Imamat Uram 21
21
Sun imam nang lek kun dinyi deyok
21:1-9
1Ura, Er Iya Erebdobnyi biryi Musa bisi ato ebmou, “Sun imam nang Harun mabwe asi ato ebdum! ‘Sun Er Imtamnyi ai wa in nang imam nang sunbiramnyi aryi Er Imtamnyi biryi nining ato dinyi asi kununa mem! Ara, sun atei ninyi kum, sun du weit kum dibmangnyi nang asi sun ab tonkwa tukwe dongorbana mem! 2Bok, a dibmarinyi bira sun imam nang ai ninyi nong asi dibmanung. Ara, er kwin nong kum, er nai nong kum, er mi nong kum, er nebnyi kum, er du weit nong kum asi dibmangnyi ura, Er Imtamnyi biryi li tenerur dinyi sunci ur kunubkwandarur. 3Tonda, sun malner ninyi kum dobdeanci ner asi sun ab tonkwa kuramunyi ner asi dibmangnyi ura, Er Imtamnyi biryi li tenerur dinyi ara sunci ur kunubkwandarur. 4Ani, sun imam nang ara Er Imtamnyi biryi duknasito tenerur dinyi asi kununa mem! Ara, sangkuna sun ner ai ninyi, sun yamal ninyi dibmangnyi ba, tukwe dongorbanmangnyi ai ara sunbabyi tonkwa miliboka tukwe dongorbana mem! Ato kuboka sun kwit yabwe nerabwe dibmangnyi dongorbimunci, Er Imtamnyi biryi malyi dinyi beterdongona kum dinyi asi betebdongobmunyei!
5Sun imam nang aryi sun ai ninyi dibmangnyi boukwe ati kunmangiryi sun kisok otong dinatam demang langdana mem! Ani, sun bana otong dinatam demang langdana mem. Ani, tonda sun nong bol asi uturuboka tourdana mem! 6Sun imam nang aryi Er Imtamnyi urasintam asi lek ninyi kunkwanung. Ani, sunci sun Nai Imtamnyi Er si lek dinyi asi yan yanina kum kunkwanung. Ara, sun imam nang ara Er Iya Erebdobnyi sun molonindarurnyi biti yina dama deiboka uk daraming. Ato kuraming deyok aryi sun imam nang ara lek nang kibkwanung. 7Ba, sun imam nang ara Er Imtamnyi biryi sirya wiboka Er ai wa in nang kibdeibwe nang kunkwanung. Akiryi sun nerabwe dobkwamingnyi ara minob uca, talyi yibinkirikoka yortamdamingnyi nerabwe ab, talyi yobloamingnyi nerabwe ab ara dona mem! Ani, sun akenyi yabwe ab taklobdanmingnyi nerabwe ab ara dona mem! 8Ani, sun Israel nang sunci sun imam nang asi lek nang tenebkwandarur. Ara, sunci Er Imtamnyi biti bobinmamunyi dama asi sun imam nang aryi dama deiboka molobliknibkwansunung. 9Ba, sun imam nang nermabwe aryi yuk kwemdeina molon ai talyi yortamni nerabwe kiamingnyi ura, sun nai yabwe lek dinyi ara betebdongobkwanung. Akiryi sun a talyi yortamni nermabwe ara oboka uk dankwanung,’ ebdum,” ebmou.
Sun imam nang sun sienyi imam besar lek kun dinyi deyok
21:10-15
10Ura, Er Iya Erebdobnyi biryi Musa bisi ato ebmou, “Sun Er imam nang Harun mabwe asi ato ebdum! ‘Sun imam nang sun sienyi imam besar bira eitam erebdobto kurande ba, sun yuk imam nang ara outamtoto kuraming. Sun sienyi bira tong teleb me yung aryi Ni Imtamnyi si deici aryi Musa biryi kisok likeiboka me ilikdeibmou. Ani, sun imam besar yuk wibdeiboka ongon aling ongobdeibmou. Ato kuboka sirya kubdeibci ba, ninyi dibmangnyi ba, boukwe ati imam besar biryi er otong ara diboka lelengna kumkum buna mem, eda diboka lelekoka bukwandur. Ani, tonda boukwe ati sun ongon aling ara kwilikdena mem! 11Ani, imam besar biryi sun ninyi tukwi dibmangnyi dam bana mem. Tonda, Er Imtamnyi biryi li tenerur dinyi asi kununa mem. Ara, er nai er kwin tukwi deibmangnyi ai dam ababyi bindoka bolirdena mem! 12Ani, imam besar ara malyi dinyi beterdongona kum ai aryi sakweteboka yuk dikum yibana mem. Ara, imam nang sun sienyi biryi ato kubci ura, Er Imtamnyi ai lek dinyi asi sirya malyi kubminikcei. Ara, Er Imtamnyi biryi me asok likdeiboka ersi sirya yuk wibdeibwe; Nira diba Iya Erebdobnyi kunun. 13Ba, sun imam nang sun sienyi bira ninyi ab ton mardena kum kuamingnyi ner, ur kuranci ner asi dobkwandur. 14Ba, er akenyi dianci ba, er yuk kuranci ner kum, er akenyi ab taklobdanandingnyi ner kum, talyi yobloamingnyi ner kum, talyi yortamni ner kum ara erci dona mem! Eda, ninyi ab ton mardena kum kuandiryi ur kuranci ner, sun Lewi yala ner nong asi dobkwandur. 15Ba, er atei nang kankan dam aryi er yaldangni mabwe ara yuk wibdeibdob nang kubde binkwanung. Ni Iya Erebdobnyi biryi ersi yuk wibokabsiryi sun imam nang sienyi kibdeibse,’ ebdum,” ebmou.
Nong malyi kuanci nang aryi Er Imtamnyi biti dama deirina mem deyok
21:16-24
16Ura, Er Iya Erebdobnyi biryi Musa bisi ato ebdeibmou. 17“Harun bisi ato ebdum, ‘Harun kan deibdoba kankan dam aryi sun nong malyi kuranci nang aryi Er Imtamnyi bisi dama deiboka molona mem! 18-19Ani, sun nong malyi kuanci nang ab, sun yan neiktoto kum kuanci nang ab, sun urasin malyi kuanci nang ab, nong cang ninyi kum neraming to kuboka neamingnyi nang ab ara Er Imtamnyi biti dama deirin ai yangana mem! Ani, sun taruk mitang nang kum, sun yan mitang kuranci nang kum ara Er Imtamnyi biti dama deirin ai yangana mem! 20Ani, tonda sun nong weik kum neamingnyi nang ab, ton asing malyi kuanci nang ab, susa taleranci nang ab, den luru dinatam kotokanci nang ab ara Er Imtamnyi biti dama deirin ai yangana mem! 21Ba, sun Harun deibdoba nang asi sun nong malyi kuanci nang ab, sun yan neiktoto kum kuanci nang ab ara Er Imtamnyi biti dama deirin ai dam yandoka Er Iya Erebdobnyi biti yina-yina dama deirina mem. 22Ba, Er Imtamnyi biti deibmangnyi dama ab, yuk wiboka deiraming dama iya lek dama ab ara sun imam nang ab, sun anda malyi kurdaranci nang ab tonkwa ur yinkwandarur. 23Bok, wilimna ai abilinga dikum ara sunci yangana mem. Ani, Er Imtamnyi biti ninyi dama deirin keil lamna dam ababyi yangana mem. Ara, sun yan neiktoto kum kuanci deyok aryi beterdongona mem dikum yangana mem. Sunci ato kubokabingiryi Ni Imtamnyi malyi dinyi beterdongona kum dikum nirya asi yan yanibingnyei. Nira Iya Erebdobnyi biryi a dikum asi lek kimdeirinun,’ ebdum.” 24Ato kuboka Musa biryi Harun ab er mabwe ab sun Israel nang nirya ab asi Er Imtamnyi biryi ebdeiamwe to kuboka ebdeibmou.
Currently Selected:
Imamat Uram 21: MTG
Highlight
Copy
Compare
Share
Want to have your highlights saved across all your devices? Sign up or sign in
@LAI 2007 (New Testament), @LAI2022 (Old and New Testament)
Imamat Uram 21
21
Sun imam nang lek kun dinyi deyok
21:1-9
1Ura, Er Iya Erebdobnyi biryi Musa bisi ato ebmou, “Sun imam nang Harun mabwe asi ato ebdum! ‘Sun Er Imtamnyi ai wa in nang imam nang sunbiramnyi aryi Er Imtamnyi biryi nining ato dinyi asi kununa mem! Ara, sun atei ninyi kum, sun du weit kum dibmangnyi nang asi sun ab tonkwa tukwe dongorbana mem! 2Bok, a dibmarinyi bira sun imam nang ai ninyi nong asi dibmanung. Ara, er kwin nong kum, er nai nong kum, er mi nong kum, er nebnyi kum, er du weit nong kum asi dibmangnyi ura, Er Imtamnyi biryi li tenerur dinyi sunci ur kunubkwandarur. 3Tonda, sun malner ninyi kum dobdeanci ner asi sun ab tonkwa kuramunyi ner asi dibmangnyi ura, Er Imtamnyi biryi li tenerur dinyi ara sunci ur kunubkwandarur. 4Ani, sun imam nang ara Er Imtamnyi biryi duknasito tenerur dinyi asi kununa mem! Ara, sangkuna sun ner ai ninyi, sun yamal ninyi dibmangnyi ba, tukwe dongorbanmangnyi ai ara sunbabyi tonkwa miliboka tukwe dongorbana mem! Ato kuboka sun kwit yabwe nerabwe dibmangnyi dongorbimunci, Er Imtamnyi biryi malyi dinyi beterdongona kum dinyi asi betebdongobmunyei!
5Sun imam nang aryi sun ai ninyi dibmangnyi boukwe ati kunmangiryi sun kisok otong dinatam demang langdana mem! Ani, sun bana otong dinatam demang langdana mem. Ani, tonda sun nong bol asi uturuboka tourdana mem! 6Sun imam nang aryi Er Imtamnyi urasintam asi lek ninyi kunkwanung. Ani, sunci sun Nai Imtamnyi Er si lek dinyi asi yan yanina kum kunkwanung. Ara, sun imam nang ara Er Iya Erebdobnyi sun molonindarurnyi biti yina dama deiboka uk daraming. Ato kuraming deyok aryi sun imam nang ara lek nang kibkwanung. 7Ba, sun imam nang ara Er Imtamnyi biryi sirya wiboka Er ai wa in nang kibdeibwe nang kunkwanung. Akiryi sun nerabwe dobkwamingnyi ara minob uca, talyi yibinkirikoka yortamdamingnyi nerabwe ab, talyi yobloamingnyi nerabwe ab ara dona mem! Ani, sun akenyi yabwe ab taklobdanmingnyi nerabwe ab ara dona mem! 8Ani, sun Israel nang sunci sun imam nang asi lek nang tenebkwandarur. Ara, sunci Er Imtamnyi biti bobinmamunyi dama asi sun imam nang aryi dama deiboka molobliknibkwansunung. 9Ba, sun imam nang nermabwe aryi yuk kwemdeina molon ai talyi yortamni nerabwe kiamingnyi ura, sun nai yabwe lek dinyi ara betebdongobkwanung. Akiryi sun a talyi yortamni nermabwe ara oboka uk dankwanung,’ ebdum,” ebmou.
Sun imam nang sun sienyi imam besar lek kun dinyi deyok
21:10-15
10Ura, Er Iya Erebdobnyi biryi Musa bisi ato ebmou, “Sun Er imam nang Harun mabwe asi ato ebdum! ‘Sun imam nang sun sienyi imam besar bira eitam erebdobto kurande ba, sun yuk imam nang ara outamtoto kuraming. Sun sienyi bira tong teleb me yung aryi Ni Imtamnyi si deici aryi Musa biryi kisok likeiboka me ilikdeibmou. Ani, sun imam besar yuk wibdeiboka ongon aling ongobdeibmou. Ato kuboka sirya kubdeibci ba, ninyi dibmangnyi ba, boukwe ati imam besar biryi er otong ara diboka lelengna kumkum buna mem, eda diboka lelekoka bukwandur. Ani, tonda boukwe ati sun ongon aling ara kwilikdena mem! 11Ani, imam besar biryi sun ninyi tukwi dibmangnyi dam bana mem. Tonda, Er Imtamnyi biryi li tenerur dinyi asi kununa mem. Ara, er nai er kwin tukwi deibmangnyi ai dam ababyi bindoka bolirdena mem! 12Ani, imam besar ara malyi dinyi beterdongona kum ai aryi sakweteboka yuk dikum yibana mem. Ara, imam nang sun sienyi biryi ato kubci ura, Er Imtamnyi ai lek dinyi asi sirya malyi kubminikcei. Ara, Er Imtamnyi biryi me asok likdeiboka ersi sirya yuk wibdeibwe; Nira diba Iya Erebdobnyi kunun. 13Ba, sun imam nang sun sienyi bira ninyi ab ton mardena kum kuamingnyi ner, ur kuranci ner asi dobkwandur. 14Ba, er akenyi dianci ba, er yuk kuranci ner kum, er akenyi ab taklobdanandingnyi ner kum, talyi yobloamingnyi ner kum, talyi yortamni ner kum ara erci dona mem! Eda, ninyi ab ton mardena kum kuandiryi ur kuranci ner, sun Lewi yala ner nong asi dobkwandur. 15Ba, er atei nang kankan dam aryi er yaldangni mabwe ara yuk wibdeibdob nang kubde binkwanung. Ni Iya Erebdobnyi biryi ersi yuk wibokabsiryi sun imam nang sienyi kibdeibse,’ ebdum,” ebmou.
Nong malyi kuanci nang aryi Er Imtamnyi biti dama deirina mem deyok
21:16-24
16Ura, Er Iya Erebdobnyi biryi Musa bisi ato ebdeibmou. 17“Harun bisi ato ebdum, ‘Harun kan deibdoba kankan dam aryi sun nong malyi kuranci nang aryi Er Imtamnyi bisi dama deiboka molona mem! 18-19Ani, sun nong malyi kuanci nang ab, sun yan neiktoto kum kuanci nang ab, sun urasin malyi kuanci nang ab, nong cang ninyi kum neraming to kuboka neamingnyi nang ab ara Er Imtamnyi biti dama deirin ai yangana mem! Ani, sun taruk mitang nang kum, sun yan mitang kuranci nang kum ara Er Imtamnyi biti dama deirin ai yangana mem! 20Ani, tonda sun nong weik kum neamingnyi nang ab, ton asing malyi kuanci nang ab, susa taleranci nang ab, den luru dinatam kotokanci nang ab ara Er Imtamnyi biti dama deirin ai yangana mem! 21Ba, sun Harun deibdoba nang asi sun nong malyi kuanci nang ab, sun yan neiktoto kum kuanci nang ab ara Er Imtamnyi biti dama deirin ai dam yandoka Er Iya Erebdobnyi biti yina-yina dama deirina mem. 22Ba, Er Imtamnyi biti deibmangnyi dama ab, yuk wiboka deiraming dama iya lek dama ab ara sun imam nang ab, sun anda malyi kurdaranci nang ab tonkwa ur yinkwandarur. 23Bok, wilimna ai abilinga dikum ara sunci yangana mem. Ani, Er Imtamnyi biti ninyi dama deirin keil lamna dam ababyi yangana mem. Ara, sun yan neiktoto kum kuanci deyok aryi beterdongona mem dikum yangana mem. Sunci ato kubokabingiryi Ni Imtamnyi malyi dinyi beterdongona kum dikum nirya asi yan yanibingnyei. Nira Iya Erebdobnyi biryi a dikum asi lek kimdeirinun,’ ebdum.” 24Ato kuboka Musa biryi Harun ab er mabwe ab sun Israel nang nirya ab asi Er Imtamnyi biryi ebdeiamwe to kuboka ebdeibmou.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
@LAI 2007 (New Testament), @LAI2022 (Old and New Testament)