Imamat Uram 14
14
Susa taleanci nang sirya lobdobci talak aryi me ilingdon deyok
14:1-32
1Ura, Er Iya Erebdobnyi biryi Musa bisi ato ebdeibmou. 2#Mat. 8:4; Mrk. 1:44; Luk. 5:14; 17:14“A yan memen dinyi ara er susa youn talerandinyi biryi kunubde bankwanci to ati liliboka sekeibdum! Ara, er susa youn taleandinyi er nong bol debum ebkwamaci talak ara imam nang asi bobinkwanung. 3Ura, er imam biryi keis ol ai doramingnyi atei dam aryi sakweteboka a susa youn taleandinyi bisi liliboka dibdenkwandur. Liliboka dirderanci uca, sirya lobdobmaci ura, a susa youn taleandinyi bisi ato enkwandur. ‘Kanda susa youn sirya lobdobmakir,’ ebkwandur. 4Ura, er imam biryi a susa lobmarinyi bisi ato eboka arukwandur, ‘Ninyi yiraming maka, mitik maka bitinyi kam kibmaning asi boyankwandum. Ani, teleb co si aras tentok ab, kaluna aling si kirmizi ab, co si hisop bisila ab boyankwandum,’ ebkwandur. 5Ura, er imam biryi yuknyi asi, ‘Ton maka ara tukwe aryi kiknibyi belanga bok, me u aryi kweboka yangan me aryi kibdongoboka a deici ya ngang sekwandum,’ eboka arungkwandur. 6Ba, er imam biryi kam kibmaning maka ara co aras ab, kalun aling kirmizi ab, co si hisop bisila ab nirya ara minob ya ngang sekmaci maka ining umbura dongobkwandur. 7Ura, er imam biryi sirya ato kuboka a maka ining nirya likmaci ura, sun a susa youn taleandinyi kilibkwamaci ati liki tabaryi a maka ining lubting akwandur. Ba, kam tuba kibmaning maka ara baitam kaibdongobkwandur. 8Ba, er susa youn taleandinyi asi kilibkwamarinyi ara er ongon aling me ilikdobci, sun otong nirya kurukwandur. Ani, tonda er nong nirya ara me kekdobkwandur. Ba, er taleanci susa lobdobkwandur. Ato kuboka ilikdobci deyok aryi susa lobdobci ura, a susa youn taleandinyi ati yuk dobdeiamingnyi atei ur wengbinkwandur. Bok, er atei kobdob ara ola wengbana kum uca, baitam akwe uki tabaryi kubdiryok er ai kobdoba wengbinkwandur. 9Ba, uki tabaryi tum ara tubto er otong nirya kurubkwandur. Ara, er kisok otong babyi, bana otong babyi, asing dimunya otong babyi nirya kurubkwandur. Ani, er ongon aling nirya me ilikdobkwandur. Ani, er nong bol nirya ababyi me kekdongobci ba, er nong bol debum ebkwandur.
10Ba, uki inbaryi tum berekci ura, er susa youn taleandinyi biryi nong bol tungdena kum kuanci bisam domba yim bitinyi ab, bisam domba ner tentok ab asi kwalina tentok ukuryok nerbalbalinglonmaci bisam asi sun imam nang dam boyankwandur. Ani, tepung teleb aryi minyak zaitun ab tabtabukmangnyi tepung 3 kilogram baryi ab, zaitun du yung me 0,3 liter baryi ab asi sun imam nang dam boyankwandur. 11Boyaci ura, er imam biryi er a susa youn taleandinyi ab, er dama deirin dinyi ab asi Er Iya Erebdobnyi urasintam bobinkwanung. Ara, Kemah Suci ai bisik bublan dam bobinkwandur. 12Bobici ura, bisam domba yim tentok ab, zaitun du yung me 0,3 liter baryi ab dobkwandur. Ara, Er Iya Erebdobnyi urasintam asi a dama dobtalebci ura, taruk erebokabdiryi amuboka dama deibkwandur. Ato kuboka er susa youn taleandinyi biti dama deiboka molobliknibkwandur. 13Ba, er a susa youn taleandinyi biryi Korban Penghapus Dosa ab, Korban Bakaran ab ati bisam domba oboka uk daramingnyi dikum asi bobindoka ya ngang sekwandur. Ara, Korban Penebus Salah ab, Korban Penghapus Dosa ab a dama kablobci dinyi ara er imam dinyi kimkwandur. Er imam biti karebkwamaci dama dinyi ara yuk wibdeibkwandur. 14Ura, er imam biryi a bisam domba ining mitikanun dobkwandur. Dobdobci ura, a susa taleandinyi bisi siriktam amol asi likdeibkwandur. Ani, er siriktam taruk amwe du ab siriktam yan amwe du ab asi lingdeibkwandur. 15Ani, er imam biryi minyak zaitun du yung 0,3 liter aryi me mitikanun dobkwandur. Dobci ura, er siriktam taruk te tang deici dub asi deibkwandur. 16Ura, siriktam taruk du aryi kwanimtam taruk te tang deici minyak zaitun ab maka ining ab tabtabukmaci dinyi siriktam te dumwe aryi likwandur. Ura, Kemah Suci ai umbura Er Iya Erebdobnyi urasintam asi er siriktam taruk du aryi liki tabaryi likoka lubting akdeibkwandur. 17Ba, a minyak zaitun kablobci dinyi ara imam biryi tubto er a susa youn taleandinyi siriktam amol asi lubdeibkwandur. Ani, er siriktam taruk amwe ab, er siriktam yan du ab asi lubdeibnin yibinkwandur. 18Ba, kablobci minyak zaitun ara er a susa youn taleandinyi kisok ai asi dikeibkwandur. Ato kubmaci dinyi aryi Er Iya Erebdobnyi ab antanirdeirin dinyi kibdeibkwandur. 19Ura, Imam biryi, ‘Er ura taleandinyi malyi kun dinyi kilibte,’ tenen Korban Penghapus Dosa ati bisam domba oboka uk dabkwandur. Ba, er a susa youn taleandinyi sirya lobdobci ura, bol debum ebkwandur. Ato kuboka sirya kubdeibci ura, er susa youn taleandinyi biryi bisam sapi tentok nong nirya Er Imtamnyi biti oboka uk dabkwandur. 20Ura, a bisam domba ara er imam biryi Er Imtamnyi biti Korban Sajian ab tonkwa dama deiboka uk dabkwandur. Ara, er a susa youn taleandinyi biti er imam biryi ato kuboka tubto dama deibdiryi molobliknibkwandur. Ato kubmaci deyok aryi er susa taleandinyi bol ara debum ebkwande.”
21“Bok, er a susa youn taleandinyi bira bona talena kum kurandinyi bisi susa youn taleanci ura, er malyi kun dinyi kilibkwamaci ati bisam domba yim tentok boyankwandur. Ara, bisam domba dobtaleboka Er Imtamnyi urasintam asi bebnin yiban dama boyankwandur. Ba, er a youn taleandinyi ab Er Imtamnyi ab antanibdeibkwandur. Ani, tonda yina-yina dama deiboka uk dabdiryi, molobkwamaci dinyi ati tepung teleb satu kilogram ab, minyak zaitun du yung me 0,3 liter baryi ab tabtabukoka boyankwandur. 22Ani, er taruk dam kubmaci to kuboka maka emnanyi mi bitinyi kum, maka tekukur mi bitinyi kum boyankwandur. A boyanmaci maka, ton maka ara, ‘Er Imtamnyi biryi ni malyi kun dinyi kilibnute,’ tenen oboka dama deirin dinyi deibkwandur. Ba, ton maka ara Er Imtamnyi biti oboka uk dan dinyi dama deibkwandur. 23Er a susa youn taleandinyi bira bol telebtonyi kibkwanci ati uki inbaryi tum berekci ura, er imam dam boyankwandur. Ura, ‘A boyankwandum,’ eanci dama nirya ara Er Iya Erebdobnyi urasin dam boyankwandur. Ara, Kemah Suci ai weik bisik bublan dam asi boyankwandur. 24Er lemdaron dinyi dengna ati bisam domba ab, zaitun du yung me ab boyankwandur. Ba, er imam biryi dobtalebdiryi, Er Iya Erebdobnyi urasintam asi dama deiboka amubnin yibiriryi, molobliknibkwandur. Ato kubmaci dama ara er imam dinyi kimkwandur. 25Ura, tubto er imam biryi a bisam domba dama deiboka ya ngang sekwandur. Sekci ura, a bisam ining mitikanun dobokabdiryi, a susa youn taleandinyi siriktam amol asi lubdeibkwandur. Ani, er siriktam taruk amwe ab, siriktam yan amwe ab asi lubdeibkwandur. Ato kubmaci deyok aryi a susa taleandinyi bol teleb kibdeibkwande. 26Ani, er imam erbiramnyi kwanimtam taruk te tang deici asi zaitun du yung me dikoka doubkwandur. 27Ura, siriktam taruk dumwe aryi likdongoboka Kemah Suci ai umbura Er Iya Erebdobnyi urasintam asi liki tabaryi akdeibnin yibinkwandur. 28Ani, er imam biryi susa taleandinyi bisi ‘Er Imtamnyi biryi malyi kun dinyi kilibte,’ tenen dama deirin bisam ining aryi minob likeibmaci dikum ababyi likeibkwandur. Ara, er susa taleandinyi siriktam amol babyi, er siriktam taruk amwe babyi er siriktam yan babyi asi tubto zaitun du yung me aryi likeibkwandur. 29Ani, a doubmaci minyak kablobci dinyi ara tubto er susa youn taleandinyi kisok deici dikdongobkwandur. Er imam biryi susa youn taleandinyi bisi ato kubmaci deyok aryi, Er Iya Erebdobnyi dam antanibdeibkwandur. 30Ato kuboka sirya kubdeibmaci ura, er susa youn taleandinyi biryi er taruk dam kubmaci to kuboka maka emnanyi mi kum, maka tekukur mi bitinyi kum boyankwandur. 31A maka boyaci ura, ton maka ara, ‘Er Imtamnyi biryi ni malyi kun dinyi kilibnute,’ tenen deirin dama ab, yina-yina dama deiboka uk daramingnyi deirin dama dam deibkwandur. Ura, er imam biryi er susa youn taleandinyi bisi ato kubmaci dinyi aryi Er Iya Erebdobnyi ab antanirdeirin dinyi kibdeibkwandur.
32Ara, er bona talena kumnyi bisi susa youn taleanci ani, sirya lobdobci talak ara ato kuboka dama boyandoka deibkwandur.” Ato eboka Musa biryi sun Israel ninyi asi, “Er Imtamnyi bira ato kuboka ebdeibsou,” ebmou.
Susa yun taleandinyi kiklina ara ai doamingnya asi luboka co un deirande ato kurande deyok
14:33-57
33Ura, Er Iya Erebdobnyi biryi Musa ab Harun ab asi ato ebdeibmou. 34“Sun Israel nang ara Ni sun molonindarurnyi biryi karebkwansin mutuk si Kanaan mutuk dam aminda wengbimunci, sun mutuk kiboka ai dobkwandum. A ai doboka kuramunyi ai nong bol ara Niryi sun susa youn talebsici ba, bobkwamunyi bol ato kikliboka ukubdeibkwan. 35Ura, er akai damnyi biryi a deibdongoanyi asi eibci ura, er imam dam asi, ‘Ni ai ara susa youn sirya talebwe,’ erbinkwandur. 36Ba, er imam biryi akai erdamnyi bisi ato ebkwandur, ‘Kan ai deiraminyi bona nirya ara Er Imtamnyi urasintam aryi nining ato tenen bona kibkicei ati yuk ai doboka deibdobdum. Ura, niryi kan ai liliboka diryankwaman,’ ebkwandur. Ato ebmaci aryi sirya yuk ai dobdeibdobmaci ura, er imam biryi ai liliboka diryankwandur. 37A Diryanmaci uca, akai luanci abilinga babyi, abyokomna babyi nirya asi liliboka dibdenkwandur. Liliboka dirderanci uca, akai abyokomna ab, er dangdang ab asi sukuboka ining bol deirandiryi bun duk-duk nirya obdakanci, 38asi liliboka eibci ura, er imam biryi akai umbura aryi baitam sakwetebkwandur. Ura, bisik bublan dam tingbiriryi, imam biryi akai bisik bublan tirikanci asi uki tabaryi kubkwandur. 39Ato kuboka bublan tirikanci tok asi uki tabaryi sirya berekci ura, er imam biryi akai dam yandokabdiryi, tubto liliboka dibdenkwandur. Liliboka dirderanci uca, akai luanci abilinga babyi abyokomna babyi nirya ara a susa aryi weik kibde barande to, 40kuranci ura, er imam biryi sun akai damnyi bisi ato ebkwandur. ‘Akai susa bolibwe abilinga babyi, abyokomna babyi ara dakwandum. Dakminyi ura, a dakdoba ara akatei aryi sakweteboka nining dinyi donongbana ati sirya yuk likeibdau dikum asi boboka donongbirum,’ ebkwandur. 41Ani, akai deneboka doanci dinyi nirya dakwandur. Dakci ura, akai dakdoba nirya ara akatei aryi sakweteboka nining dinyi donongbana ati yuk wibdeiamingnyi dikum asi boboka donongbinkwandur. 42Ato kuboka sirya dakoka bai donongbici ura, tubto ukuryok keil aryi ai dobkwandur. Ani, akai abilinga keil kum, abyokomna kum nirya ukuryok denerdongon dinyi aryi deneboka aknabdongobkwandur. 43-44Ato kuanci bok asi, sangkuna akai abilinga kum, abyokomna kum tubto susa eibdongobci ura, er imam biryi tubto yandoka liliboka dibdenkwandur. Liliboka dirderanci uca, akai nirya asi susa eianci asi asing eibkwande. Ato kuboka eiandiryi kuranci susa ara iya yu susa aryi akai umbura nirya asi kurandur. Akiryi akai ara sirya Er Imtamnyi biryi, ‘Nining ato,’ tenerur dinyi eiandur. 45Ato kuanci deyok aryi akai nirya ara dakabkwandur. Dakabci ura, akai dakdoba abyokomna babyi, abilinga babyi, abyokomna denena babyi nirya ara akatei aryi bosakweteboka yuk mutuk boboka donongbinkwandur. Ara, Er Imtamnyi biryi, ‘Nining ato,’ tenerur dinyi ati boboka weik atei lika baitam kuboka donongbaramingnyi dikum asi boboka donongbinkwandur. 46Ba, akai bublan er imam biryi tirikanci talak aryi akai wekmarinyi bira nining atonyi kibmaci ba, kunmaci tok asi kiting wekwandur. 47Ani, er akai umbura bukoka marandinyi ab kwaning yirandinyi ab ara er ongon aling me ilikdobkwandur.
48Bok asi, er imam biryi tubto yandoka liliboka dirderanci uca, a dakoka doanci ai umbura nirya weik kum kibde barandur. Ato kuranci ura, er imam biryi ato ebkwandur, ‘Akai eibwe susa sirya kum dandobmararyi sirya me ilikdob ai kibmar,’ ebkwandur. 49Akai me ilikdob ato ai kibkwanci ati er imam biryi mitik maka bitinyi boyankwandur. Ani, co si aras ab, kirmizi bol tabwe ab, co si hisop bisila tentok ab boyankwandur. 50Ura, er imam biryi ton maka asi luma kum me kibdongobmangnyi belanga deici deibdongoboka ya ngang sekwandur. Ara, a belanga ara tukwe aryi iniboka kikniamingnyi belanga deici deibdongoboka sekwandur. 51Ura, er imam biryi co aras ab, co si hisop bisila ab, kirmizi bol tabwe ab kam tuba kaibmangnyi maka ab asi dobkwandur. Ato kuboka a nirya dobci ura, minob oboka ya ngang sekmaci maka ining asi likwandur. Ani, me umbura dongoboka likwandur. Ato kubci ura, akai asi liki tabaryi tubdeibnin yibinkwandur. 52Ato kuboka er imam biryi susa eianci ai asi me ilikdob ai kibdeibkwandur. Ara, maka ining ab, yibaranci me ab, kam maka ab, co si aras ab, co si hisop bisila ab, kirmizi bol tabwe ab luboka me ilikdob ai kibdeibkwandur. 53Ani, er imam biryi kam tuba deibmangnyi maka ara baitam kaibdongobkwandur. Ato kuboka er imam biryi susa eianci ai asi me ilikdob ai kibdeibkwandur.
54Ara, ninyi bol ai ab, kisok ai ab, asi ninyi iya ilil talak youn susa kum, kudis kum talen deyok ati liliboka sekeibwe. 55Ani, ongon aling ab, ai ab sun ninyi nong bol asi susa youn eirin deyok ati liliboka sekeibwe. 56Ara, ining deiboka boubsici kum, yasun yamubingnyi ba, boumnande to kuboka yabung deibsici ura, me ilikdobkwandarur,” ebdeibsou. 57A yan memen dinyi ara me ilikdob dinyi kum nining dinyi kum tenen liliboka dirden dinyi ati Er Iya Erebdobnyi biryi liliboka ebdeibmou.
Currently Selected:
Imamat Uram 14: MTG
Highlight
Copy
Compare
Share
Want to have your highlights saved across all your devices? Sign up or sign in
@LAI 2007 (New Testament), @LAI2022 (Old and New Testament)
Imamat Uram 14
14
Susa taleanci nang sirya lobdobci talak aryi me ilingdon deyok
14:1-32
1Ura, Er Iya Erebdobnyi biryi Musa bisi ato ebdeibmou. 2#Mat. 8:4; Mrk. 1:44; Luk. 5:14; 17:14“A yan memen dinyi ara er susa youn talerandinyi biryi kunubde bankwanci to ati liliboka sekeibdum! Ara, er susa youn taleandinyi er nong bol debum ebkwamaci talak ara imam nang asi bobinkwanung. 3Ura, er imam biryi keis ol ai doramingnyi atei dam aryi sakweteboka a susa youn taleandinyi bisi liliboka dibdenkwandur. Liliboka dirderanci uca, sirya lobdobmaci ura, a susa youn taleandinyi bisi ato enkwandur. ‘Kanda susa youn sirya lobdobmakir,’ ebkwandur. 4Ura, er imam biryi a susa lobmarinyi bisi ato eboka arukwandur, ‘Ninyi yiraming maka, mitik maka bitinyi kam kibmaning asi boyankwandum. Ani, teleb co si aras tentok ab, kaluna aling si kirmizi ab, co si hisop bisila ab boyankwandum,’ ebkwandur. 5Ura, er imam biryi yuknyi asi, ‘Ton maka ara tukwe aryi kiknibyi belanga bok, me u aryi kweboka yangan me aryi kibdongoboka a deici ya ngang sekwandum,’ eboka arungkwandur. 6Ba, er imam biryi kam kibmaning maka ara co aras ab, kalun aling kirmizi ab, co si hisop bisila ab nirya ara minob ya ngang sekmaci maka ining umbura dongobkwandur. 7Ura, er imam biryi sirya ato kuboka a maka ining nirya likmaci ura, sun a susa youn taleandinyi kilibkwamaci ati liki tabaryi a maka ining lubting akwandur. Ba, kam tuba kibmaning maka ara baitam kaibdongobkwandur. 8Ba, er susa youn taleandinyi asi kilibkwamarinyi ara er ongon aling me ilikdobci, sun otong nirya kurukwandur. Ani, tonda er nong nirya ara me kekdobkwandur. Ba, er taleanci susa lobdobkwandur. Ato kuboka ilikdobci deyok aryi susa lobdobci ura, a susa youn taleandinyi ati yuk dobdeiamingnyi atei ur wengbinkwandur. Bok, er atei kobdob ara ola wengbana kum uca, baitam akwe uki tabaryi kubdiryok er ai kobdoba wengbinkwandur. 9Ba, uki tabaryi tum ara tubto er otong nirya kurubkwandur. Ara, er kisok otong babyi, bana otong babyi, asing dimunya otong babyi nirya kurubkwandur. Ani, er ongon aling nirya me ilikdobkwandur. Ani, er nong bol nirya ababyi me kekdongobci ba, er nong bol debum ebkwandur.
10Ba, uki inbaryi tum berekci ura, er susa youn taleandinyi biryi nong bol tungdena kum kuanci bisam domba yim bitinyi ab, bisam domba ner tentok ab asi kwalina tentok ukuryok nerbalbalinglonmaci bisam asi sun imam nang dam boyankwandur. Ani, tepung teleb aryi minyak zaitun ab tabtabukmangnyi tepung 3 kilogram baryi ab, zaitun du yung me 0,3 liter baryi ab asi sun imam nang dam boyankwandur. 11Boyaci ura, er imam biryi er a susa youn taleandinyi ab, er dama deirin dinyi ab asi Er Iya Erebdobnyi urasintam bobinkwanung. Ara, Kemah Suci ai bisik bublan dam bobinkwandur. 12Bobici ura, bisam domba yim tentok ab, zaitun du yung me 0,3 liter baryi ab dobkwandur. Ara, Er Iya Erebdobnyi urasintam asi a dama dobtalebci ura, taruk erebokabdiryi amuboka dama deibkwandur. Ato kuboka er susa youn taleandinyi biti dama deiboka molobliknibkwandur. 13Ba, er a susa youn taleandinyi biryi Korban Penghapus Dosa ab, Korban Bakaran ab ati bisam domba oboka uk daramingnyi dikum asi bobindoka ya ngang sekwandur. Ara, Korban Penebus Salah ab, Korban Penghapus Dosa ab a dama kablobci dinyi ara er imam dinyi kimkwandur. Er imam biti karebkwamaci dama dinyi ara yuk wibdeibkwandur. 14Ura, er imam biryi a bisam domba ining mitikanun dobkwandur. Dobdobci ura, a susa taleandinyi bisi siriktam amol asi likdeibkwandur. Ani, er siriktam taruk amwe du ab siriktam yan amwe du ab asi lingdeibkwandur. 15Ani, er imam biryi minyak zaitun du yung 0,3 liter aryi me mitikanun dobkwandur. Dobci ura, er siriktam taruk te tang deici dub asi deibkwandur. 16Ura, siriktam taruk du aryi kwanimtam taruk te tang deici minyak zaitun ab maka ining ab tabtabukmaci dinyi siriktam te dumwe aryi likwandur. Ura, Kemah Suci ai umbura Er Iya Erebdobnyi urasintam asi er siriktam taruk du aryi liki tabaryi likoka lubting akdeibkwandur. 17Ba, a minyak zaitun kablobci dinyi ara imam biryi tubto er a susa youn taleandinyi siriktam amol asi lubdeibkwandur. Ani, er siriktam taruk amwe ab, er siriktam yan du ab asi lubdeibnin yibinkwandur. 18Ba, kablobci minyak zaitun ara er a susa youn taleandinyi kisok ai asi dikeibkwandur. Ato kubmaci dinyi aryi Er Iya Erebdobnyi ab antanirdeirin dinyi kibdeibkwandur. 19Ura, Imam biryi, ‘Er ura taleandinyi malyi kun dinyi kilibte,’ tenen Korban Penghapus Dosa ati bisam domba oboka uk dabkwandur. Ba, er a susa youn taleandinyi sirya lobdobci ura, bol debum ebkwandur. Ato kuboka sirya kubdeibci ura, er susa youn taleandinyi biryi bisam sapi tentok nong nirya Er Imtamnyi biti oboka uk dabkwandur. 20Ura, a bisam domba ara er imam biryi Er Imtamnyi biti Korban Sajian ab tonkwa dama deiboka uk dabkwandur. Ara, er a susa youn taleandinyi biti er imam biryi ato kuboka tubto dama deibdiryi molobliknibkwandur. Ato kubmaci deyok aryi er susa taleandinyi bol ara debum ebkwande.”
21“Bok, er a susa youn taleandinyi bira bona talena kum kurandinyi bisi susa youn taleanci ura, er malyi kun dinyi kilibkwamaci ati bisam domba yim tentok boyankwandur. Ara, bisam domba dobtaleboka Er Imtamnyi urasintam asi bebnin yiban dama boyankwandur. Ba, er a youn taleandinyi ab Er Imtamnyi ab antanibdeibkwandur. Ani, tonda yina-yina dama deiboka uk dabdiryi, molobkwamaci dinyi ati tepung teleb satu kilogram ab, minyak zaitun du yung me 0,3 liter baryi ab tabtabukoka boyankwandur. 22Ani, er taruk dam kubmaci to kuboka maka emnanyi mi bitinyi kum, maka tekukur mi bitinyi kum boyankwandur. A boyanmaci maka, ton maka ara, ‘Er Imtamnyi biryi ni malyi kun dinyi kilibnute,’ tenen oboka dama deirin dinyi deibkwandur. Ba, ton maka ara Er Imtamnyi biti oboka uk dan dinyi dama deibkwandur. 23Er a susa youn taleandinyi bira bol telebtonyi kibkwanci ati uki inbaryi tum berekci ura, er imam dam boyankwandur. Ura, ‘A boyankwandum,’ eanci dama nirya ara Er Iya Erebdobnyi urasin dam boyankwandur. Ara, Kemah Suci ai weik bisik bublan dam asi boyankwandur. 24Er lemdaron dinyi dengna ati bisam domba ab, zaitun du yung me ab boyankwandur. Ba, er imam biryi dobtalebdiryi, Er Iya Erebdobnyi urasintam asi dama deiboka amubnin yibiriryi, molobliknibkwandur. Ato kubmaci dama ara er imam dinyi kimkwandur. 25Ura, tubto er imam biryi a bisam domba dama deiboka ya ngang sekwandur. Sekci ura, a bisam ining mitikanun dobokabdiryi, a susa youn taleandinyi siriktam amol asi lubdeibkwandur. Ani, er siriktam taruk amwe ab, siriktam yan amwe ab asi lubdeibkwandur. Ato kubmaci deyok aryi a susa taleandinyi bol teleb kibdeibkwande. 26Ani, er imam erbiramnyi kwanimtam taruk te tang deici asi zaitun du yung me dikoka doubkwandur. 27Ura, siriktam taruk dumwe aryi likdongoboka Kemah Suci ai umbura Er Iya Erebdobnyi urasintam asi liki tabaryi akdeibnin yibinkwandur. 28Ani, er imam biryi susa taleandinyi bisi ‘Er Imtamnyi biryi malyi kun dinyi kilibte,’ tenen dama deirin bisam ining aryi minob likeibmaci dikum ababyi likeibkwandur. Ara, er susa taleandinyi siriktam amol babyi, er siriktam taruk amwe babyi er siriktam yan babyi asi tubto zaitun du yung me aryi likeibkwandur. 29Ani, a doubmaci minyak kablobci dinyi ara tubto er susa youn taleandinyi kisok deici dikdongobkwandur. Er imam biryi susa youn taleandinyi bisi ato kubmaci deyok aryi, Er Iya Erebdobnyi dam antanibdeibkwandur. 30Ato kuboka sirya kubdeibmaci ura, er susa youn taleandinyi biryi er taruk dam kubmaci to kuboka maka emnanyi mi kum, maka tekukur mi bitinyi kum boyankwandur. 31A maka boyaci ura, ton maka ara, ‘Er Imtamnyi biryi ni malyi kun dinyi kilibnute,’ tenen deirin dama ab, yina-yina dama deiboka uk daramingnyi deirin dama dam deibkwandur. Ura, er imam biryi er susa youn taleandinyi bisi ato kubmaci dinyi aryi Er Iya Erebdobnyi ab antanirdeirin dinyi kibdeibkwandur.
32Ara, er bona talena kumnyi bisi susa youn taleanci ani, sirya lobdobci talak ara ato kuboka dama boyandoka deibkwandur.” Ato eboka Musa biryi sun Israel ninyi asi, “Er Imtamnyi bira ato kuboka ebdeibsou,” ebmou.
Susa yun taleandinyi kiklina ara ai doamingnya asi luboka co un deirande ato kurande deyok
14:33-57
33Ura, Er Iya Erebdobnyi biryi Musa ab Harun ab asi ato ebdeibmou. 34“Sun Israel nang ara Ni sun molonindarurnyi biryi karebkwansin mutuk si Kanaan mutuk dam aminda wengbimunci, sun mutuk kiboka ai dobkwandum. A ai doboka kuramunyi ai nong bol ara Niryi sun susa youn talebsici ba, bobkwamunyi bol ato kikliboka ukubdeibkwan. 35Ura, er akai damnyi biryi a deibdongoanyi asi eibci ura, er imam dam asi, ‘Ni ai ara susa youn sirya talebwe,’ erbinkwandur. 36Ba, er imam biryi akai erdamnyi bisi ato ebkwandur, ‘Kan ai deiraminyi bona nirya ara Er Imtamnyi urasintam aryi nining ato tenen bona kibkicei ati yuk ai doboka deibdobdum. Ura, niryi kan ai liliboka diryankwaman,’ ebkwandur. Ato ebmaci aryi sirya yuk ai dobdeibdobmaci ura, er imam biryi ai liliboka diryankwandur. 37A Diryanmaci uca, akai luanci abilinga babyi, abyokomna babyi nirya asi liliboka dibdenkwandur. Liliboka dirderanci uca, akai abyokomna ab, er dangdang ab asi sukuboka ining bol deirandiryi bun duk-duk nirya obdakanci, 38asi liliboka eibci ura, er imam biryi akai umbura aryi baitam sakwetebkwandur. Ura, bisik bublan dam tingbiriryi, imam biryi akai bisik bublan tirikanci asi uki tabaryi kubkwandur. 39Ato kuboka bublan tirikanci tok asi uki tabaryi sirya berekci ura, er imam biryi akai dam yandokabdiryi, tubto liliboka dibdenkwandur. Liliboka dirderanci uca, akai luanci abilinga babyi abyokomna babyi nirya ara a susa aryi weik kibde barande to, 40kuranci ura, er imam biryi sun akai damnyi bisi ato ebkwandur. ‘Akai susa bolibwe abilinga babyi, abyokomna babyi ara dakwandum. Dakminyi ura, a dakdoba ara akatei aryi sakweteboka nining dinyi donongbana ati sirya yuk likeibdau dikum asi boboka donongbirum,’ ebkwandur. 41Ani, akai deneboka doanci dinyi nirya dakwandur. Dakci ura, akai dakdoba nirya ara akatei aryi sakweteboka nining dinyi donongbana ati yuk wibdeiamingnyi dikum asi boboka donongbinkwandur. 42Ato kuboka sirya dakoka bai donongbici ura, tubto ukuryok keil aryi ai dobkwandur. Ani, akai abilinga keil kum, abyokomna kum nirya ukuryok denerdongon dinyi aryi deneboka aknabdongobkwandur. 43-44Ato kuanci bok asi, sangkuna akai abilinga kum, abyokomna kum tubto susa eibdongobci ura, er imam biryi tubto yandoka liliboka dibdenkwandur. Liliboka dirderanci uca, akai nirya asi susa eianci asi asing eibkwande. Ato kuboka eiandiryi kuranci susa ara iya yu susa aryi akai umbura nirya asi kurandur. Akiryi akai ara sirya Er Imtamnyi biryi, ‘Nining ato,’ tenerur dinyi eiandur. 45Ato kuanci deyok aryi akai nirya ara dakabkwandur. Dakabci ura, akai dakdoba abyokomna babyi, abilinga babyi, abyokomna denena babyi nirya ara akatei aryi bosakweteboka yuk mutuk boboka donongbinkwandur. Ara, Er Imtamnyi biryi, ‘Nining ato,’ tenerur dinyi ati boboka weik atei lika baitam kuboka donongbaramingnyi dikum asi boboka donongbinkwandur. 46Ba, akai bublan er imam biryi tirikanci talak aryi akai wekmarinyi bira nining atonyi kibmaci ba, kunmaci tok asi kiting wekwandur. 47Ani, er akai umbura bukoka marandinyi ab kwaning yirandinyi ab ara er ongon aling me ilikdobkwandur.
48Bok asi, er imam biryi tubto yandoka liliboka dirderanci uca, a dakoka doanci ai umbura nirya weik kum kibde barandur. Ato kuranci ura, er imam biryi ato ebkwandur, ‘Akai eibwe susa sirya kum dandobmararyi sirya me ilikdob ai kibmar,’ ebkwandur. 49Akai me ilikdob ato ai kibkwanci ati er imam biryi mitik maka bitinyi boyankwandur. Ani, co si aras ab, kirmizi bol tabwe ab, co si hisop bisila tentok ab boyankwandur. 50Ura, er imam biryi ton maka asi luma kum me kibdongobmangnyi belanga deici deibdongoboka ya ngang sekwandur. Ara, a belanga ara tukwe aryi iniboka kikniamingnyi belanga deici deibdongoboka sekwandur. 51Ura, er imam biryi co aras ab, co si hisop bisila ab, kirmizi bol tabwe ab kam tuba kaibmangnyi maka ab asi dobkwandur. Ato kuboka a nirya dobci ura, minob oboka ya ngang sekmaci maka ining asi likwandur. Ani, me umbura dongoboka likwandur. Ato kubci ura, akai asi liki tabaryi tubdeibnin yibinkwandur. 52Ato kuboka er imam biryi susa eianci ai asi me ilikdob ai kibdeibkwandur. Ara, maka ining ab, yibaranci me ab, kam maka ab, co si aras ab, co si hisop bisila ab, kirmizi bol tabwe ab luboka me ilikdob ai kibdeibkwandur. 53Ani, er imam biryi kam tuba deibmangnyi maka ara baitam kaibdongobkwandur. Ato kuboka er imam biryi susa eianci ai asi me ilikdob ai kibdeibkwandur.
54Ara, ninyi bol ai ab, kisok ai ab, asi ninyi iya ilil talak youn susa kum, kudis kum talen deyok ati liliboka sekeibwe. 55Ani, ongon aling ab, ai ab sun ninyi nong bol asi susa youn eirin deyok ati liliboka sekeibwe. 56Ara, ining deiboka boubsici kum, yasun yamubingnyi ba, boumnande to kuboka yabung deibsici ura, me ilikdobkwandarur,” ebdeibsou. 57A yan memen dinyi ara me ilikdob dinyi kum nining dinyi kum tenen liliboka dirden dinyi ati Er Iya Erebdobnyi biryi liliboka ebdeibmou.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
@LAI 2007 (New Testament), @LAI2022 (Old and New Testament)