kibdeibkwamwe ebmou uram deyok
9:11-17
11Er Imtamnyi biryi ato ebmou, “Niryi sun atei nang ton deici nang asi me kum ai tukwe ungdona umbura dam ato ai aryi sunsi lebdeibkwan. Ara, Niryi sun ab uram talak kirikeibdanamoubwe dinyi ati mikib yamna ara bisam ining lubdeiandau dinyi aryi lebdeibkwan. 12Ukuryok ara sun yuk mutuk boboka deirirlorbisei nang ara tubto tamuboka sun atei lika umbura atei yandobdarur. Ura, sun kanya ur lengleng esina teleb. Arub tum akiryi Niryi sunsi ebdeibkwinsin: Sun mambul doramunyi deyok aryi Niryi tamuboka sunsi kisal tabakdongoboka liki bitinyi dakarebkwansin. 13Niryi Yehuda mutuk nang ara Ni yin doun nang kibdeibkwan. Ba, Efraim yala nang ara mar kumkum dibdeiboka buraminga ato kibdeibkwan. We, Sion dub atei nang a, sun mabwe ara ya tuna ato kibdeibkwan. Ba, sunci Yunani nang asi mar bobkwandum,” ebmou. 14Er Iya Erebdobnyi biryi sun Er uram keken nang dam lak kibdankwande. Ba, Erci mar dobkwande milil ara bebe milil ling eboka akubiting erande to kubkwande. Ura, Er Imtamnyi, nun Molonubnyi biryi mar dobmariryi, yibinkwande ara ato kubkwande. Ibalya me youkwetam aryi donmaci kankan asi Er buu ena si sangkakala ubde yibinkwande. 15Ura, Er Iya Erebdobnyi, imtam yin doun nang sienyi biryi sunsi lika dobdongobdobci ba, sunci sun mar ordana nang asi obkiribokabingiryi, yan yanisitabkwaming. Ba, sunci sun mar ordana nang ining yibkwaming ara anggur me yiraming to kubkwaming. Ani, ninyi ining sakwande ara Er Imtamnyi biti dama deirin dinyi uk dan keil dungna dub dingdongona ati, meyok sangkol umbura kweboka deiraming ba, langkaringnande ining ato kuboka diksakwande. 16A tum aryi sun Nai Molonanyi Imtamnyi biryi sunsi lebdeibkwande. Ara, bisam domba kalingnanyi biryi bisam domba mer asi bai kam aryi obde yina ati kalingnande to Er uram keken nang asi kalikwande. Diba ati, sunda Er Iya Erebdobnyi mutuk dam kubkwaming ara weik sien nang kaluna asing lotongdongona mil dangding erande ato nang kubkwaming 17Diba ati, Er Imtamnyi tukwe dam ara iya teleb kubkwande ani, iya kanya nunungna mutuk dam kibkwande. Ba, ninyi kabir nang ara gandum du limlam eboka moubkwande deyok aryi nebtabkwaming. Ani, anggur du ilinto moubkwande deyok aryi kabir nerabwe ilinto neboka kwalibkwaming.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
@LAI 2007 (New Testament), @LAI2022 (Old and New Testament)