Imamat Uram 23
23
“Ni Iya Erebdobnyi biryi sirya yuk wibdeibse uki nirya asi li dobde bankwandarur,” ebdeibmou uram deyok
23:1-3
1Ura, Er Iya Erebdobnyi biryi Musa bisi ato ebmou. 2“Sun Israel ninyi asi ato ebdum. ‘Ni Imtamnyi biryi sirya wibdeibse uki tum nirya asi sunci yuk wibdeibokabmunci, bulubkwandarur. Ba, a uki tum ara sun nirya aryi li doboka Ni Imtamnyi bisi si weik enkwandarur. Niryi sirya wibdeibman weik uki tum ara ato ebkwinsin. 3Uki nabaryi ara sun wa irandum to kuboka ur inkwandarur. Bok, uki tabaryi tum berekci ura, taruk louboka ur kubkwandarur. A uki tum ara sunci yuk-yuk wa nirya ina mem! Eda, dantam-dantam kuramunyi dikum nirya aryi te louboka bukmunci, Niryi yuk wibdeibse uki tum si Sabat tum ati, tonkwa buluboka Nisi si weik ebkwanindarur,’ ebdum,” ebmou.
Weik kwalina si Paskah tum ab, Roti Kwaning Bungbung Ena Kum Roti tum ab deyok
23:4-14
4Tonda, Er Iya Erebdobnyi biryi Musa bisi uram tubto ato ebmou.
5“Sun Israel ninyi asi ato eboka ebdum, ‘Yuma wala tanggal 14 tum berekci ura, kiting wengbaci talak aryi weik kwalina si Paskah tum ati, Er Iya Erebdobnyi biti li doboka kwalibde bankwandarur. 6Ba, a wala aryok bok asi, uki 15 baryi tum ara Bungbung Ena Dongona Kum Roti li doboka Er Iya Erebdobnyi biti kwalibkwandarur. Uki tabaryi nirya ara Bungbung Ena Dongona Kum Roti akwe yinkwamandarur. 7A kwalina li dobmaci yuma uki tum ara sun Israel ninyi aryi tonkwa buluboka Er Imtamnyi si weik enkwandarur. A uki tum ara sunci wa ina mem! 8Uki tabaryi nirya ara Er Iya Erebdobnyi biti bisam domba oboka nong nirya dama deiboka uk dabkwandarur. Ba, a kwalina li doanci uki tabaryi tum ara sunci wa ina mem! Eda, sunci tubto tonkwa buluboka Er Imtamnyi si weik ebkwandarur,’ ebdum,” ebmou.
9Er Iya Erebdobnyi biryi Musa bisi uram tubto ato ebmou. 10“Sun Israel ninyi asi ato ebdum, ‘Ni Imtamnyi biryi sunsi Kanaan mutuk karebkwansin. A karebkwansin mutuk dam sirya wengbimunci, gandum wa iboka yuma kibkwandum dinyi ara Ni ai wa in nang sun imam nang asi boyangankwandarur. 11Ba, uki si Sabat tum sirya bisibci ura, sun imam nang aryi a dama douboka Er Iya Erebdobnyi urasin dama asi amubkwanung. Ba, Er Iya Erebdobnyi biryi sunsi kanya deibkwansurur. 12Ba, a yuma iyamunyi yina koubdoba boyanmamunyi tum ara domba bisam nong bol tungdena kum kubmariryi, kwalina tentok kimbinmaci dinyi asi, Niti dama deibnumunyi ura, oboka a bisam nong nirya uk dabkwanindarur. 13Ani, Ni Imtamnyi biti yina-yina dama deirina karebkwanindarur. Ara, tepung teleb ikin dua kilogram ab, zaitun du me yung ab tonkwa dabkwandarur. Ba, a dabmamunyi siltong asi Ni Imtamnyi biryi yubniryi, sunsi kanyi deibkwansin. Ani, anggur du me liter moyok tentok ab dama deiboka dikmunyi ura, uk dabkwanindarur. 14A tum aryok, sunci Niti dama deiriryangana kabul talak ara tepung aryi roti kiknibde yina babyi, gandum du asi yiki yina babyi dabde yina babyi ara mem! Eda, sunci Nisi minob dama deiboka kibnumuncok yibkwandarur. Ato kubkwandarur ebdeibmasin to ara sunbabyi, sun deibdoba mabwe babyi, dantam-dantam mutuk kuramunyi nirya ara iya ukubde bankwandum,’ ebdum,” ebmou.
Liki bitinyi iamingnyi wa kinmangnyi tum li kwalina si Hari Raya Tujuh Minggu deyok
23:15-22
15“Tonda, ‘Weik kwalina si Bungbung Ena Dongona Kum Roti Kwaning tum sirya bisibci ura, a maberekoka tum ara sun wa iamunya yuma kibmamunyi koubdoba ara Er Imtamnyi biti, “Nai, nun babya,” eboka kirbinkwandarur. A kirbinmamunyi tum aryi uki nukalibkwandarur. Nukde baramunyi ani, te louboka bun tum asi liki tabaryi bisibci ura, tubto, “Nai, nun babya,” en dinyi bobinkwandarur. 16Ara, uki mabde baramunyi nukde baramunyi ani, uki 50 baryi kubkwandarur.#23:16 Bahasa Yunani uram Lima Puluh Hari ebyi ara Hari Pentakosta. Ati, nunbabyi hari Paskah wekmabyi tum maberekoka aryi nukde baramibyi asi 50 baryi kimbici ura, Hari Pentakosta enub. Ara, minggu tabaryi sirya bisibci ura, tubto Ni Iya Erebdobnyi biti yina-yina dama deiboka uk dabkwanindarur. 17Er Iya Erebdobnyi biti urasin dam amuboka karebkwamamunyi roti kwaning ara sun Kanaan mutuk kuramunyi ai aryi, roti bitinyi-bitinyi kiboka kiknibmunyi ura, boyankwandarur. Ba, a roti kwaning ara tepung teleb dua kilogram ab, roti bungbung erande keica si ragi ab aryi iniboka kiknibmunyi ura, uk daboka boyankwandarur. A kiknibmamunyi roti ara sun wa iyamunya yuma kibmamunyi dinyi ati Imtamnyi bisi karebkwandarur. 18Ba, tonda bisam domba kwalina tentok kibmaci bisam, er nong bol tungdena kum kubmaci bisam tabaryi asi boyankwandarur. Tonda, bisam lembu yim ukuryok nenmaca ab, bisam domba yim bitinyi ab boyanmamunyi ara dama deiboka Niti uk dabkwanindarur. Ani, a bisam mer nong nirya ab ani, a roti bitinyi ab, anggur me ara Niti dama deibkwandarur. Ba, a siltong yubniryi, Ni kanya deibkwansin. 19Ato kuboka sirya dama deibmunyi ura, sun malyi kun dinyi kilina ati, yim bisam kambing oboka Ni Iya Erebdobnyi biti dama deiboka uk dabkwanindarur. Ani, sun lemdaron dinyi ati, yim bisam domba kwalina tentok bisibmaci bisam bitinyi asi Niti uk dabkwandarur. 20Ba, sunci sun koubdoba yuma kibmamunci kikniboka boyanmamunyi dinyi ab, bisam domba bitinyi ab ara Ni ai wa in nang aryi, taruk ereboka Ni urasin dam amuboka karebkwanunung. A yuk wibdeiboka Niti boyanmamunyi dinyi nirya ara sun imam nang ati karebkwandarur ba, yibkwanung. 21A dama deirinmamunyi tum ara sunci bulubokabmunci Nisi si weik eboka molobkwanindarur. A tum ara wa ina mem! A ebdeibman uram ara sun dantam-dantam kuramunya nirya aryi iya kunubde baramunyi tok asi, odei-odei nirya ukubde binkwandum. 22Sunci gandum wa iyamunyi ani, du dangmamunyi tum ara meica dang youkwa dang eboka kirkarongna mem! Ani, kinmamunyi ba, yokde sangmaci dinyi ara nirya bulubde kina mem! A tangdongonmamunyi dinyi ara sun ukutotoa bulung kuraming nang ab, ninyi atei aryi tingyanamingnyi nang ab ati takdongobkwandarur. Nira Iya Erebdobnyi, sun molonindarurnyi kunun,’ ebdum,” ebmou.
“Ukuryok kwalina wengbimunyi ura, li dobkwandarur,” ebdeibmou deyok
23:23-25
23Er Iya Erebdobnyi biryi Musa bisi ato ebmou. 24“Sun Israel ninyi asi ato ebdeibdum. ‘Ara, tabaryi wala dobmariryi, a wala tanggal 1 aryi, buu ena si trompet aryi buu enmangnyi ara, “Ukuryok Kwalina Tum dobmar ati buu enmang,” tenebkwandarur. Ba, sunci a uki tum ara te louboka bukmunci, neika buluboka Nisi si weik eboka molobkwanindarur. 25Ba, sunci a tum aryi wa ina mem! Eda, sunci Ni Iya Erebdobnyi biti bisam ab, yina-yina ab uk daboka molobkwanindarur,’ ebdum,” ebmou.
Ninyi malyi kun dinyi kiliboka Imtamnyi ab, ninyi ab antanirdeirina weik uki tum si Hari Raya Pendamaian deyok
23:26-32
(Im. 16:29-34; Bil. 29:7-11)
26Er Iya Erebdobnyi biryi Musa bisi ato ebmou, 27“Sun Israel ninyi asi ato eboka ebdum, ‘Kwalina wala tabaryi asi tanggal 10 ara, “Nun malyi kun dinyi kilibsurur,” tenen ati sunci neika buluboka Nisi molobkwanindarur. A li dobmamunyi tum ara sun kanya luknubdongoboka yina si teboka bukmunci, Niti bisam oboka dama deibmunci, Er Iya Erebdobnyi biti bisam domba nong nirya uk dabkwandarur. 28A tum ara sunci wa ina mem! A uki tum ara, “Ni ab sun ninyi ab antanirdan tum,” berekmaci deyok aryi, sunci Ni Iya Erebdobnyi sun molonindarurnyi urasin dam yankwandarur. Ba, Ni ab sun ninyi ab antanibdankwanub. 29Unanyi biryi a tum aryi er kanya luknubdongoboka yina si tena kum kubmarinyi bira sun kankan dam aryi obkabkwandarur. 30Unanyi biryi a uki tum aryi wa inmarinyi bira sun kankan dam aryi obkabokwan. 31A tum ara sunci wa ina mem! A ebman uram ara sun Israel ninyi dantam-dantam kuramunyi ninyi nirya aryi, kunubde baramunyi tok asi, odei-odei nirya ukubde binkwaming. 32A tum ara uki si Sabat tum ati, sunci te louboka bun tum berekwandur. Ba, a tum aryi sun kanya luknubdongoboka kwaning si tebkwandarur. Ara, a wala tanggal sembilan ara kiting wengbaci talak aryi te louboka bukmamunyi asi, tanggal 10 tum berekmaci ani kiting tubto wengbaci ura, sunci ur wa iboka kwaning yibkwandarur,’ ebdum,” ebmou.
Co bok aryi tiya ati durubdeiboka kun ai li si Hari Raya Pondok Daun don tum deyok
23:33-44
(Bil. 29:12-40)
33Er Iya Erebdobnyi biryi Musa bisi ato ebdeibmou. 34“Sun Israel ninyi asi ato ebkwandum. ‘Tabaryi wala tanggal 15 tum berekci ura, tiya ati durubdeiboka kun ai doramnyi to ati, teneibdeboka uki tabaryi nirya ara Ni Iya Erebdobnyi biti li si Hari Raya Pondok Daun ati dobkwandarur. 35A li dobmamunya tum, yuma tum berekmaci ara sunci yuk wibdeiboka bulubmunyi ura, Nisi si weik ebkwanindarur. A tum ara sunci wa ina mem! 36Uki tabaryi nirya ara Ni Iya Erebdobnyi biti bisam domba dama deiboka, a bisam nong nirya uk dabkwandarur. Ba, uki inbaryi berekci ura, sunci tubto neika buluboka Nisi si weik ebkwanindarur. Ani, Ni Iya Erebdobnyi biti bisam domba dama deiboka, a bisam nong nirya uk dabkwandarur. A tum ara sunci wa ina mem!
37Ni Iya Erebdobnyi biryi, “Ni weik uki tum ati li dobdarur,” eboka sirya kibdeibse tum nirya asi, sunci a uki tum yuk wibdeiboka neika bulubkwandarur. Bulubmunyi ura, sunci Niti bisam domba dama deiboka uk dabkwandarur. Anda dama ara bisam nong nirya uk dabkwanurum dinyi ton, koubdoba yina-yina ati dama deiboka uk dabkwanurum dinyi ton, anggur du me aryi dama deirin dinyi ton ukuboka dama deibkwanindarur. A li dobmariba, “Niti dama deirinkwanurum,” dinyi ara Niryi sirya, “Ukuboka deirinkwanurum,” ebdeibse to kuboka dama deirinkwandum. 38Tonda, uki tabaryi si Sabat tum nirya sunci te louboka neika bulubmunci, Nisi si weik ebkwandarur. Tonda, yuk tum-yuk tum aryi, sunci Nisi moloamunci, uram talak ebdeianumunyi dama ab, sun kanyi aryi, “Nai, nun babya,” en dinyi dama ab asi ur karebkwanindarur.
39Bok, wala tabaryi dobdiryi tanggal 15 kibci ura, co bok aryi tiya durubdeiboka kun ai li si Hari Raya Pondok Daun ati, sun wa iramunyi co anggur du ab, co zaitun du ab kiboka Niti, “Nai, nun babya,” en dinyi boyandoka dama deibkwanindarur. A li dobmamunyi tum ara uki tabaryi nirya Nisi molobkwanindarur. Ba, yuma uki tum ab, sirya tum inbaryi tum ab ara te louboka bukwandarur. 40Ani, yuma uki tum ara co du teleb-teleb akwe wiboka dakwandarur. Ani, co korma bok ab, ilila co bok yuranci co toukwe ab asi dobmunyi ura, douboka Imtamnyi urasin dam asi sun kanyi karyi asa aryi bosemdamunyi asi, uki tabaryi nirya ukuboka Nisi si weik erebkwandarur. 41Ba, kwalina tentok ara a weik uki tum Hari Raya Pondok Daun asi uki tabaryi nirya ara sun Israel ninyi dantam-dantam kunkwanduma nirya aryi, Ni Iya Erebdobnyi bisi si weik enkwanurum. A kibdeibman uki tum ara sunbabyi, sun deibde binkwanduma nirya babyi aryi wala tabaryi dordongoci tok ara li doboka kwalinkwandum. 42Ba, sun Israel yoka ninyi ara co bok aruma aryi durubdeiboka doamunyi ai asi, uki tabaryi nirya ara a kunkwandarur. 43Ba, sun deibdoba aryi, “Nun Nai Imtamnyi biryi Mesir aryi boyangaramwe talak ara co bok ai aruma aryi doboka mabnin yangaramnyi,” tenen bikwaming. Nira Iya Erebdobnyi, sun molonindarurnyi kunun,’ ebkwandum,” ebmou. 44Ato eboka Er Iya Erebdobnyi biryi Musa deici asi, sun Israel ninyi ati, “Weik uki tum sirya wiboka iya kibdeibman asi ato kunubde bankwandum,” ebmou.
Currently Selected:
Imamat Uram 23: MTG
Highlight
Copy
Compare
Share
Want to have your highlights saved across all your devices? Sign up or sign in
@LAI 2007 (New Testament), @LAI2022 (Old and New Testament)
Imamat Uram 23
23
“Ni Iya Erebdobnyi biryi sirya yuk wibdeibse uki nirya asi li dobde bankwandarur,” ebdeibmou uram deyok
23:1-3
1Ura, Er Iya Erebdobnyi biryi Musa bisi ato ebmou. 2“Sun Israel ninyi asi ato ebdum. ‘Ni Imtamnyi biryi sirya wibdeibse uki tum nirya asi sunci yuk wibdeibokabmunci, bulubkwandarur. Ba, a uki tum ara sun nirya aryi li doboka Ni Imtamnyi bisi si weik enkwandarur. Niryi sirya wibdeibman weik uki tum ara ato ebkwinsin. 3Uki nabaryi ara sun wa irandum to kuboka ur inkwandarur. Bok, uki tabaryi tum berekci ura, taruk louboka ur kubkwandarur. A uki tum ara sunci yuk-yuk wa nirya ina mem! Eda, dantam-dantam kuramunyi dikum nirya aryi te louboka bukmunci, Niryi yuk wibdeibse uki tum si Sabat tum ati, tonkwa buluboka Nisi si weik ebkwanindarur,’ ebdum,” ebmou.
Weik kwalina si Paskah tum ab, Roti Kwaning Bungbung Ena Kum Roti tum ab deyok
23:4-14
4Tonda, Er Iya Erebdobnyi biryi Musa bisi uram tubto ato ebmou.
5“Sun Israel ninyi asi ato eboka ebdum, ‘Yuma wala tanggal 14 tum berekci ura, kiting wengbaci talak aryi weik kwalina si Paskah tum ati, Er Iya Erebdobnyi biti li doboka kwalibde bankwandarur. 6Ba, a wala aryok bok asi, uki 15 baryi tum ara Bungbung Ena Dongona Kum Roti li doboka Er Iya Erebdobnyi biti kwalibkwandarur. Uki tabaryi nirya ara Bungbung Ena Dongona Kum Roti akwe yinkwamandarur. 7A kwalina li dobmaci yuma uki tum ara sun Israel ninyi aryi tonkwa buluboka Er Imtamnyi si weik enkwandarur. A uki tum ara sunci wa ina mem! 8Uki tabaryi nirya ara Er Iya Erebdobnyi biti bisam domba oboka nong nirya dama deiboka uk dabkwandarur. Ba, a kwalina li doanci uki tabaryi tum ara sunci wa ina mem! Eda, sunci tubto tonkwa buluboka Er Imtamnyi si weik ebkwandarur,’ ebdum,” ebmou.
9Er Iya Erebdobnyi biryi Musa bisi uram tubto ato ebmou. 10“Sun Israel ninyi asi ato ebdum, ‘Ni Imtamnyi biryi sunsi Kanaan mutuk karebkwansin. A karebkwansin mutuk dam sirya wengbimunci, gandum wa iboka yuma kibkwandum dinyi ara Ni ai wa in nang sun imam nang asi boyangankwandarur. 11Ba, uki si Sabat tum sirya bisibci ura, sun imam nang aryi a dama douboka Er Iya Erebdobnyi urasin dama asi amubkwanung. Ba, Er Iya Erebdobnyi biryi sunsi kanya deibkwansurur. 12Ba, a yuma iyamunyi yina koubdoba boyanmamunyi tum ara domba bisam nong bol tungdena kum kubmariryi, kwalina tentok kimbinmaci dinyi asi, Niti dama deibnumunyi ura, oboka a bisam nong nirya uk dabkwanindarur. 13Ani, Ni Imtamnyi biti yina-yina dama deirina karebkwanindarur. Ara, tepung teleb ikin dua kilogram ab, zaitun du me yung ab tonkwa dabkwandarur. Ba, a dabmamunyi siltong asi Ni Imtamnyi biryi yubniryi, sunsi kanyi deibkwansin. Ani, anggur du me liter moyok tentok ab dama deiboka dikmunyi ura, uk dabkwanindarur. 14A tum aryok, sunci Niti dama deiriryangana kabul talak ara tepung aryi roti kiknibde yina babyi, gandum du asi yiki yina babyi dabde yina babyi ara mem! Eda, sunci Nisi minob dama deiboka kibnumuncok yibkwandarur. Ato kubkwandarur ebdeibmasin to ara sunbabyi, sun deibdoba mabwe babyi, dantam-dantam mutuk kuramunyi nirya ara iya ukubde bankwandum,’ ebdum,” ebmou.
Liki bitinyi iamingnyi wa kinmangnyi tum li kwalina si Hari Raya Tujuh Minggu deyok
23:15-22
15“Tonda, ‘Weik kwalina si Bungbung Ena Dongona Kum Roti Kwaning tum sirya bisibci ura, a maberekoka tum ara sun wa iamunya yuma kibmamunyi koubdoba ara Er Imtamnyi biti, “Nai, nun babya,” eboka kirbinkwandarur. A kirbinmamunyi tum aryi uki nukalibkwandarur. Nukde baramunyi ani, te louboka bun tum asi liki tabaryi bisibci ura, tubto, “Nai, nun babya,” en dinyi bobinkwandarur. 16Ara, uki mabde baramunyi nukde baramunyi ani, uki 50 baryi kubkwandarur.#23:16 Bahasa Yunani uram Lima Puluh Hari ebyi ara Hari Pentakosta. Ati, nunbabyi hari Paskah wekmabyi tum maberekoka aryi nukde baramibyi asi 50 baryi kimbici ura, Hari Pentakosta enub. Ara, minggu tabaryi sirya bisibci ura, tubto Ni Iya Erebdobnyi biti yina-yina dama deiboka uk dabkwanindarur. 17Er Iya Erebdobnyi biti urasin dam amuboka karebkwamamunyi roti kwaning ara sun Kanaan mutuk kuramunyi ai aryi, roti bitinyi-bitinyi kiboka kiknibmunyi ura, boyankwandarur. Ba, a roti kwaning ara tepung teleb dua kilogram ab, roti bungbung erande keica si ragi ab aryi iniboka kiknibmunyi ura, uk daboka boyankwandarur. A kiknibmamunyi roti ara sun wa iyamunya yuma kibmamunyi dinyi ati Imtamnyi bisi karebkwandarur. 18Ba, tonda bisam domba kwalina tentok kibmaci bisam, er nong bol tungdena kum kubmaci bisam tabaryi asi boyankwandarur. Tonda, bisam lembu yim ukuryok nenmaca ab, bisam domba yim bitinyi ab boyanmamunyi ara dama deiboka Niti uk dabkwanindarur. Ani, a bisam mer nong nirya ab ani, a roti bitinyi ab, anggur me ara Niti dama deibkwandarur. Ba, a siltong yubniryi, Ni kanya deibkwansin. 19Ato kuboka sirya dama deibmunyi ura, sun malyi kun dinyi kilina ati, yim bisam kambing oboka Ni Iya Erebdobnyi biti dama deiboka uk dabkwanindarur. Ani, sun lemdaron dinyi ati, yim bisam domba kwalina tentok bisibmaci bisam bitinyi asi Niti uk dabkwandarur. 20Ba, sunci sun koubdoba yuma kibmamunci kikniboka boyanmamunyi dinyi ab, bisam domba bitinyi ab ara Ni ai wa in nang aryi, taruk ereboka Ni urasin dam amuboka karebkwanunung. A yuk wibdeiboka Niti boyanmamunyi dinyi nirya ara sun imam nang ati karebkwandarur ba, yibkwanung. 21A dama deirinmamunyi tum ara sunci bulubokabmunci Nisi si weik eboka molobkwanindarur. A tum ara wa ina mem! A ebdeibman uram ara sun dantam-dantam kuramunya nirya aryi iya kunubde baramunyi tok asi, odei-odei nirya ukubde binkwandum. 22Sunci gandum wa iyamunyi ani, du dangmamunyi tum ara meica dang youkwa dang eboka kirkarongna mem! Ani, kinmamunyi ba, yokde sangmaci dinyi ara nirya bulubde kina mem! A tangdongonmamunyi dinyi ara sun ukutotoa bulung kuraming nang ab, ninyi atei aryi tingyanamingnyi nang ab ati takdongobkwandarur. Nira Iya Erebdobnyi, sun molonindarurnyi kunun,’ ebdum,” ebmou.
“Ukuryok kwalina wengbimunyi ura, li dobkwandarur,” ebdeibmou deyok
23:23-25
23Er Iya Erebdobnyi biryi Musa bisi ato ebmou. 24“Sun Israel ninyi asi ato ebdeibdum. ‘Ara, tabaryi wala dobmariryi, a wala tanggal 1 aryi, buu ena si trompet aryi buu enmangnyi ara, “Ukuryok Kwalina Tum dobmar ati buu enmang,” tenebkwandarur. Ba, sunci a uki tum ara te louboka bukmunci, neika buluboka Nisi si weik eboka molobkwanindarur. 25Ba, sunci a tum aryi wa ina mem! Eda, sunci Ni Iya Erebdobnyi biti bisam ab, yina-yina ab uk daboka molobkwanindarur,’ ebdum,” ebmou.
Ninyi malyi kun dinyi kiliboka Imtamnyi ab, ninyi ab antanirdeirina weik uki tum si Hari Raya Pendamaian deyok
23:26-32
(Im. 16:29-34; Bil. 29:7-11)
26Er Iya Erebdobnyi biryi Musa bisi ato ebmou, 27“Sun Israel ninyi asi ato eboka ebdum, ‘Kwalina wala tabaryi asi tanggal 10 ara, “Nun malyi kun dinyi kilibsurur,” tenen ati sunci neika buluboka Nisi molobkwanindarur. A li dobmamunyi tum ara sun kanya luknubdongoboka yina si teboka bukmunci, Niti bisam oboka dama deibmunci, Er Iya Erebdobnyi biti bisam domba nong nirya uk dabkwandarur. 28A tum ara sunci wa ina mem! A uki tum ara, “Ni ab sun ninyi ab antanirdan tum,” berekmaci deyok aryi, sunci Ni Iya Erebdobnyi sun molonindarurnyi urasin dam yankwandarur. Ba, Ni ab sun ninyi ab antanibdankwanub. 29Unanyi biryi a tum aryi er kanya luknubdongoboka yina si tena kum kubmarinyi bira sun kankan dam aryi obkabkwandarur. 30Unanyi biryi a uki tum aryi wa inmarinyi bira sun kankan dam aryi obkabokwan. 31A tum ara sunci wa ina mem! A ebman uram ara sun Israel ninyi dantam-dantam kuramunyi ninyi nirya aryi, kunubde baramunyi tok asi, odei-odei nirya ukubde binkwaming. 32A tum ara uki si Sabat tum ati, sunci te louboka bun tum berekwandur. Ba, a tum aryi sun kanya luknubdongoboka kwaning si tebkwandarur. Ara, a wala tanggal sembilan ara kiting wengbaci talak aryi te louboka bukmamunyi asi, tanggal 10 tum berekmaci ani kiting tubto wengbaci ura, sunci ur wa iboka kwaning yibkwandarur,’ ebdum,” ebmou.
Co bok aryi tiya ati durubdeiboka kun ai li si Hari Raya Pondok Daun don tum deyok
23:33-44
(Bil. 29:12-40)
33Er Iya Erebdobnyi biryi Musa bisi ato ebdeibmou. 34“Sun Israel ninyi asi ato ebkwandum. ‘Tabaryi wala tanggal 15 tum berekci ura, tiya ati durubdeiboka kun ai doramnyi to ati, teneibdeboka uki tabaryi nirya ara Ni Iya Erebdobnyi biti li si Hari Raya Pondok Daun ati dobkwandarur. 35A li dobmamunya tum, yuma tum berekmaci ara sunci yuk wibdeiboka bulubmunyi ura, Nisi si weik ebkwanindarur. A tum ara sunci wa ina mem! 36Uki tabaryi nirya ara Ni Iya Erebdobnyi biti bisam domba dama deiboka, a bisam nong nirya uk dabkwandarur. Ba, uki inbaryi berekci ura, sunci tubto neika buluboka Nisi si weik ebkwanindarur. Ani, Ni Iya Erebdobnyi biti bisam domba dama deiboka, a bisam nong nirya uk dabkwandarur. A tum ara sunci wa ina mem!
37Ni Iya Erebdobnyi biryi, “Ni weik uki tum ati li dobdarur,” eboka sirya kibdeibse tum nirya asi, sunci a uki tum yuk wibdeiboka neika bulubkwandarur. Bulubmunyi ura, sunci Niti bisam domba dama deiboka uk dabkwandarur. Anda dama ara bisam nong nirya uk dabkwanurum dinyi ton, koubdoba yina-yina ati dama deiboka uk dabkwanurum dinyi ton, anggur du me aryi dama deirin dinyi ton ukuboka dama deibkwanindarur. A li dobmariba, “Niti dama deirinkwanurum,” dinyi ara Niryi sirya, “Ukuboka deirinkwanurum,” ebdeibse to kuboka dama deirinkwandum. 38Tonda, uki tabaryi si Sabat tum nirya sunci te louboka neika bulubmunci, Nisi si weik ebkwandarur. Tonda, yuk tum-yuk tum aryi, sunci Nisi moloamunci, uram talak ebdeianumunyi dama ab, sun kanyi aryi, “Nai, nun babya,” en dinyi dama ab asi ur karebkwanindarur.
39Bok, wala tabaryi dobdiryi tanggal 15 kibci ura, co bok aryi tiya durubdeiboka kun ai li si Hari Raya Pondok Daun ati, sun wa iramunyi co anggur du ab, co zaitun du ab kiboka Niti, “Nai, nun babya,” en dinyi boyandoka dama deibkwanindarur. A li dobmamunyi tum ara uki tabaryi nirya Nisi molobkwanindarur. Ba, yuma uki tum ab, sirya tum inbaryi tum ab ara te louboka bukwandarur. 40Ani, yuma uki tum ara co du teleb-teleb akwe wiboka dakwandarur. Ani, co korma bok ab, ilila co bok yuranci co toukwe ab asi dobmunyi ura, douboka Imtamnyi urasin dam asi sun kanyi karyi asa aryi bosemdamunyi asi, uki tabaryi nirya ukuboka Nisi si weik erebkwandarur. 41Ba, kwalina tentok ara a weik uki tum Hari Raya Pondok Daun asi uki tabaryi nirya ara sun Israel ninyi dantam-dantam kunkwanduma nirya aryi, Ni Iya Erebdobnyi bisi si weik enkwanurum. A kibdeibman uki tum ara sunbabyi, sun deibde binkwanduma nirya babyi aryi wala tabaryi dordongoci tok ara li doboka kwalinkwandum. 42Ba, sun Israel yoka ninyi ara co bok aruma aryi durubdeiboka doamunyi ai asi, uki tabaryi nirya ara a kunkwandarur. 43Ba, sun deibdoba aryi, “Nun Nai Imtamnyi biryi Mesir aryi boyangaramwe talak ara co bok ai aruma aryi doboka mabnin yangaramnyi,” tenen bikwaming. Nira Iya Erebdobnyi, sun molonindarurnyi kunun,’ ebkwandum,” ebmou. 44Ato eboka Er Iya Erebdobnyi biryi Musa deici asi, sun Israel ninyi ati, “Weik uki tum sirya wiboka iya kibdeibman asi ato kunubde bankwandum,” ebmou.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
@LAI 2007 (New Testament), @LAI2022 (Old and New Testament)