Imamat Uram 22
22
Iya teleb kanya boboka Er Imtamnyi biti dama deirin deyok
22:1-33
1Ura, Er Iya Erebdobnyi biryi Musa bisi ato ebmou. 2“Harun ab, er mabwe ab asi ato ebdum. ‘Sun Israel ninyi aryi Ni Iya Erebdobnyi biti yuk wiboka deibmaningnyi ba, sirya lek kibmaci dama ara, “Diboka ato kubkwandarur,” ebdeianyi to kuboka kunubkwanung. Ba, sun Israel ninyi aryi Ni Iya Erebdobnyi iya lek si asi malyi kubdongobingnyei. Nira Iya Erebdobnyi sun molonindarurnyi kunun.’ 3Ani, er Harun ab, er mabwe ab asi ato ebdum! ‘Sun Israel ninyi aryi deiriryankwaming dama ara sirya lek dama kimkwandur. Asi, er Harun ab, er mabwe aryi yaldakde binkwaming mabwe aryi Er Imtamnyi urasintam aryi nining ato tenen dinyi kunubmangiryok a dama dam yangana mem! Sun ato kubmangiryi a dama dam yangnyi ura, Er Iya Erebdobnyi urasintam aryi obkabkwansunung. Nira Iya Erebdobnyi sun molonindarurnyi kunun. 4-5Ani, sun Harun mabwe asi susa youn taleanci nang kum lobdobmasici talak aryi a lek dama yina mem! Tonda, sun den ula yibanmasici nang lobdobmasici nang kum aryi a lek dama yina mem! Ani, tonda Er Imtamnyi biryi li tenerur dinyi bolibmandarur kum, sun din nang bolibmamunyi kum, den ala talyi yibaranci nang bolibmamunyi kum ura, a lek dama yina mem! Ani, yini mem kamyoa kum, nining ato ninyi asi bolibmangnyi nang kum aryi a lek dama yina mem! 6Ani, sun imam nang aryi anda taleanci ninyi kum, kamyoa kum asi bolibmamunyi ura, nining ato nang kunmamunyi tok asi kiting wekwandur. Ani, sunci me kum kekdongobmamunyi cok ara Er Imtamnyi biti yuk wiboka deibmangnyi lek dama yina mem! 7Eda, kiting sirya wekdiryi sun nong bol debum ebsici uca, sunci lek dama ur doboka yibkwandarur. A deibmangnyi lek dama ara sun yin dinyi kimkwansurur. 8Ani, sun imam nang aryi er yuk dibmaci kamyoa kum, yu weik kamyoa aryi oblobmaci kamyoa kum ara sunci doboka yina mem! Asi, ato kubmaci kamyoa doboka yibmunyi ura, sunda Er Imtamnyi urasintam aryi nining ato tenen nang kubkwandarur. Nira Iya Erebdobnyi sun molonindarurnyi kunun. 9Sun imam nang nirya aryi Ni Imtamnyi biryi ato dinyi asi, “Ukubkwandarur,” ebdeibsise dinyi asi kunubde binkwandarur. Asi, kum kunubde bimunyi ura, Ni erdeirisin lek dinyi asi yan yanibkwandum. Nira Iya Erebdobnyi sun molonindarurnyi kunun. Ani, sunda Ni sun molonindarurnyi biryi Ni wa ibde binkwandau ati sunsi yuk wibdeiboka wa karebsise. 10Tonda, sun yuk yala nang kum, tiya sun imam nang ai mabmangnyi nang kum, sun imam nang ai dengna wa in nang kum aryi Ni Imtamnyi biti deibmaningnyi lek dama ara yina mem! 11Bok, sun imam nang aryi sun wa irmilin nang kibdobkwamingnyi ati dekamingnyi nang ab, sun imam nang ai aryi deiamingnyi nang ab ara a lek dama ur tonkwa yibkwanung. 12Tonda, sun imam nang nermabwe bok asi yuk yala nang doamingnyi nerabwe ara a lek dama yina mem! 13Bok, sun imam nang nermabwe bok asi sun akenyi yabwe dianung kum, sun akenyi yabwe aryi takloamingnyi ba, sun nermabwe mabwe ton kum deibdamingiryi, sun nai yabwe asi tamuroryananung. Ato kuamingnyi ura, sun nai ab a lek dama tonkwa ur yibkwanung. 14Asi sun imam nang ai ninyi kuma eda, yuk yala ninyi aryi teneboka kum kurongingnyi uca, sangkuna a lek dama yibmanung. Ato kubingnyi ura, sunci a yibmangnyi lek dama unun dinyi ara sunci a yibmangnyi to kuboka unubkwanung. Ani, a yibmangnyi to kuboka unubingiryok tubto 20 persen baryi tabakdongobkwanung. 15Sun Israel nang aryi Er Iya Erebdobnyi biti yuk wiboka deirinkwaming dama asi sun imam nang aryi yan yanina mem! 16Sun imam nang ato kubmunyi ura, sun Israel ninyi malyi dinyi bobdongobmunyei! Ara, sun imam nang aryi yan loblobmunyi ba, sun yuk nang aryi a lek dama yibingnyi asi sun Israel ninyi asi malyi dinyi bobdongobmunyei. Nira Iya Erebdobnyi sun molonindarurnyi kunun aryi sun Israel ninyi boyangan dama lek kimdeinunyi kunun,’ ebdum,” ebmou.
17Ura, Er Iya Erebdobnyi biryi Musa bisi ato ebmou. 18-19“Harun ab, er mabwe ab, sun Israel ninyi nirya ab asi ato ebdum. ‘Sun Israel ninyi nirya babyi, sun tingyangan nang babyi aryi Er Iya Erebdobnyi biti bisam domba oboka uk dan dama deibkwamandarur. Ara, sun kanyi aryi nun babya en dama babyi, sun, “Ato kuboka karebkwankin,” eboka dengna ati dama babyi nirya ara bisam sapi yim ab, bisam domba ab, bisam kambing yim ab sun nong bol tungdena kum kubmaci bisam asi dama deibkwandarur. Ba, ato kubmunyi ati Er Iya Erebdobnyi biryi sunsi kanyi deibkwansurur. 20Sunci nong bol tukanci bisam asi Er Imtamnyi biti dama deirirbana mem! Sunci andato dama ara Er Iya Erebdobnyi biryi sunsi kanya kum deibkwansurur. 21Ani, sunci sangkuna Er Iya Erebdobnyi biti, “Lebkwansir,” tenen dama deibkwamamunyi ura, ato kuboka deibkwandarur. Ara, bisam sapi yim kum, bisam kambing kum, bisam domba kum asi nong bol tungdena kum kubmaci bisam asi boyandoka dama deibkwandarur. Ato kubmunyi ba, Er Iya Erebdobnyi biryi sunsi kanya deibkwansurur. 22Ani, sunci Er Imtamnyi biti dama deibkwamamunyi ura, asing kuanci bisam ab, yok bulakanci bisam ab, nong bol tukanci bisam ab, nong bol malyi keica eiranci bisam babyi ara sunci dama deirina mem! Ani, nong bol susa eiranci bisam ara sunci Er Iya Erebdobnyi biti dama deirina ati uk dana mem! 23Ani, sunci Er Imtamnyi biti dama deibkwamamunyi ura, nong cang birianci bisam ab, nong bumang birianci bisam ab ara dama deiboka molona mem! Andato bisam dama ara Er Iya Erebdobnyi biryi sun dama dobokabdiryi kanya kum deibkwansurur. Eda, andato bisam dama ara sun kanya aryi, “Nun Nai, nun babya,” en dama ur deibkwandarur. 24Bok, sun den dulu kotoksakanci kamyoa ara dama deiriryangana mem! Ara, teneboka obkabokwanung kum oranci uca, kotoksakandur kum kamyoa ara sunci sun mutuk dam dama deiriryangana mem! 25Ani, tingyangan nang aryi karebkwansing dinyi nirya aryi boboka dama deiriryangana mem! Andato dinyi aryi dama deiriryankwandum ara Er Imtamnyi biryi nong bol tungni dama tenebkwansir. Ani, Er Iya Erebdobnyi biryi a deiriryankwandum dama ara dobokabdiryi kanyi deirina kum kubkwansir,’ ebdum.” Musa biryi sun Israel ninyi asi, “Ato kuboka dama deibkwandarur,” ebkarebmou.
26Ura, Er Iya Erebdobnyi biryi Musa bisi tubto ato ebmou. 27“Sun bisam sapi kum, bisam domba kum, bisam kambing kum sangkuna mi deibci ura, sun kwin dam a takloamunyi asi uki tabaryi kibkwandur. Ato kuamunyi asi uki inbaryi sirya kibdiryi maberekde baci ura, Er Iya Erebdobnyi biryi sun bisam kisal dakwansurur. Ato kuboka kisal dakwansici ara ato kuamunyi bisam asi Er Iya Erebdobnyi biti dama deiboka uk dabmunci molobmunyi ura, kisal dakwansurur.
28Ba, sunci bisam sapi kum, bisam domba kum, ner yaldangdamunyi bisam ab er mi ab nirya asi neik tum aryok oboka dama deirina mem! 29Ani, sunci Er Iya Erebdobnyi biti, ‘Nun Nai, nun babya,’ en dama sangkuna deibkwamamunyi ura, ‘Ato-ato kuboka dama deibkwandarur,’ eboka kibdeianci to kuboka dama deibkwandarur. Ba, sun dama ara Er Imtamnyi biryi doboka kanyi deibkwansurur. 30Ba, a deibmamunyi dama ara ton deirdena kum uca, a tum aryok nirya yibkwandarur. A dama asi sunci ton mitika kwel deibmamunyi ani, ambutum kimbana mem! Nira Iya Erebdobnyi sun molonindarurnyi kurur.
31Ato kuboka Ni Imtamnyi biryi, ‘Ato kubde binkwandarur,’ eboka iya kibdeibse to asi kunubde binkwandarur. Nira Iya Erebdobnyi sun molonindarurnyi kunun. 32Ani, sun Israel ninyi aryi Er Iya Erebdobnyi Er lek si asi malyi kubsiniboka yan yanina mem! Ani, sunci Er Imtamnyi biti, ‘Diba Er tentok ara iya leknyi kurur. Er Iya Erebdobnyi nun molonanyi biryi nunsi lek nang kimdeirisururnyi kurur. 33Ani, Erci nunsi Mesir mutuk aryi kuboka bobdakde yanansounyi kurur. Ara, nun molonanyi biryi, “Niryi sun Israel ninyi sun molonindarurnyi kibkwan,” eboka bobdakde yanansou. Er Iya Erebdobnyi nun molonanyi kurur,’ ebkwandarur.” Musa biryi sun Israel ninyi asi ato kuboka ebkarebmou.
Currently Selected:
Imamat Uram 22: MTG
Highlight
Copy
Compare
Share
Want to have your highlights saved across all your devices? Sign up or sign in
@LAI 2007 (New Testament), @LAI2022 (Old and New Testament)
Imamat Uram 22
22
Iya teleb kanya boboka Er Imtamnyi biti dama deirin deyok
22:1-33
1Ura, Er Iya Erebdobnyi biryi Musa bisi ato ebmou. 2“Harun ab, er mabwe ab asi ato ebdum. ‘Sun Israel ninyi aryi Ni Iya Erebdobnyi biti yuk wiboka deibmaningnyi ba, sirya lek kibmaci dama ara, “Diboka ato kubkwandarur,” ebdeianyi to kuboka kunubkwanung. Ba, sun Israel ninyi aryi Ni Iya Erebdobnyi iya lek si asi malyi kubdongobingnyei. Nira Iya Erebdobnyi sun molonindarurnyi kunun.’ 3Ani, er Harun ab, er mabwe ab asi ato ebdum! ‘Sun Israel ninyi aryi deiriryankwaming dama ara sirya lek dama kimkwandur. Asi, er Harun ab, er mabwe aryi yaldakde binkwaming mabwe aryi Er Imtamnyi urasintam aryi nining ato tenen dinyi kunubmangiryok a dama dam yangana mem! Sun ato kubmangiryi a dama dam yangnyi ura, Er Iya Erebdobnyi urasintam aryi obkabkwansunung. Nira Iya Erebdobnyi sun molonindarurnyi kunun. 4-5Ani, sun Harun mabwe asi susa youn taleanci nang kum lobdobmasici talak aryi a lek dama yina mem! Tonda, sun den ula yibanmasici nang lobdobmasici nang kum aryi a lek dama yina mem! Ani, tonda Er Imtamnyi biryi li tenerur dinyi bolibmandarur kum, sun din nang bolibmamunyi kum, den ala talyi yibaranci nang bolibmamunyi kum ura, a lek dama yina mem! Ani, yini mem kamyoa kum, nining ato ninyi asi bolibmangnyi nang kum aryi a lek dama yina mem! 6Ani, sun imam nang aryi anda taleanci ninyi kum, kamyoa kum asi bolibmamunyi ura, nining ato nang kunmamunyi tok asi kiting wekwandur. Ani, sunci me kum kekdongobmamunyi cok ara Er Imtamnyi biti yuk wiboka deibmangnyi lek dama yina mem! 7Eda, kiting sirya wekdiryi sun nong bol debum ebsici uca, sunci lek dama ur doboka yibkwandarur. A deibmangnyi lek dama ara sun yin dinyi kimkwansurur. 8Ani, sun imam nang aryi er yuk dibmaci kamyoa kum, yu weik kamyoa aryi oblobmaci kamyoa kum ara sunci doboka yina mem! Asi, ato kubmaci kamyoa doboka yibmunyi ura, sunda Er Imtamnyi urasintam aryi nining ato tenen nang kubkwandarur. Nira Iya Erebdobnyi sun molonindarurnyi kunun. 9Sun imam nang nirya aryi Ni Imtamnyi biryi ato dinyi asi, “Ukubkwandarur,” ebdeibsise dinyi asi kunubde binkwandarur. Asi, kum kunubde bimunyi ura, Ni erdeirisin lek dinyi asi yan yanibkwandum. Nira Iya Erebdobnyi sun molonindarurnyi kunun. Ani, sunda Ni sun molonindarurnyi biryi Ni wa ibde binkwandau ati sunsi yuk wibdeiboka wa karebsise. 10Tonda, sun yuk yala nang kum, tiya sun imam nang ai mabmangnyi nang kum, sun imam nang ai dengna wa in nang kum aryi Ni Imtamnyi biti deibmaningnyi lek dama ara yina mem! 11Bok, sun imam nang aryi sun wa irmilin nang kibdobkwamingnyi ati dekamingnyi nang ab, sun imam nang ai aryi deiamingnyi nang ab ara a lek dama ur tonkwa yibkwanung. 12Tonda, sun imam nang nermabwe bok asi yuk yala nang doamingnyi nerabwe ara a lek dama yina mem! 13Bok, sun imam nang nermabwe bok asi sun akenyi yabwe dianung kum, sun akenyi yabwe aryi takloamingnyi ba, sun nermabwe mabwe ton kum deibdamingiryi, sun nai yabwe asi tamuroryananung. Ato kuamingnyi ura, sun nai ab a lek dama tonkwa ur yibkwanung. 14Asi sun imam nang ai ninyi kuma eda, yuk yala ninyi aryi teneboka kum kurongingnyi uca, sangkuna a lek dama yibmanung. Ato kubingnyi ura, sunci a yibmangnyi lek dama unun dinyi ara sunci a yibmangnyi to kuboka unubkwanung. Ani, a yibmangnyi to kuboka unubingiryok tubto 20 persen baryi tabakdongobkwanung. 15Sun Israel nang aryi Er Iya Erebdobnyi biti yuk wiboka deirinkwaming dama asi sun imam nang aryi yan yanina mem! 16Sun imam nang ato kubmunyi ura, sun Israel ninyi malyi dinyi bobdongobmunyei! Ara, sun imam nang aryi yan loblobmunyi ba, sun yuk nang aryi a lek dama yibingnyi asi sun Israel ninyi asi malyi dinyi bobdongobmunyei. Nira Iya Erebdobnyi sun molonindarurnyi kunun aryi sun Israel ninyi boyangan dama lek kimdeinunyi kunun,’ ebdum,” ebmou.
17Ura, Er Iya Erebdobnyi biryi Musa bisi ato ebmou. 18-19“Harun ab, er mabwe ab, sun Israel ninyi nirya ab asi ato ebdum. ‘Sun Israel ninyi nirya babyi, sun tingyangan nang babyi aryi Er Iya Erebdobnyi biti bisam domba oboka uk dan dama deibkwamandarur. Ara, sun kanyi aryi nun babya en dama babyi, sun, “Ato kuboka karebkwankin,” eboka dengna ati dama babyi nirya ara bisam sapi yim ab, bisam domba ab, bisam kambing yim ab sun nong bol tungdena kum kubmaci bisam asi dama deibkwandarur. Ba, ato kubmunyi ati Er Iya Erebdobnyi biryi sunsi kanyi deibkwansurur. 20Sunci nong bol tukanci bisam asi Er Imtamnyi biti dama deirirbana mem! Sunci andato dama ara Er Iya Erebdobnyi biryi sunsi kanya kum deibkwansurur. 21Ani, sunci sangkuna Er Iya Erebdobnyi biti, “Lebkwansir,” tenen dama deibkwamamunyi ura, ato kuboka deibkwandarur. Ara, bisam sapi yim kum, bisam kambing kum, bisam domba kum asi nong bol tungdena kum kubmaci bisam asi boyandoka dama deibkwandarur. Ato kubmunyi ba, Er Iya Erebdobnyi biryi sunsi kanya deibkwansurur. 22Ani, sunci Er Imtamnyi biti dama deibkwamamunyi ura, asing kuanci bisam ab, yok bulakanci bisam ab, nong bol tukanci bisam ab, nong bol malyi keica eiranci bisam babyi ara sunci dama deirina mem! Ani, nong bol susa eiranci bisam ara sunci Er Iya Erebdobnyi biti dama deirina ati uk dana mem! 23Ani, sunci Er Imtamnyi biti dama deibkwamamunyi ura, nong cang birianci bisam ab, nong bumang birianci bisam ab ara dama deiboka molona mem! Andato bisam dama ara Er Iya Erebdobnyi biryi sun dama dobokabdiryi kanya kum deibkwansurur. Eda, andato bisam dama ara sun kanya aryi, “Nun Nai, nun babya,” en dama ur deibkwandarur. 24Bok, sun den dulu kotoksakanci kamyoa ara dama deiriryangana mem! Ara, teneboka obkabokwanung kum oranci uca, kotoksakandur kum kamyoa ara sunci sun mutuk dam dama deiriryangana mem! 25Ani, tingyangan nang aryi karebkwansing dinyi nirya aryi boboka dama deiriryangana mem! Andato dinyi aryi dama deiriryankwandum ara Er Imtamnyi biryi nong bol tungni dama tenebkwansir. Ani, Er Iya Erebdobnyi biryi a deiriryankwandum dama ara dobokabdiryi kanyi deirina kum kubkwansir,’ ebdum.” Musa biryi sun Israel ninyi asi, “Ato kuboka dama deibkwandarur,” ebkarebmou.
26Ura, Er Iya Erebdobnyi biryi Musa bisi tubto ato ebmou. 27“Sun bisam sapi kum, bisam domba kum, bisam kambing kum sangkuna mi deibci ura, sun kwin dam a takloamunyi asi uki tabaryi kibkwandur. Ato kuamunyi asi uki inbaryi sirya kibdiryi maberekde baci ura, Er Iya Erebdobnyi biryi sun bisam kisal dakwansurur. Ato kuboka kisal dakwansici ara ato kuamunyi bisam asi Er Iya Erebdobnyi biti dama deiboka uk dabmunci molobmunyi ura, kisal dakwansurur.
28Ba, sunci bisam sapi kum, bisam domba kum, ner yaldangdamunyi bisam ab er mi ab nirya asi neik tum aryok oboka dama deirina mem! 29Ani, sunci Er Iya Erebdobnyi biti, ‘Nun Nai, nun babya,’ en dama sangkuna deibkwamamunyi ura, ‘Ato-ato kuboka dama deibkwandarur,’ eboka kibdeianci to kuboka dama deibkwandarur. Ba, sun dama ara Er Imtamnyi biryi doboka kanyi deibkwansurur. 30Ba, a deibmamunyi dama ara ton deirdena kum uca, a tum aryok nirya yibkwandarur. A dama asi sunci ton mitika kwel deibmamunyi ani, ambutum kimbana mem! Nira Iya Erebdobnyi sun molonindarurnyi kurur.
31Ato kuboka Ni Imtamnyi biryi, ‘Ato kubde binkwandarur,’ eboka iya kibdeibse to asi kunubde binkwandarur. Nira Iya Erebdobnyi sun molonindarurnyi kunun. 32Ani, sun Israel ninyi aryi Er Iya Erebdobnyi Er lek si asi malyi kubsiniboka yan yanina mem! Ani, sunci Er Imtamnyi biti, ‘Diba Er tentok ara iya leknyi kurur. Er Iya Erebdobnyi nun molonanyi biryi nunsi lek nang kimdeirisururnyi kurur. 33Ani, Erci nunsi Mesir mutuk aryi kuboka bobdakde yanansounyi kurur. Ara, nun molonanyi biryi, “Niryi sun Israel ninyi sun molonindarurnyi kibkwan,” eboka bobdakde yanansou. Er Iya Erebdobnyi nun molonanyi kurur,’ ebkwandarur.” Musa biryi sun Israel ninyi asi ato kuboka ebkarebmou.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
@LAI 2007 (New Testament), @LAI2022 (Old and New Testament)